الجـــزء الخامس و ستين 🦋🥀
خؤج يوسف من السبيطار ورا ما قطع 7 شهر فيه وعدا فيه اكبر ابتلاء وتجاوزو رجع لخدمتو...قعد مع والديه في طابلة __ وا رايك ابابا نفاتح عمي ونحدد لادات تع العرس __ ايه على بركة الله __ مش كون سنيت سمانتين ماعندكش سمانتين من خرجت مسبيطار (اه يامدام راه طايب مسكين متوحشها)__الحمد لله اماما اني تحسنت ماتخافيش..تفاهم يوسف مع باباه وعيط لاب رتيل وتفاهم معاه وراح عنده...وفي صالو قعد يوسف وصهيب ووالديه __ الحمد لله على سلامتك شيخ يوسف توحشتك والله __ الله يسلمك صهيب وانا كثر __ منور بيتك والله ياولدي __ بنورك عمي __ جبتلي الحلوة تاعي عمو يوسف؟ __ اسر ارواح هنا عيب هكذا __ خليه اصهيب اسر حبيب عمو هاك حلوتك.. دخلت رتيل بحجاب فضفاض مع خمار هذي اول مرة يشوفها في دارها بلا نقاب دخلت وراها ماماها ترحب بيوسف _ عمي راني جيت ليوم بعد اذنك باش ليوم نحدد بدات تاع العرس _ هادو لكلمات كانو يكفو باش يطيرو مريم لسما سابعة مالفرحة..... تفاهمو على عشرين يوم لعرس باش يتلقا بالأميرة تاعو .... راخ يوسف لدارو و هو طاير بالفرحة ... يستنى برك وقتاش يوصل هداك نهار _ حمد يا ربي لي راح تجمعني بيها في دار وحدة وأخيرا راح تولي ملكي ..... راح يزرب باش يوصل لدار باش يفرح والديه بهدا لخبر.... عيط لأحمد و سديم _ السلام عليكم.... لوكان عرفت بالي راح دير هكدا ماكنتش راح نخرج مسبيطار _ و عليكم سلام و رحمة الله و بركاته اهلا بالغالي ... والله ماشي هكدا بصح راك علبالك لخدمة و يما عيانة شوية ... المهم طمني سمعت بالي رحت تخدم _ ههههههههه راك قديم ياو راح نتزوج مزالي سمانتين ولا تلاثة برك _ قول والله الف مبروك حبيبي ربي يتمملك بالخير خطفت سديم تيليفون من عند أحمد بعد مسمعت واش قال أحمد بسكو هي طفلة لمدللة عند يوسف ......
صباح يوم العرس_ أحمد ياك كولش مريڨل؟ _ متتقلقش يا عريس راهو واجد كولش بأذن الله _ معلباليش يا خويا علاش راني متوتر هكدا _ معليش هادي رهبة كي عاد اليوم عرسك.....
في جيهة وحدخرا .....
__خايفة بزاف يا سديم ..... قالتها رتيل و لخوف و توتر باين من وجهة _ علاش يا قلب سديم راكي احلى عروسة _ تعيشي عمري ...
خرج يوسف من شومبرة تاعو بعد مكمل لبسة تاعو لي خلاتو في ابهى صورة..... قميص بيض (الجلابية) و يتسحب على طراف تاعو .... و لحيتو لي كانت مطرسية... كان نور على وجهو... عنقاتو يماه و بدات تبكي .... باسلها راسها و يديها _ دعيلي يا يما _ و دار باس يد باباه ..... و دار عنق خوه أحمد ورا ماڨصر معاه_ اواه رايحين يكحلو علينا ليوم...ركب يوسف فطونوبيل تاعو رايح عند اميرتو باش يديها لصال .... وصلو هبط يوسف هبطها و شدها من يديها و داخل لصال لجيهة تاع نساء حطها و راح هو لصال تاع رجال .... ڨاع قاعدين يخزرو في يوسف تقول ملاك ... لبيض يزيدو جمالا و لحيتو تنور وجهو .... قعد في وسط صحابو و شيوخا لكبار و هو هكاك يباركولو _ الف مبروك يوسف والله غير فرحتي ليوم متتوصفش _ يبارك فيك يا شيخ اويس والله كون ماجيتش غير كنت راح نزعف منك _ و انا نقدر منجيش..... سمحلي بصح لفترة هادي كنت مسافر _ ملا ادينا معاك يا شيخ .. ناض يضحك اويس _ شد روحك في عرسك موراها ربي يسهل ...... كمل يوسف يرحب بناس لي جاو حتى وصل لوقت المنتظر باش يعلن عليه تولي مرتو و فرحتو بيها كبيرة متتوصفش ... عنقو أحمد و باركلو ...... ستناو شويا حتى جا اب رتيل دا يوسف و راحو لصال تاع نسا ..... راح يوسف معاه لصال باش يدي اميرتو لدارو .... أروع دار وجدها للمرأ لي ملكت قلبو .... دخل يوسف لصال و عينيه كانو يشوفو غير رتيل كأنها غير هي فالصالة... حس يوسف بالي زمان وقف في هاديك للحظة حكملها يديها و قعد يخزر في عينيها كانو عينيهم وحدها تعبر على واش كانو يحسو .....حست بالبرودة تمشي في جسمها .... غاس يوسف في عينيها و هو في عالم اخر ..... حست بيه رتيل غير منظراتو كانت كافية باش تعبر على كل حاجة في قلبو..... نساو بالي عينين لحاضرين قاع راهي عليهم يباركلهم ...... حمد الله ربي لم شملهم بعد ما جازو على بزاف صعوبات مجيش على بال انسان بصح هيهات هيهات لهاديك صعوبات .. لأنو خلاص حبيبتو بين يديه ليوم بعد توفيق من ربي سبحانو ... شد يديها و باسهم و هي وجها ولا حمر مالحشمة وقالها __ هادي مرتي اسمها اسمي و رفيقة دربي و يمات ولادي و شريكت فرحتي و احزاني ..... هادا لي كي نشوفها ترجع فيا روح من جديد.... إدا طحت في صعوبات هي أولا لي يكون واقف معايا و إدا جيت عيان لقيت فيها دفا و راحة.... يارب دوم المحبة بيناتنا و في عشرتنا ووفائنا لبعضانا ...... كانو هادو الكلمات يكفو باش يدخلو لقلب رتيل و يرجعوه يرفرف مالفرحة .... دمعة عينيها مالفرحة لآن ربي جمع بيناتهم ......
خلولي جام 👍
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
