ولنا في الحلال لقاء

__ جزء 58 __

الجــزء الثامن و الخمسين 🦋🥀

قاعد يوسف ووالديه وختو في صالو واحمد مجاش مو مريضة تفكر يوسف كيفاه كان اول لقاء في هذي البلاصة..سديم قاعدة تسنا به تتعرف على طفلة لي خيرها يوسف به تكون شريكة حياتو __ مرحبا بيكم نورتونا..قالها اب رتيل لافامي تع يوسف ردلو اب يوسف __ ربي يبارك فيك دار منورة بناسهاشوي هكذا وتدخل رتيل لصالو كي شافتها رتيل حست كأنو تعرفها تمنات تشوف وجها لي مغطيه نقاب بدات رتيل تسلم على ام يوسف تفاجأت سديم كي سمعت صوتها ماصدقتش بروحها حتى صوطةت وحضنتها وتبكي __ توحشتك رتولة..ماقدروش يحبسو من البكا كامل يشوفو معاهم ومش فاهمين غير يوسف حتى نطقت ام سديم وام رتيل __ مالك يابنتي واش كاين؟ مقدروش يجاوبوها كانو لاهيين ببعض بالبكا ناض يوسف يشرحلهم واش كاين وحكالهم من نهار راحت لفرنسا حتى هذي دقيقة تشوكاو كامل وا قال يوسف نطق صهيب __ يعني نت هو الراجل لي قعد حداه اسر؟ __ ايوا هذاك هو __ وانا نقول اني شايفو من قبل __ بصح اسر الله يبارك عليه كبر ولا راجل..شوي وقت واستأذنت رتيل تروح لبيتها مع سديم (بقرا هذي رايحة تتزوجي يوسف مش سديم شلي عينيك منه خير) قعدو على سرير __ مزالني مانيش مصدقة ياك نتي رتيل###؟ __ انا لي مش مستوعبة للدرك نتي ويوسف وحنا مجمعين مع بعضانا __ الحمد لله ربي استجاب دعائي في العمرة عندي يومين ملي رجعت انا وراجلي احمد ودعيتلك نتي ويوسف..فرحت رتيل من هدرت سديم __ يبان راجلك ناس ملاح حسب ماسمعت يوسف يشكر فيه __ الحمد لله ربي عوضني خير كون تتفكري صاحب يوسف هذاك ملتزم هذاك خطبني بصح وراها بشهرين مات ربي يرحمو ونفسيتي تعبت بصح الحمد لله ربي عوضني وكرمني باحمد عمري ماحسيت ان كرم ربي يوصل انو يرزقني بواحد كيما احمد المهم واش لي خلاك تغيبي الوقت هذا كامل بلاما تحوسي علينا؟..تنهدت شوي وقالت __ كنت خايفة بزاف اسديم اني نتعلق بيوسف كثر وهو مكانش مليح لانو وقتها مكانش ملتزم بصح معلاباليش علاه حبيت وزيد نسيت ساكي في طنوبيل لي وصلتنا للمطار بصح كنت حافظة نيميرو تع ايمان وكنت نعيطلها ونسقسي عليها وهي علابالها بكلش ونصحتني اني نبعد وننسى خاصة بعد موت خوها اسلام وراها انقطع كونطاكث وليت لاتيا بقرايتي وحياتي لهين لحتى بابا جا وقالنا انو شركة رايحة ترجعو لولايتنا هي صح فرحت وحزنت فرحت لاني راجعة لولاية لي كبرت فيها وحزنت لاني كنت خايفة نلقا روحي مزلت متعلقة بيوسف كنت خايفة خوك يدخل فوسطي ويسيطر عليا ونعصي ربي فتركت وفوضت امري كله لله وكانت اول دعوة اول ماشفت الكعبة "يارب تركته من أجلك فاهدِه واجمعني به"......حددوا موعد الخطوبة وللدرك مزال يوسف مش مستوعي واش صرا تعداو الايام ورجعت رتيل وسديم كيما كانو قبل...في يوم الخطوبة....لبس يوسف حوايجو وتأنق وخرج من بيتو قابلتو ماماه __ ماشاء الله عليك ياولدي ربي يحفظك __ ربي يحفظك ليا مانا. وباسلها يدها __ ربي يفرحك ويهنيك __ جزاك الله خير وربي يحفظك ليا بابا __ ممم شكون كيفك وليت عريس مبروك عليك __ ربي يحفظك ياصغرونة نشوف فيك راكب فرحانة كثر مني __ هيه والله خويا وصحبتي واش حابني ندير؟ __ مبروك يوسف ربي يتمملك على خير __ ربي يحفظك احمد..... في بيت رتيل لي تحس بتوتر ماحستش بيه من قبل __ اتكالماي حاجة ماتقلق __ مانيش عارفة اصهيب حاسة روحي حنبكي __ اتكالماي برك واقراي اذكارك....دخل عليهم اسر بزربة __ عمي جا عمي جا __ كملي وجدي روحك ناس وصلت...قالتها امها ورا مادخلت للبيت.... قاعدين كامليسناو فيها تجي حالة من توتر سيطرت على يوسف (راه نسا على روحو راك ماكش عروسة حتى تتوتر🤣) لاحظوها كامل __ مالك اشيخ يوسف؟تقول راك داخل كونطرول صعييب..قالها اب رتيل به يخففها عليه ضحكو كامل (قادر روحك اعمي مرة لولة فزدت عليه ودرك؟ام يجوك متابعات مايشتوش على يوسف)__ انا درك زي صعيب اعمي يعني يوسف برك كون جا امتحان رايح يكون ساهل بزاااف.. قطع هدرتهم صهيب دخل ومعاه ختو طاحت عينو في عينيه (تفكرت الغناية تع طاحت عيني في عينيها) حس يوسف وقت حبس نتم..قعدت قدام يوسف نطق صهيب __ تتفكر اشيخ نهار لي شفتك في العرس تع صاحبت رتيل؟..حشم يوسف من هدرتو رد عليه يڨصر معاه __ ايه اذكروا محاسن موتاكم __ بعيد الشر ماتقولش هكذا.. شاف يوسف لرتيل مشوكي حست ببرودة مشات في جسمها معرفتش كيفاش خرجت من فمها محبش يحرجها __ ماكيش حتلبسي الخاتم لرتيل يا ماما ولا شاه؟.. خرجت امو الخاتم من باطة تاعو ولبستهالها شافت بلي كاتب في خاتم "إني رُزقتُ حُبها" شافت معاه وتبسمت شاف معاها يوسف وكأنو قالها بعينيه " لقد رزقني االله حبك حقاً " فرحت بزاااف رتيل كي لبست خاتم..__اتفضلو العشا واجد خليك اولدي هنا مع رتيل وصهيب نجيبلكم عشاكم هنا(ويوووضلمت عمو)__ جزاك الله خيرا..دار لرتيل..باباك هذا عسل والله(حلاب هذا كامل كب خلاك مع رتيل🤣بصح مسكين ماحلبتوش) مردتش عليه __ قلت نقعد معاكم نضحكم شوي مدامكم ساكتين..قالتها سديم لليوسف __ وانا نقول امشي منا خير تروحي تشوفي احمد وين وتقعدي معاه قال ساكتين ديجا شكون عرضك..دار لرتيل..مدام تعرفي طفلة هذي؟..سكتت شوي __ ايه هذي ختي ورفيقة عمري __ ربي يخليك ليا رتولة __ هكذا وليتو زوج صحا انا نروح ناكل مع احمد ونتي اقعدي هنا معاها..ضحكو في زوج __ لا انا لي رايحة عند راجلي...

خلولي جام