الجــزء السادس و العشرون 🦋
✍️ بقلم ملاك 🦋
__ حاجة تفرح هذي كلشي مبروك تستاهل كل خير بصح شكون سعيدة الحظ هذي؟ . زاد توتر اسلام شجع روحو ونطق __ انا حاب نخطب سديم أختك. هبط راسو يسنا فيه يرد بصح وحد الهدوء وصمت رهيب من طرف يوسف لي كان يخمم وين يعرف اختو؟ وين شافها؟ تاقاو من قبل؟ قاطع افكارو اسلام __ كنت علابالي من لول مانيش مناسب اني نخطب أختك . __ لالا نت فاهمني غالط بصح نت منين تعرفها وين شفتها __ نت نسيت بلي إيمان ختي تحفظها هي وصحبتها قرآن وبصراحة هي لي اقترحتهالي وانا حبيت ناخذ رايك نت لول __ هااا هههه هيا اكودرك نهدر لبابا ومامت ونشوف رايهم ونرد عليك وانا عن نفسي مانيش حنلقا خير عليك لختي مانيش حنلقا واحد بأخلاقك __ تعيش ربي يحفظك مالا نستناك تردلي . تفرقو وكل واحد راح يشوف سغالاتو .
كانو مالمومين على طابلة يتعشاو وهذي مرة كان جو سعيد نطق يوسف __ بابا حاب نهدر معاك في موضوع ورا العشا __ معليش كي نخلصو نحكيو فيه. كي كملو جمع يوسف مع باباه في صالو __ بابا عندي صاحبي حاب يجي يخطب سديم . لاحظ في وجهو نوعا من تخوف __ وهذا طفل كيفاش أخلاقوو؟ __ على هذي جيت نفاتحك في موضوع كون ماشفتوش مربي ويستاهل ختي مانجيش نقولك خلاص وحاليا هو ناصح الوحيد لي راه معايا ولكان نشفا عليه راه اسلام __ اا صاي عرفتو صاحبك هذاك ماعندي مانقول عليه طفل هذاك خلاص قولو يجي يدير رؤية شرعية واش تقرر سديم هذيك هي ودرك روح شوف راي سديم انا من رايي موافق __ تعيش درك نزيد نهدر معاها جبت نشوفك نت لول ومن بعد نزيد نقولها هي __ الله يرضا عليك __ آمين . استأذن منو به يروح يكلم اختو وهو طاير بالفرحة ويخمم كيفاش يقنع أختو طبطب في الباب سمحتلو يدخل __ سديم سديم __ انعم __ حاب نهدر معاك في موضوع مهم __ ممممم نفهم من هدرتك حاب حاجة __ ههههههه لالا شوفي سديم ماعلاباليش كيفاش نقولهالك __ حمستني واش كاين قولي برك __ اليوم خطبوني فيك . تصدمت بقات تشوف و حالة من توتر تبان على وجه سديم حاسة بقلبها رايح يخرج من بلاصتو علاش لا وهي اول مرة في حياتها حدير رؤية شرعية ويتقدملها واحد لكن ماتعرفش شكون لي جا وتقدملها ، خدودها حومر من الحشمة وغير ساكتة تخمم كيفاش رايحة دير و كيفاش تتصرف قدامو وحتى تخمم واش تهدر معاه ، قاطعافكارها يوسف كي شافها فهديك حالة حب يخفف عليها __ شبيها زينة تعنا متوترة هكذا ، ماتخافي ما والو كون ماشفتوش ناس ملاح ويصونش مانقبلش بيه ومانخليهش حتى يقدم ليك وتعرفي وحدة من لافامي تعو __ شكون ؟ ماعلاباليش نعرف بزاف بنات قولي شكون __ واحد صاحبي خو استاذة تاعك لي تقريكم قرآن . تبسمت __ صح؟ ممم خلاص نديرو رؤية شرعية ونتم نزيد نقرر مليح .
هذا نهار تاني من قال اسلام ليوسف بلي يجي يخط اخته ومن نتم ماردلوش بالخبر وحسم يزيد يعيطلو ، اليوم عيط يوسف لاسلام وقالو بلي راهم وافقو وعليه غير يحدد نهار تع رؤية الشرعية
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
