الجــزء الثاني و الخمسين 🦋🥀
بقلم ملاك مارو 🦋🥀
واش مليحة كي تحسي انك ارتويتي بعد عطش كبييير هكذا حست سديم ورا الرؤية الشرعية قفلت باب بيتها ورا ما توضات به تصلي ركعتين تشكر بيهم ربي على العطاء اللانهائي تفكرت الرؤية وكأنها مزالت فيها ( هذا هو وعد الله لي يستعفف " وليستعفف الذين لايجدون نكاحاً حتي يغنيهم االله من فضله")... __ واش رايك ماما؟ قالها احمد لماماه بعد ما وصلو لدار __ والله ياولدي انا حبيتهم بزاف وحتى سديم كتر حسيتها بنتي لي ماجابتهاش كرشي ربي يكتبهالك ويتكملكم على خير.__ اللهم آمين. حس احمد بلي دنيا مض سايعتو باس يد ماماه وبعده اراح لبيتو به يخلو بمن أنعم عليه بجميع النعم بدا يصلي وفي سجوده "اللهم يا مالك الملك يا أكرم من سُئل، أنت من ألقيت حبها في قلبي ..ولكن يا إلهي تعلم أن حبك فوق كل حب في قلبي فيارب إن كانت خيراً لي فقدرها لي ياخالقي...."خلص صلاتو وراح يرقد .... تعادات الأيام ورجع الخبر لي كان يستنا فيه أحمد على أحر من جمرة حددوا موعد الخطبة وبدا توجاد للخطبة اأنو كان باقيلو سمانة .. وفي يوم الخطبة تلمو العايلتين كان جو عائلي وهذا كان طلب سديم وأحمد قدم يوسف لأحمد يڨصر معاه __ ماتفاهمناش هكذا راك سرقتنا الأنوار. حكم احمد ضحكتو ورسم بسمة برك __ النهار نهاري تحملني اسيدي هههه العاقبة ليك ونفرحو بيك ازربنا نت تاني __ إن شاء الله. شوي وقت وتدخل سديم بنقابها توتر أحمد كي قعدت سديم حداه ونسا في دقيقة هذيك واش يدير ولا واش يهدر تخلطت عليه المشاعر بين الحياء والسعادة وتوتر .. من جهة لوخرا كان قلب سديم قريب يخرج من بلاصتو من الفرحة والبسمة مافارقتش وجها ورا نقابها ، شاف اب يوسفحياء أحمد ومهزش عينيه من الارض وهذا عجبو كثر بدات الخطوبة بتبادل خواتم وقصان تع القاطو كان جو حنين وهادئ .. خلص النهاار مخلي وراه ذكرى في كل من عايلتين والأكثر في قلب سديم وأحمد .. دقدق يوسف في باب بيت سديم __ ادخل . دخل وقعد حداها في سرير __ علابالك بلي مكاش واحد يسمط عليك كيفي __ نورمال والفت . ضحك عليها __ صحا الزين فرحانة؟. طلعو خدودها حومر سكتت وماقدرتش تجاوب __ مممم ماتفاهمناش بلي نولي صحاب لكان مش حابة خلاص منزيدش نتطفل عليك __ وشمن تطفل رانا خوات . عدلت سديم قعدتها __ مانيش عارفة ايوسف نوصف شعوري حاسة اني نطير حاسة بكرم ربي بزاااف وعطائه تخيل أحمد فيه كل مواصفاي لي طلبتها من ربي وكثر تاني.. مقدرتش تكمل خانتها دموعها حضنها يوسف ومسحلها على راسها __ صااي اليوم هذا مش تع بكا ربي يفرحك هو ولد حلال وهو اول واحد ورالي طريق الصحيح الحمد لله ، نوضي توضاي وصلي ركعتين شكر لله وادعيلي معاك __ حاااضر وعندي واحد غيرك ندعيلو؟ ...... بدات امتحانات يوسف وهذا هو عامو لخر به يدي ديبلوم تاعو ويكون قادر يحكم شريكة تع باباه ، زاد في روتين القراية تاعو به ينجح بمعدل مليح وهذا خلاه يتشهر في حاميعة كثر والاساتذة تاعو حبوه وهذا شي خلاه تعجبو روحو كثر وماعلابالوش بلي هذا قادر يكون إبتلاء من الله.. ناض يوسف في وحد ليل ورا ما كمل قرايتو هز ثليفونو يكونكثي ويدور حتى لقا بلي وصلو انفيث تع ميساج من فايسبوك بقا يخمم يقبل ولا لالا؟ بقات نفسو تكلمو وتزهيلو شهواتو (يادرا رايح يلبي طلب ولالا؟ قولولي في القروب من بعد واش كان توقعكم ليه ) دخل شاف ميساج واش فيه " السلام عليكم جزاك الله كل خير أخي الفاضل على منشوراتك في بروفيلي تاعك جعله الله في ميزان حسناتك لكن عندي سؤال ، عندي صاحبتي حابة نقنعها بالنقاب والالتزام واش نقدر ندير معاها؟ وجزاك الله كل خير " حس يوسف بغصة وقلبو ولا يخبط وماعلابالوش علاه هذا كامل بقا يخمم يقبل ولا يسيبريمي ميساج وينسا باي تبعث؟ لكن شيطان وين خدمتو سهلو الحكاية وزهاهالو بلي راك رايح دير خير وتعاون طفلة وهكذا رايح تدي فيها الأجر وخلاص لك هيهات هيهات (البنات والله سيريو مكاش تع تحكي مع واحد مسنجر وتقولي امي وننصحو ونعاونو لا مكاش هذي عيني يتنصح يروح لإيمام هذا برك شيطان دخلكم من باب الخير ويهيألكم بلي ديرو خير بصح راهو غير سيئات تتماركا في كراس تاعك ) نجح الشيطان وطيحو في شبكة تاعو يفتحلك باب نت تقول صغيرة مافيها والو بصح من وراها فتنة كبيييرة .. قبلها وبدا يكتب به يبعتلها واش كان حيبعت مع رسل شوي وقت حتى يلقا ميساج اوخر دخل من عندها __ جزاك الله خيرا __ وإياكِ. بدا يطيح في شبكة فالممنوع مرغوب خاصّة أنها أعظم الفتن كما أخبرنا المصطفى - صلى االله عليه وسلم -هي أشد خطراً بل كانت أعظم فتنة في بني إسرائيل.. طوالو ليميساج بيناتهم حتى فطن يوسف من غفوته على آذان الفجر راخ القيام ووتر ووقوف بين يدي الله .. تعدات تقرابا 10 ايام وكل يوم يزيد يتعلق بهذيك طفلة ماحسش بخطوات الشيطان لي رح تغرقو في شهوتو من جديد بعد ما تاب، زادتو داء العجب بنفسه وكل خطرة يزيد بعد ماتشكرو الطفلة ومزالو غافل مهما كان إيمانك متامنش بنفسك وبمكر الشيطان والفتنة مايغريطش ثباتك قداه من واحد كان مسلم وصبح كافر والعياذ بالله ، لكن ربي مايتخلاش على عبادو ويقبل تبوتنا سبحانو
#كبسوا_العدوات🦋🥀
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
