الجــزء الثامن عشر 💗
#بقلم_ملاك 💗
عيط فادي لوحد لبنات اسمها سوزي كانت اجمل وحدة كي شرلها عرفت واش رايحة دير قدمت قعدت حدا يوسف وبدات دير في تصرفات انثوية مغرية حتى حكمها وطلع بيها لبيت لي لقاها في طريقو في الفيلا ......
في الصباح كانت سديم تفطر مع باباها وماماها حتى نطق اب يوسف __ يوسف مايفطرش معانا؟ __ لالا او بات عند صحابو __ من وكتاه يروح بلاما يهدر __ لالا او قالي ابابا البارح انو رايح يجيب صاحبو من المطار باينة دارو روطار وبات عندو، كي جيت نقولك لقيتك رقدت قلت لماما. دارلها براسو وهز ثليفون عيط عليه عيط مرة وزوج وثلاثة ومهزش __ وزيد من فوق مايردش __ ماتقلقش روحك بلاك متولهلوش دايرو صيلونص ...
ناض يوسف الشوفة قدامو مشوشة ضباب بقا يشوف يحاول يسترجع الذاكرة تاعو راسو يوجع وثقييل __ وين راني . حاول ينوض لقا طفلة قدامو راقدة قدامو في سرير صوطا من الخوف ولا يدور كي زربوط يخمم ويعصر في مخو واش صرا فليل واش دار لكن ماقدرش يتفكر من غير كي شرب الدخان ، تخلع على صوت سوزي __ صباح الخير جوزيف . من صوتها اكدتلو بلي صرات بيناتهم حاجة قلبو هبط من بلاصتو __ واش صرا البارح ، ماني متفكر والو من غير دخان لي مدهالي فادي ....
نرجعو لرتيل لي كانت في طريق للجامعة صونا ثليفونها هزت لقاتها إسراء __ السلام عليكم رتولة وينك __ وعليكم السلام اني في طريق جاية __ اسنايني مع سديم في بلاصتنا درك نجيكم __ هيا اك نسناوك . كوباو فورمات نومرو تع سديم عيطتلها قالتلها تسناها وين مالفين يتلمو مع اسراء . وصلت رتيل لولة وبقات تستنا في سديم واسراء جات حضنتها رحبت بيها كيما مالفين __ ويني اسراء مش قالت استن...... ماكملتش هدرتها كيما شافتها واقفة قدامهم بنقابها __ أنيي جيييت __ وشنو هذا؟ مبرووك عليك نقاب حبوبة والله فرحتلك . قالتها سديم و حضنتها قاطعتهم رتيل __ ههههه قتلك التكعرير يجيب نتيجة بعد تيسير ربي طبعا . حضنتها هي تاني __ والله الحمد لله هذا بفضل ربي سهلهالي علابالكم اني ميتة بالفرحة تقول رايحة نطير ، مزية ديت نصيحتكم وقدرت نقنع ماما الحمد لله بسيف حبت هي وبابا ، سبحان الله كانت رافضة رفض قاااطع الدعاء صح يجيب نتيجة ، هههه وخاوتي تاني تمعكسو بيا كيما خاوتكم بصح نورمال مهم درت لي في راسي . ردتلها سديم __ الحمد لله ربي يثبثك . هدرتها وهزت ثليفون تعيط على يوسف .
كان يوسف يسمع لسوزي حتى قطعها ثليفون يصوني لقاها سديم بقا يشوف مع ثليفون ماعرفش واش يدير؟ يهز ولا لالا؟ ولا واش يهد واش يقولهم واش يبرر؟ واش يقول لروحو بعد على واش دار البارح؟ شَرْ لسوزي به تسكت به يرد على ختو __ الو __ دقيقة لبنات درك نرجع .. الو وينك نت الدنيا مقلبة عليك من البارح __ علاه مقلبة واش كاين؟ اني رايح لدار نقابلك في دار __ اني في لافاك من بعد نتلاقاو علاه كاشما كاين؟ __ لالا والو من بعد. كوبا عليا حست بلي كاينة حاجة صرات مع خوها خممت لقات بلي تقدر تراطي محاضرة هذي __ البنات لازم نروح درك . ردتلها رتيل __ وين مزال الحال وعندنا محاضرة ياك صفا برك؟ __لالا مكان والو ، مبروك عليك اسراء ، هيا في أمان الله __ صحا نعيطلك فليل __ هيا اك رتولة هيا سلام
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
