ولنا في الحلال لقاء

__ جزء 46 __

الجــزء السادس والأربعين 🦋
بقلم ملاك 🦋🥀
تقلقت اندم يوسف وقلبها مش مطمنها على ولدها راها 10 قريب 11 ومجاش من خرج على 7 ومش على عادتو لي والف بيها خافت غير تكون صرات معاه حاجة راحت لراجلها __ يوسف مزال مجاش عيطلو شوف وينو __هاتي ثليفوني . عيطلو لقا ثليفونو طافي زادو تقلقو كثر .
وصل يوسف لسبيطار ومزال عندو نزيف دخلوه ديراكث للكوما وطبة راحو ليه يجراو ومشكل مش رصاصة برك قاستو __ اتفضلي امدام على الاستقبال __ بصح انا مانيش من لافامي تاعو __ لا عندك عيطيلهم لازم يجو. بقات تخمم واش دير؟ حتى لقات لابوليس قابلوها وجايين جيهتهاا  يستفسرو منها حكاتلهم واش صرا كلش __ ودرك كيفاش حديرو معاه __ درك رانا حكمنا فادي كيما خبرتي عليه مع مرة لولة ومانقدرو نديرو والو حتى نشوفو ميسيو حالتو كيفاش وهذي بلا المخدرات لي لقيناها عندو يعني الحكاية مطولة معاه. طمنت سوزي __ هذا ثليفون راه تع ضحية . حكمتو وعرفت واش دير  شعلتو بعد مالقاتو طافي لقاتو بالكود جربت بصح والو حتى تلقاه صونا هزت __ السلام عليكم وينك اولدي؟ قلقنا عليك. __ انا مش يوسف اعمي . بلع ريقو __ مالا يوسف وينو؟  __ راه في كومة لقيتو في فيلا قايسينو برصاصات .. تصدم من واش سمع حتى قعد في اقرب كرسي ليه __ ولدي ياربي ياربي نجيه __ ولدي يا سعيد واشبيه ولدي . تسمع سديم صوتت مها وهيي تعيط دخلن تجري بلاما طبطب لقات مها تعدد وباباها حالتو حالة __ شبيه يوسف ماما بابا وينو يوسف؟ لالا ماتقولوهاش زاد رايح عليا خويا هههههه خويا مايديرهاش حنتحرم من خويا بعد ماتصلحت علاقتنا؟ نوضو درك تدوني ليه وينو درك ... تهسترا ولات تجري وتلبس في اي حاجة قدامها ومها مافهمت على ولدها ولا بنتها لي راح طيح هنا ولاو راحو يجراو لسبيطار وخايفين يسمعو حاجة توجعهم .دخل اب يوسف يسقسي وين يلقاوه وراولو وين راحو جيهتو لقاو طفلة قاعدة قدام الباب وفي يدها ثليفون يوسف زرب باباه ما جيهتها __ واش صرا مع ولدي؟.. حكاتلهم كلش واش صرا واش دار فادي وكيفاش وصل هنا __ ربي يحفظك ويبارك فيك . هدرتها ام يوسف لسوزي ، خرج طبيب راح ليه سعيد __ هااا قولي واش حوالو؟ __ الحمد لله خرجنا رصاصتين على خير بصح رايح يقعد كوما  حتى نطمنو عليه ونخرجوه .
تعدات 6 ساعات وهوما على اعصابهم ويوسف مزال مافطنش حتى لقا طبيب جاي جيهتهم __ ياك ولدي مابيه والو __ لالا اميسيو ولدك فطن جينا نديرولو فحص هكذا ونخرجوه ، شوي وقت وخرجوه لبيت عادية وخلاهم طبيب يدخلو عندو ، باستو مو __ الحمد لله على سلامتك . باستو ختو من يدو وهي تبكي __ ربي مايحرمنيش منك يارب . حست سوزي بالاحراج لانها حست روحها دخيلة حبت تخرج شافها سعيد __ اسناي ابنتي وين رايحة؟ __ نوقفةبرا عمي الحمد لله على السلامة يوسف __ سوزي هي لي طلبتلك الاسعاف وجابتك هنا ربي يحفظها . قالتهالو امو تبسم معاها . ناضت عندها سديم وخرجو مع بعض قدام الباب
  كبسو العدوات  وجمجمو 🦋🥀