الجـــزء الثامن و العشرين 🦋
✍️ بقلم ملاك 🦋
خرجت ام واب يوسف مع ام اسلام من صالو وخلاو يوسف معاهم حتى يحكو على راحتهم ، بقو ساكتين واحد ماهز راسو يوسف بقا يشوف معاهم بلاك درك يحشمو ويهزو راسهم يخلونا نخلصوا رؤية شرعية بصح والو __ شوفو اسيدي قلت حاشمين هيه اسيدي اعتبروني مكانش ولا اعتبروني واحد مانشوفش ولا مانسمعش ومانهدرش تاني اسيدي ، اهدرو برك. تبشمت سديم تحت طرف وباين حاكمة ضحكة على خوها ، ضحك اسلام منهيه __ هههه تتردلك في الخطبة تاعك إن شاء الله ههههه __ والله اسيدي انا نهار رؤية شرعية تاعي نبقا نشوف ونحكي علاه داروها مالا كي نبقا ساكت . نطقت معاه سديم __ خلاص يوسف هههه __ بسيف ما هدرتي انا قلت بلعتي لسانك وحصل فيك طفل __ هههههه ماحطيتكش هكذا تفضحني __ نورمال تكباري وتنساي هيا درك ابداو اتعارفو او بدا الجو يولي ممل . هزت سديم عينيها لاسلام لقاتو يشوف معاها حمار وجها رجعت عينيها في الارض بصح فضولها رجعها تشوف وتسرق في الشوفات ليه حتى طاحت عينيهم في بعضاهم __ أنا إسلام مدموزال سديم صاحب خوك يوسف ...علاه درك ولات تبانلي هدرة صعيبة هكذا . تبسمت سديم مهما حاولت تخبيها ماقدرتش كمل هدرتو __ الحمد لله ربي رزقني بحمل لكتابه وربي يقدرني ونخدم بيه ، هي من بكري إيمان تحكي عليك لحتى استخرت والحمد لله هدرت معاها في موضوع وهي فرحت بصح ماخليتهاش تهدرلك حتى نهدر لخوك يوسف اولا والحمد لله لي قبل ودرك عرفينا على روحك وواش تتمناي في حياتك. هدرتو قاست قلب سديم وخلاتها تفرح سكتت شوي وهدرت __ انا حابة اني نرضي ربي في حياتي كامل ولي نتمناه كامل انو ربي يكرمني بواحد يتقي ربي فيا ويخاف ربي فيا اما شكيل تع دراهم ماهيش في حساباتي خلاص . فرح اسلام من هدرة سديم وهذا لي خلاه يتمناها تكون شريكة حياتو . عدات سوايع تقول دقايق ومعاه يخلص النهار لي حفر ذكرى تاعو في قلب كلا من سديم و اسلام ، وحتى قلب ام اسلام لي حبت سديم وتمناتها تكون زوجة ولدها . دخلت سديم لبيتها والدنيا مش سايعتها فرشت سجادتها لتقف بين يدي ربي به تشكرو وتحمدو على نعمة لي رزقها ربي بيها ، خلصت صلاة هزت سجادتها تلقا امها وراها راحت حضنتها __ مبروك عليك بنوتي كبرات ولات عروسة ربي يكملك على خير __ ربي يحفظك ماما . حكمت يدها وباستها
بعد اسبوع تحديدا يوم جمعة بعد صلات الجمعة يعيط اب سديم لاسلام به يقولو على موافقة سديم ليه وفي نفس وقت يحددو وقت الخطبة .
كانت قاعدة في بيتها حتى دخل عليها خوها يوسف وقعد حداها وبدا يسقسي فيها __ واش رايك في اسلام؟ . حشمت منو ومحبتش تجاوب بصح معامن طاحت بقا يقولها قولي برك اني خوك حتى قالت __ناس ملاح وتع خير . قالت كلمات هذو وصاي __ صح عندك حق.. وبدا يحكيلها عليه وكيفاه ينصحو وكيفاه وقف معاه وكيفاه يحاول يردو لطريق صحيح وسديم كانت تسمعلو بقلبها وفرحانة ومتشوقة تزيد تسمع عليه كثر
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
