جـــزء الثامن و الستين 🦋🥀
حبيتو وي حبيت يوسف حب جنوني وليت نشك فيه ... قعد يوسف غير يتجنب فيها واحد عشر ايام ميكلش معاها ... هجرها بمعنى الكلمة.... كان يجيبلها واش تسحق فدار و كان متعمد يبقى اطول وقت ميحكيش معاها .... و هي كان ليها عقاب شديد .. ... في واحد الليلة ولا يوسف لدار و لقا رتيل على غير لعادة موالف تستناه تتكا على لحيط و تخزر فيه خزرة حنينة و تاع استعطاف .... مكاش داي اهمية مالبداية بصح عفسة خلاتو يروح لشمبرتها لقاها مغاشية .... مكان يخمم في والو غير إدا حاجة صرات لرتيل جرا بيها يوسف لسبيطار بعد ملبسها حوايجها ... كي كان في الطونوبيل عيط لأحمد _ السلام عليكم رتيل لقيتها طايحة و راني دايها لسبيطار ارواح ليا اجري ..... شد يدها بعد مكمل الهدرة فاتيليفون .... قعد يسمع في رتيل تتوجع وتهدر بسيف باش تتسمع و بدا يعلى صوتها _ نحبك والله غير اممممم اسمحلي... قالتلها و هي تتوجع و فاقدة الوعي بسبت نزيف .... وصل لسبيطار رفدها بين يديه و داها لسرير قريب باش يدخل بيها ليزيرجونص ..... شويا و وصل أحمد و سديم لسبيطار _ واش كاين يوسف ؟ رتيل واشبيها ؟! _ معلباليش يا سديم معلباليش .. قالها و هو في حالة انهيار كان يحلم بيها و دوك بلخف راح تروح لمولاها ...... بعد مرور ساعتين خرج طبيب رافد في يدو واش مكانش يخطر في بال يوسف _ الدكتور غير لخير واش كاين _ حمد الله المريضة بغير بصح البيبي ...... مجا يكمل هدرتو قاطعو يوسف _ واش من بيبي ... يهدر و قلبو يرجف_ بيبي بخير الحمد لله _ يعني راهي حامل؟ راهم بخير؟ _ حمد الله ستقرت حالتهم ... طار قلبو بالفرحة و طلب من طبيب باش يشوف رتيل ..... دخل لقا سيروم معلق في يدها..... جاب كرسي و حطو قدامها و قعد _ هكدا تخلعيني عليك _ مقدرتش تهدر رتيل من كثرة لبكا بدا يهدي فيها _ اششششششش علاش راكي تبكي على دموع هادي كامل ؟_ سمحلي حقك عليا ... انا معرفتش نعبرلك على غيرتي عليك يوسف فوق جهدي... وحكمت يدو و باستها باش ترضيه _ خلاص حبيبتي صرا خير و دارها بيناتنا شيطان بصح لازم تفهمي حاجة انا عمري ما كنت متمني من ربي حاجة قد متمنيتك معايا و في داري و ربي يجمعني بيك نتي الهوى لي نتنفسو نتي كل حاجة كيفاش حتى تقدري تخمي بالي نقدر نخلي ؟ _ معليش يوسف تقدر تقول غيرة زايدة عن الحب ... قاطعها و هو يحاول يخفف عليها _ بلاك الغباء هدا _ بداو يضحكو في زوج شدلها يديها _طبيب راهو يقول راكي في حالة ضعف و هدا خطر على لي راحو في كرشك _ مكنتش قادرة ناكل من غيرك ماشي موالفة _ خزر فيها مبروك يا ام دجانة _ الله يبارك فيك يا اب دجانة.... قطعت عليهم سديم _ تيرا رارارارارارارا اعزف معايا يا أحمد ضحكو قاع على واش دارت سديم كان هداك لخبر في مثابة صفحة جديدة بيناتهم.....حست بقيمة و نعمة يوسف في حياتها ... فرحو قاع بهدا لخبر هاهي جايتهم حفيدة لعائلة يوسف بعد مجات سديم.....
جازو ليامات و جابت رتيل بنتها صغيرة و يوسف دنيا ماشي واسعاتو لخاطر بنتو تشبه ليماها _ شفتي شحال تشبهلك؟_ لالا تشبهلك ليك حبيبي _ ربي يباركلي فيكم... و باسها في راسها مكانش مأمن واش رزقو ربي خرج مشمبرة دخل لشمبرة لخرى باش يصلي و يشكر ربي على واش رزقو
خلو جام
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
