الجــزء الرابع و العشرين 🦋
✍️ بقلم ملاك 🦋
كان فادي قاعد يخمم وبالي بعييد رجع بذكريات تاعو لنهار لي لمتو مع يوسف في طفولة كان ديما حاقد عليه ويكرهو من صغرو يغير منو لانو يحسو ديما خير عليه قطعت أفكارو سوزي __ وين رحت ساعة وانا نحكي معاك __ هااا اني هنا .. شوفي حابك تعيطي ليوسف ديري روحك تسقسي عليه برك __ والاه فضول برك علاه حاطو في راسك بزاف هكا __ لعادة مادرتلو والو ، انا رايح نخليه يكره النهار لي ولد فيه. بقات تشوف معاه باستغراب بسبت كلامو طريقة هدرتو لي كلها كره وكأنو هاز حسيفة ليه.
ناض صباح مع أذان الفجر على غير عادتو بعد ما وعد روحو على توبة ويحارب روحو وشهواتو ، دخل يتوضا كان كل ما يتوضا وتهبط معاه قطرات يحس ذنوبو تهبط مع القطرات هذوك ، كمل لبس قميص وفوقو فاسث خفيفة وخرج رايح للمسجد لأول مرة خرج وماتولهش لأمو لي كانت تبع فيه بعينيها لي كانت معمرة بالسعادة كي شافت ولدها رايح للمسجد ، وصل للمسجد لقا باباه سبقو ديجا وواقف في صف لول حكم بلاصة وصلى ركعتين تحية للمسجد كي خلص ديجا ايمام بدا يدير إقامة وقف وصطف معاهم في صف به يصلو حس بوحد احساس جامي حسو وفي نفس وقت خاف بعد ما سمع ايمام يجود في آيات هذو بعد بسم الله الرحمان الرحيم { ۞ قُلْ يَاعِبَادِيَ الَّذِينَ أَسْرَفُوا عَلَىٰ أَنفُسِهِمْ لاَ تـَقْنَطُوا مِن رَّحْمَةِ اللَّهِ ◌ۚ إِنَّ اللَّهَ يـَغْفِرُ الذُّنُوبَ جَمِيعًا ◌ۚ إِنَّهُ هُوَ الْغَفُورُ
الرَّحِيمُ (٥٣)........} قاستو كلمات الاية هذو كي سجد لقا دموعو تهبط وحدها ولا يطلب في المغفرة ويسامحو ربي ، كي خلصو صلاة ، دار ليه باباه تبسم معاه به يطمنئو ،خرجو مع بعضاهم من مسجد مع بعضاهم راحين لدار دخل لبيتو رجع لسريرو ورقد.
كانت غاطسة في سباتراقدة في سابع نوم قاطع رقادها صوت ثليفونها هزت بلاما تشوف __ الو وي __ سامحيني لا نوضتك كي عيطتلك وقت هذا بصح كامدن لازم نعيطلك انا اني في مطار درك قبيل عيطو لبابا وكان لازم نسافررو درك ماحبش يخلينا ويروح __ كيفاش مسافرة ياك قلتي ورا امتاحانات ايه صحا والامتحانات ماكملتيهمش __ صرا بروبلام في فرنسا كان لازم يروحلو بابا والله معلاابالي ياسديم __ همه درك نجيك __ لالا ماتعييش روحك شوي وتقلع طيارة انا عيطتلك به نسلم عليك ونخبرك __ لالا بربي إن شاء الله نوصل . كوبات عليها لبست حجابها ونقابها وراحت لخوها تجري طبطبت في باب بوحد طريقة لي خلاتو يتخلع وينوض هكذاك مزروب __ لاه لي يطبطب يطبطب هكذا تقول عسكر جاو يهزوني __ اسمحلي بصح تعيش وصلني لمطار نلاقي رتيل قبل ماتسافر طيارتها قريب وتقلع __ منك صح ياك قلتي ورا امتحاناتكم __ درك نفهمك في طريق ازرب البس حوايجك مابزمان نقول لماما وبابا. مشات وخلاتو زرب لبس حوايجو بزربة همو الوحيد يلاقي رتيل ويشوفها للمرة الاخيرة هز مفاتحو وهبط مع سديم لطنوبيل ديمارة طيارة فهمتو سديم علاه رايحة تسافر بزربة هذي ، وصلو للمطار هزت عيطت عليها لقات ثليفونها مقفول جات في بالها ديراكث بلي صاي ركبت في طيارة
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
