ولنا في الحلال لقاء

__جزء 21 __

الجـــزء واحد وعشرين 💗
بقلم ملاك ✍️💗
رايح لبيتو بعد ما قاتلو سديم بلي رتيل رايحة ترجع تعيش بفرنسا قعد على حافة سرير يفكر بواش يحس كي يسمع باسمها ولا كي سمع بلي رايحة يعني حبتها ولا بقات في راسي برك كي رفضتني وماطاحتش فيا وفي زيني؟ حتى تفكر واش دارفي ليلة هذيك زادو تأنيب ضمير يعني قادر يكون ربي يعاقب فيا ببعدها عليا يعني رايح نتزوج ويرزقني بوحدة ملتزمة كيما رتيل بعد واش درت كامل؟ معرف ماشكيتش ، بقا يلوم في روحو ويعاتب فيها وكأنو هكذا رايح يريح ضميرو كأنو قاعد يجلد في رووحو غصة حكمتو للحضة غاضتو روحو وتفكر وين كان وين ولا رما روحو بثقل على سريرو ومزال يخمم حتى غطس في نوم عميق ونسا بلي عندو خرجة مع فادي .
في صباح كانت سديم قاعدة مع رتيل في الجامعة قاعدين يستغلو كل دقيقة تعدي مع بعض __ تخيلي ارتيل خويا يوسف في عرس تع ايمان قعدو معاه خوتك صهيب وآسر . رجع قلب رتيل يخبط بصح مابينت والو كلي ماصرا والو حابة تقتل احساس هذا __ ههه ايه قالنا صهيب ، علابالك قالي بابا في اقرب وقت رايحين نسافرو ماعلاباليش درك وكتاه بضبط نروح . تنهدت __ معليش مهم رايحين نتواصلو مع بعض ونسمع صوتو هذا كفاية ليا __ زعما هذا يكفي نسمعك برك __ معليش فيها خير اكيد يجي وقت وترجعي ونرجعو نتلمو مع بعضانا __ إن شاء الله انا درك انا لازم نروح رانا مع دار نلمو فيها غدوة إن شاء الله __ صحا في أمان الله اتهلااي في روحك . توصل رتيل لدار لكن مش كيما مالفة تجيب الحلوة لخوها آسر وما افشتش السلام ، راحت ديراكث لبيتها رمات روحها في سرير تبكي بصح علاه تبكي مش عارفة تكي على صاحبتها رايحة وتخليها ولا على قرايتها لي ماتكملهاش هنا وين والفت ولا ولا ولا على جالو ، اعوذ بالله من الشيطان الرجيم ناضت توضات صلاة صلاتها كي كنلت ولات تدعي " رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ”. حتى ولات تبكي وتدعي خوف من معصية ديما تحاول تجاهد نفسها على معصية الا هذي مقدرتش راها تحاول رجعت سجدت وحست بلي راها قريبة من ربي ولات تحكي واش كاين في قلبها هو علابالو بواش صاريلها " اللهم يا من ملكت كل شىء يا من ملكت السموات والأرض يا من ملكت قلبي وعقلي ونفسي أسألك باسمك الأعظم أن تربط على قلبي ولا تجعله سبباً في غضبك عليّ ..ياااارب لا تجعل في قلبي إلا حبك و حب نبيك" .
       كان يوسف راقد في سريرو يتفرج مع سطح ويخمم مع روحو يادرا رايح يغفرلي ربي؟ علاه وصلت روحي لماصل هذو؟ درتها بيدي دمرت روحي بروحي ، حاب يدعي وحشمان مايصليش ويدعي ولا دعا وهو متردد لعلى وعسى يستجيب __ ياااربي وماتسافرش رتيل ، والله قررت نتبدل على جالها نت قادر على كل شي ماتخليهاش تسافر يارب . دعا من كل قلبو بعد ماتأكد بلي صاي حبها لاختلافها على البنات لي عرفهم في حياتو كامل ، قطع تخمامو ثليفون يصوني عيطلو فادي بقا يشوف مع ثليفون من فوق تخمامو زادو صراع بين النفس اللوامة والنفس الأمارة بسوء لي خلاتو يجري ورا شهواتو حتى تقطع صوت ثليفون تنفس براحة __ الحمد لله .