الجـــزء الأربعين 🦋
✍️بقلم ملاك🦋
ولا يبكي ويتفرج في البرية ويعاود يقرا فيها بدياندامتي كان ناويلي الخير وانا واش درت هو كان يحبني وبزاف تاني جامي رضالي شر وانا بواش كافئتو جاب مدة وهو يبكي ويلوم في روحو ناض راح لدوش دار وضوء اكبر واصغر وحط سجادو وقف فوقها به يصلي ركعتين ويعلن توبتو النصوح لربي ، بدا يصلي مع وصل لسجود طلق دموعو وترجياتو لربي طول في سجود والدعاء " ربي خذني إليك ولا تتركني في بحر شهواتي وملذاتي ...يارب أعنِّ ي على نفسي وشيطاني ...يارب اقبلني عندك ...يا
رب أنا عائد إليك ...أنا تائب إليك...أستغفرك ياربِّ فاغفر لي يارب العالمين ". بعد ماحس براحة كمل صلاتو ورما روحو بتعب في سرير ورقد ، ناض يوسف من رقادو على صوت المؤذن على صلاة الصبح ( علابالكم بلي ربي اذا تاب على عبدا خلاه ينوض للفجر بدون تعب او عجز ويسرلو به يفطن للفجر وميحرموش من نعمة صلاتو نهار لي ماتقدروش تنوضو لفجر سقسو رواحكم واش من ذنب درتو حتى تحرمت من نوضة الفجر ) ناض توضا وراح للمسجد وهو في طريق تفكر اسلام وتوحشو كون راهم مع بعض في مسجد لان قلب يوسف بعد ماكان قاسح حجرة والحمد لله هذا توفيق من عند الله ، دخل للمسجد اقام تحية المسجد سافو الإمام وشفا عليه نهار جا اول مرة وبكا في صلاة ومنتم مزادش بان خلص ركعتين وراح للإمام يسلم عليه __ السلام عليكم__ وعليكم السلام واش حوالك اخي؟ نورتنا المسجد . قالها ايمام والابتسامة على وجهو __ شكرا ربي يحفظك . أقيمت الصلاة واصطف المصلون وبدأ الإمام يقرا في القرآن بصوتو لي يريح السامعين وصل للآية " ألم يأن للذين آمنو ا أن تخشع قلوبهم لذكر االله..." حس يوسف وكأن الآية ليه كي سجد رجع يبكي ويدعي بالمغفرة .. خلصو صلاة خير يوسف بلاصة في مسجد وقعد فيها وحدو شافو باباه ماحبش يقلقو وخلاه على راحتو بصح طلب من إمام يهدر معاه. قعد الإمام حدا يوسف وبدا يحكي معاه __ لقيتك مهموم حبيت نخفف عليه وبلاك نقدر نعاونك احكي براحتك وانا نسمعلك __ ربي يحفظك اشيخ بصح حكايتي طويييلة واش نحكي واش نخلي __ هههه بلا كلمة شيخ انا اسمي احمد وعمري 26 سنة مانيش شايب يعني ومزالني مش متزوج . خب يضحك معاه ويخفف عليه ويطمأنو تبسم يوسف __ هههه صحا شوف حكايتي بدات من نهار طلعت لجامعة ........ وبدا يحكيلو على واش جاز عليه وعرفناهم في الحلقات لي فاتو من بدا يصاحب البنات والهدرة معاهم لنصاص تع ليالي لحتى حفلة وختم كلامو بـ __ يغفرلي ربي بعد واش درت كامل ؟
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
