الجـــزء السادس و الثلاثين 🦋
✍️ بقلم ملاك 🦋
دخلو الطبة يتجاراو ليه يديرولو في الاسعافات ويوسف واقف متسمر في بلاصتو يتفرج فيهم كيفاش يديرولو الانعاش بجهاز تع صدمات الكهربائية وجسم تاعو يطلع ويهبط بسباب جهاز بصح مكان حتى تجاوب من عند اسلام جاتو الفرملية تخرج فيه بعد ما قالها طبيب ويوسف هي دز فيه وهو ماعلابالوش قاعد يقول في راسو " اسلام مات صاي " حتى خرج من الغرفة لي فيها وقفلت الباب وحد وقت هكذاك وخرج طبيب وملامح وجهو ماتبشرش بالخير __ الله غالب قدر الله ماشاء فعل درنا واش نقدرو عليه بصح للاسف خسرنا المريض إن لله وإن إليه راجعون .امو طاحت ديراكث تغاشات وإيمان تبكي بصوت وتروح لمها به تفطنها بصح داوها الفراملة به يفطنوها سديم بقات جامدة في بلاصتها مزالها مش مصدقة تحضنها مها خلاتها تفطن طرطڨت بالبكا على راجل لي تمناتو يكون راجلها ، قعد اسلام على كرسي طلق روحو حكمتو الفشلة من واش سمع هبطو دموعو يعني صاي مات واخر ذكرى بيناتنا هي هذيك انا سبة في موتك انااا. محمد راح يحضن ايمان لي كانت تبكي في بيت لي كانت فيها ام اسلام حاطينلها سيروم بقات تبكي وهو معنقها __ يعني اسلام صاي مات يعني ماني حنزيد نشوفو __ ادعيلو برحمة ياحبيبتي هذي مشيئة الله سبحانو .
كان واقف معاه قبل ساعات ودرك راه واقف به يشوف غسل صاحبو ورجليه بسيف حاملينو وهذي اول مرة يحضر لغسيل ميت دخل المُغسل وبدا يغسل فيه ويقلب فيه يمين ويسار وهو هكذاك جثة دمعو عينين يوسف وبداو يهبطو دموعو وحدة ورا وحدة قلبو حاسو رايح يحبس يحس بالذنب على واش دار ورجع يخمم كون جا في بلاصتو درك تفكر معاصي تاعو وخدايمو كيفاه رايح يواجه ربي كيفاش رايح يكون في قبرو؟ على عكس صاحبو كان وجهو كي القمر وجهو فيه نور وإبتسامة مرسومة سقسا روحو "كون نت مت واش راح تكون حالتك ايوسف" ولا يحوس على إجابة بصح مارضاتوش واقف كي الميت هو لي مات مش صاحبو باباه يشوف معاه ويواسي فيل بتعنيقة ولا بصح والو كان جامد وعينيه في صاحبو برك خلص الغسيل ولا يكفن فيه كي شافو رايح يغطيلو وجهو حبسو وقدم ليه بقا يشوف مع وجهو ويحفظ فيهم مس وجهو كانت فيه ريحة تهبل وحد نور في وجهو ما شاء الله قدم باسو من جبينو __ سامحني بالله عليك والله ماكنت قصدي نقلقك خلاااص عرفت روطار قداه كنت خايف عليا . ويطرطق بالبا حتى ولا يشهق ويمسحلو في وجهو ويشوف معاه حكمو باباه من كتفو وينوض فيه بسيف غطاولو وجهو وهزوه للمسجد به يصلو عليه الصلاة التي لا ركوع فيه مسجد لي مالف ديما يصلي فيه رايح يتوحشو ، وقف الإمام على جثة تع اسلام وقال __ صلاة الجنازة أربع تكبيرات التكبيرة الأولى الفاتحة والتكليرة تانية تحية الابراهمية والثالثة الدعاء للمتوفي والتكبيرة الرابعة الدعاء ليك ولكانل المسلمين الأحياء منهم والأموات منهم وبداو يصليو عليه
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
