ولنا في الحلال لقاء

__ جزء 54 __

الجــزء الرابع و الخمسين 🦋🥀

بقلم ملاك مارو 🦋🥀

وصل يوسف لدار والابتسامة في وجهو كأنو حالتو تحسنت على من قبل الضربة لي ماتقتلكش تقويك .. في الفجر تع نهار لي وراه تلمو مع بعض احمد ويوسف كيما كانو من قبل نطق يوسف __ نقولكم واش رايكم اليوم نروحو لمسجد تع كاش قرية نزوروها __ فكرة مليحة عندي واحد في راسي تع صاحبي يسكن نتم وهو طلب مني نزوروهم __ خلاص اي ورا العصر إن شاء الله. وطبعا يوسف معاهم داهم يوسف في طنوبيل تاعه وصلو مع المغرب دخلو في زوج للمسجد به يصلو لفتو انتباه مصلين بمضهرهم القميس واللحية توله يوسف بلي راهم يشوفو معاهم حمد ربي وتشكرو على سترة ربي ليه واستغفر على واش ما يعرفوش ودعا ربي يخليه احسن من واش يضنو رفعت الاقامة وقدمو احمد يصلي بيهم رفض وقدم في بلاصتو يوسف به يشجعو حس يوسف بالخوفداخلو تقول اول مرة، بدا يصلي بيهم كي وصل للآية "ألم يأن للذين أمنوا أن تخشع قلوبهم لذكر االله وما نزل من الحق..." جاتو بكية ولا يقرا بصوت يرجف تع قريب يبكي.. خلص الصلاة وبقا في بلاصتو يدير اذكار بعد صلاتو هو مخلصش حتى لقا واحد قعد حداه __ السلام عليكم ياشيخ __ وعليكم السلام و رحمة الله و بركاته __ الله يبارك فيك يا شيخ حاب نقولك حاجة ممكن؟ __ ايه تفضل. بدا يحكي ليوسف واش بيه حس يوسف تقول هذاك طفل يحكي عليه بعد مالقاش واش يقولو غير لي قالهالو شيخ صلاح لي قالهولو اخر مرة __ جزاك الله كل خير يا شيخ معليش تعطيني نيمرو تاعك؟ __ ايه معليش مركيه باسم يوسف __ وانا محمد. خلص يوسف واحمد زيارتو ورجعوا مع بعض من ورا ماصلاو العشاء .. دخل رما روحو في سرير عيان غمض عينيه ورقد.. ناض قبل الفجر به يدير قيام ليل لي هجرو من 20 يوم بقا يديعي في سجوده "إلهي وخالقي وحرزي وموئلي....يا سندي يارحمن الدنيا والآخرة .ألست أنت من قال.. "ويريد االله أن يتوب عليكم "؟ تُب عليا ياحبيبي ألست جُ نداً من جنودك؟...غرني حلمك وعفوك وسترك ....أليست التوبة ندماً وعزماً على ألا أعود إلى الذنب مرة أخرى؟..إذاً ها أنا بين يديك إلهي أتضرع إليك نادماً على ما فعلت عازماً على أن أعود إليك من جديد..أنا الضعيف بدونك وأنت القوي، أنا الذليل وأنت العزيز، أنا الفقير وأنت الغني عاهدتك وأقسمت على ألا أعود مرة أخري لذلك الذنب مرة أخرى، اقبلني يا أرحم الراحمين، قبلت سحرة فرعون وسجدوا لك سجدة، كيف لي المكوث خارج رحمتك؟ يا من قلت: أنا أرحم الراحمين، يا من قلت يابن آدم إذا بلغت ذنوبك عنان السماء ثم استغفر تني غفرت لك ولا أبالي ..هاهي ذنوبي بلغت عنان السماء بل فاقت يارحمن طرقت بابك ولن أبرح حتى تعفوَ عني "

خلصت امتحانات يوسف سلامات ( غير انا نذبتلها 🤧😭) حس بكرم ربي وجودو معاه وحس بلذة الطاعة من نهار عاهد ربي وهو يحارب في نفسو ومعاصيه اكتفا بربي ويشكي ليه يبكي ليه خلا خلوتو ديما مع ربي وخلا كلام شيخ صلاح ديما بين عينيه ..

عدا عام على يوسف وفيها ولا من حملة كتاب الله كمل حفظه وحكم شركة تع باباه ولا مثلا حسنا باخلاقو ومكاش لي يشوفو مايرتاحلوش ، ولاو الشباب تع مسجد يلمو بعضاهم ويجيبوه يحكيلهم وينصحهم تبدل بزاااف ولات حياتو كامل لله يخدم صباح مع باباه في شريكة وباقي وقت يا مسجد يا راح لكاش مسجد مافيهش امام يصلي بيهم كل خطرة كيفاش .. وحد نهار في ومسجد زارو تلاقا بقروب تع شباب بصح مرة هذي كان عددهم كبير وهذا فرح يوسف لانو كل واحد قاعد يجيب في صاحبو حتى كبارت مجموعة بدا يحكي يوسف __ السلام عليكم و رحمة الله و بركاته و الصلاة والسلام على سيدنا محمد وبعد اول حاجة يا جماعة نعرفو حنا علاه جينا؟ واشمن نية جينا بيها؟ حنا جينا على جال ربي يرضا علينا، علابالكم بلي كون يرضا علينا ربي كل حاجة رايحة تتقضى لينا.. ربي راه يتباها بينا قدام ملايكة ويقول أشهدكم أني قد غفرت لهم ذنوبهم آخر المجلس، ياشباب االله يبدل سيئاتنا حسنات من يقدر على ذلك إلا االله وحنا هنا في دنيا هذي فترة برك ونروحو ومجرد اختبار اذا نجحنا فيه ربي يدخلنا جناته وما أدراك ما نعيم الجنة وقصورها وانهارها وفواكها وحور؟ وافضل نعيم هي رؤية الخالق "ولا يحكي ببحة تع بكا " تخيلو واحد كيما انا معمر ذنوب ومعاصي يشوف ملك الملوك والله هو افضل نعيم على جال هذي يا جماعة كبفاش نوصلو لربي بقلب سليم لانو ربي مايشوفش لصورة ولا جسم يشوف للقلب والقلب هذا قاعد زي قطن حط عليها شوي تراب كيفاش تولي تنفضها تولي نضيفة وكون تحطها في لبن تشرب لبن وكون تحطها في حبر تشرب حبر نفس هدرة للقلب لازملو بيئة مليحة به نحيو التراب لي عليه لهذا قررت نعتكفوا يوم ولا يومين في مسجد مع بعضانا على جال تتصلح قلوبنا شكون لي باغي ينضم معايا السمانة الجاية يقعد معايا في المسجد؟... خلصت جلسة وسجلو 20 واحد يعتكفوا مع يوسف، قعد واحد مع يوسف وحدهم على جهة ورا ما قالو __ كنت حاب نهدر معاك في موضوع اشيخ __ تفضل اني نسمع فيك بصح معليش تقولي اسمك؟ __ انا صهيب.
#كبسو_العدوات 🦋🥀