Part 09
قدم يوسف لرتيل ومد يدو به يصاحفها ويتشكرها على واش درات مع ختو سديم ، لكن صدمتو رتيل بتصرفها __ اسمحلي مانصافحش مع رجال . تصدم يوسف من ردة فعلها ومكانش متوقعها نهائيا مالف بالبنات تجري وراه وتحوس على يدو تحكم يديهم برك وهذي درك اول وحدة ترفضو ، تنشع من الجاسث لأنو مكانوش وحدهم طبيبة تع الاسعاف والبنات وختو ماعرفش واش يدير كي مالقاش واش يدير تقلق __ واش تكبر هذا يا الأخت صافحتك مطلبتش حاجة اوخرى ، تواضعي شوية . دور لسديم حكملها يدهل وخرجها معاه ، خلا وراه مريم لي مزالت واقفة حايرة فيه مادارتش حاجة حرام وحتى انو هي حاجة بديهية كي ماتصافحيش مع رجال تجي عادي مش دير ردة فعل هكذا هزت ساكها وخرجت راجعة تكمل قرايتها وتروح .
كانت سديم في طنوبيل مع خوها __ علاه مديتلها يدك ماتشوفش فيها طفلة ملتزمة __ قصدك متكبرة __ إذا كان هذا تسميه تكبر فهو نعم التكبر ماعجبكش الحال تنزل يدك وتمشي مش تسمعها هدرة كيما هكذاك ، راك نت لي بنت مش نورمال هذي حاجة عادية __ مش انا لي نترفد يا سديم __ واش حاسب روحك كسبت زين معناتها كسبت دنيا وكلش ليك ، مدامك درك مافرقتش بين الحلال والحرام وزدت تقلقت من حاجة تع ربي وناس كل تعرفها غير خاف على روحك __ خلاص سكتينا قريتي زوج سطر تع شريعة صدعتيلنا راسنا راكي رايحة تولي زي هذوك لي يفتيو بزاف __ علابالك مالقيتش واش نقولك ربي يهديك برك . سكتو باقي طريق وصلو سديم نزلت و يوسف ڨرا طنوبيل ودخل . بلا سلام بلا كلام وراح ديراكث لبيتو هدرت أمو من وراه __ على الأقل القي سلام داخل كي البوندية ماعرفت ما نربي . قفل عليها الباب وخلاها تهدر ، دخل لدوش بقا تحت ما تاه وراح بالو لطفلة لي رفضتو رفضة هذي وبكل بساطة __ يادرا شكون هذي ، لازم نسقسي سديم ، معرف لا عندها زين حتى مخبية وجه هذاك بصح عينيها ، ففففف فواش نخمم أنا .. نخمم في وحدة متخلفة كيما هذيك محاال . خرج من دوش لبس قشو وقعد مع ثليفون يكونكثي ، بلاما يصلي ضهر درك ذن عليه العصر سمعو لكن ولا علابالو كمل في ثليفون زاد لحق عليه المغرب وقريب العيشا لكن هو مزال مع ثليفونو يحكي مع خديجة وديفوا في القروب مخلط تع جامعة ومعوصوت الغنا لي طالقو ، دخلت عليه سديم خزر فيها __ نضن كاين باب يطبطبو فيه اسنا نحيه ونهنيكم منو __ تافه نوض نوض تتعشا رانا نسناو فيك __ روحي برك درك نجي __ مفهمتش لوكتاه نبقاو نعيطولك تتعشا على الاقل اقعد معانا توحشنا وجهك ادين ربي __ روحي ماتصدعيليش راسي من فوق راه يوجع __ صحا دبر راسك نصحتك برك __ نصيحتك خليها ليك . مشات شوي حبسها __ طفلة تع قبيل شكون هي تعرفيها؟ __ علاه تحوس على طفلة درك ياك خاطيتك __ سقسيتك تجاوبي مش تعاودي تسقسيني ومانيش نحوس برك حبيت نعرف متكبرة هذيك اءا تعرفيها وتمشي مع وحايد متكبرين كيفها نخاف تعديك وتولي كيفها __ إن شاء الله من فمك لربي __ قوليلي شكون خلينا نهبطو نتعشاو __ مكلاه تحوس راهي ماهيش زي البنات لي تعرفت عليهم في حياتك مستحسن ماتحوسش خير . خرجت وخلاتو يخمم في كلامها كيفاه ماهيش كيما البنلت لي عرفتهم لاه واش عندها زايد يعني صح كاين بنات يديرو هكذا ، مكنتش علابالي بلي كاين بنات يحافظوا على رواحهم هكذا ، وعلاش يعرف وهو يتعرف غير على البنلت لي زي خديجة ، تنهد تنهيدة من عروش قلبو اول مرة نحس بالانجداب والعجب هذاا يا ربي وتكون مرتي زيها
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
