Part. 16
#بقلم_ملاك 💗
__ عمو معليش نقعد معاك هنا __ اهلا اكيد اقعد... معامن جيت . شاف طفل جاي جيهتهم __ آسر واش راك دير هنا؟ ياك قتلك ما تتحركش من قدامي __ اني هنا قاعد مع عمي . ودار ليوسف تبسملو __ ماتزيدش تتحرك من قدامي اسمحلي بلاك ديرونجاك __ لالا مكاين حتى ازعاج .. ممم اسم آسر مالا __ ايه ونت كيفاش اسمك __ أنا يوسف __ متشرفين عمو __ بعد اذنك اسمحلي ، هيا آسر ماما راهي تسنا فينا برا به نروحي . هز يدو ودارلو باي باي رجعهالو يوسف خرج صهيب وآسر .. صونا ثليفونو __ وينك يوسف اني خلصت و واقفة برا نسنا فيك __ هيا اوك اني جيتك . كوبا عليها وراح لاسلام __ انا نروح درك ايوسف العقبة لعرسك ونجي ونعاونك فيه ههههه __ ربي يحفظك مزال الحال زيد شوي __ معليش خطرة اوخرى عندي طريق لازم نمشيها __ جزاك الله كل خير ربي يحفظك كي حضرت __ واش الهدرة هذي مابيناتناش راك صاحبي ولا نسيت __ ههه مانسيتش تعيش . بقاه على خير وخرج من لاصال هاز في يدو ثليفون عيط لفادي ... واقفة سديم مع رتيل تودع فيها قاطعهم يوسف __ هيا سديم اني روطار عندي طريق درك ، دارت سديم ورتيل مني جا صوت طيح عين رتيل في عين يوسف بدون اي قصد .. واقف يوسف ساكت وجامد ماعلابالوش واش يقول تقول الوقت حبس في هذيك لحضة لي طاحت عينو في عينها مليئة بالحياة والحيوية والحنين يشوف في عينيها تقول راه يشوف في العالم في وسط عينيها ، قطعت تفكيرو سديم __ حاضر اني جيت .. دارت لرتيل.. في أمان الله رتولة نشوفك غدوة في جامعة عيطيلي كي توصلي __ انعم ااا ايه إن شاء الله اتهلاي في روحك ، ركب يوسف في طنوبيل تاعو شاف في جهة لوخرى شافت أم رتيل توتر تاعها كيما راحت سديم __ رتيل كاشما صرا؟ __ انعم اا لالا ماصرا والو واشبيه صهيب طول ماجابش طاكسي __ معرف او راح قبيل ، اسر امشي هنا ماتبعدش منا . ماعرفتش رتيل الحالة لي صراتلها كأنو صراتلها غصة لصقت في حلقها تقول حاجة قعدت فوق قلبها ولا ينغز فيها .
كان يوسف يسوق __ واش العرس هذا فيه الڤيد مافيهش الغنا تقول رحت لجنازة مش عرس __ حرام عليك واش تقول هذا اجمل عرس حضرتلو بلا ذنوب جمعت مع البنات ولمتنا إيمان ورماتنا البوكي تع نوار ودرنا واش حبينا __ درتو وا حبيتو؟ اخر مرة نزيد نحضر عرس تع ملتزمين __ ربي يهديك برك ، إن شاء الله مع الوقت تولي تقولي ماديريش هكذا لأنو هذا شي يغضب ربي __ إن شاء الله.. هذيك هي طفلة متكبرة لي مسلمتش عليا في جامعة ولا وحدة اوخرى اصلا راكم كيف بعضاكم __ من فضلك ماتزيدش تقول على رتيل متكبرة لانك تنرفزني __ خلاص اسمحيلنا مادرناش معصية يخي
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
