الجــزء الواحد والأربعين 🦋
✍️ بقلم ملاك 🦋
تنهد الإمام على بكا تع يوسف حس بصدق توبة تاعو من هدرتو حط يدو على كتف يوسف وقالو __ اعوذ بالله من الشيطان الرجيم " وهو الذي يقبل التوبة عن عبادة ويعفو عن السيئات " __ بصح انا عصيت ربي بزاف وعندي ذنوب بزاف __ " ويعلم ماتفعلون " شوف من رحمة ربي على عبادو انو سما روحو الغفار الغفور الرحيم التواب ربي يدعو عبادو به يتوبو به يتوب عليهم ويغفرلهم وزيد يبدل سيئاتهم حسانات ، خير الخطائين التوابين لابد من الرجوع الى الله ، ربي يحبك وحاب ليك التوبة احمد ربي على نعمة هذي __ تمام واش ندير به نحافظ على توبتي؟ __ اول حاجة تبدل صحابك هةما سبابك رجعهم الصحبة صالحة وبدل البلاصة لي كنت تدور فيها لي كانت معمرة معاصي شوف بيئة صالحة هذو اهم حاجة به تقلل من معاصي ويعاونوك على طاعة واخطيك من صاخبك هذاك كيفاش اسمو بعد فادي نورمالمو واستغفر ربي على لي درتو مع سوزي هذيك واقمع نفسك بالصلاة وقوي إيمانك وماتسمعش لنفسك لي تأمرك بالفسك قبل طاعة بصح كون ماتسمعلهاش يوعدك ربي بالجنة "فأما من خاف مقام ربه ونهى النفس عن الهوى* فإن الجنة هي المأوى" منين تشوفها تطلب منك معصية اهدر مع روحك قولها يا نفسي توبي فإن موت قريب يا نفسي ماكيش حابة الجنة؟ والله ماني سامعلك ونقتلك بطاعة ربي هكذا راني نقيم فيك مانيش نهين فيك قولها كون ندير واش تقوليلي طحت في نار والرسول عليه أفضل الصلاة والسلام " يا حي يا قيوم برحمتك أستغيث أصلح لي شأني كله ولا تكلني إلي نفسي طرفة عين"،
وربك يقول " ونفس وما سواها* فألهمها فجورها وتقواها* قد أفلح من زكاها" ابقا ورا نفسك هكذا وذمرها بآيات القرآنية وحصن روحك بالأذكار رح تحس براحة وطعم جميل في داخلك اعظم من طعم معاصي ، كلما عاودت غلطت ونسيت على روحك نوض واستغفر وارجع توب وارجع لربي ولو اذنبت مليون مرة وعندك تفرط في صلاتك اي هي لي توريلك صح من غالط لا طيشتها راحت حياتك لا حكمتها عشت في نعيم . خلص هدرتو بابتساة ليوسف لي كان يسمع ومركز واش يقولو ايمام __ علابالك بلي ايوسف دموع لي طيحتهم من اجل توبة محسوبين عند ربي ربي يفرحك ويثبثك بتوبة الصادقة بصح توله من ذنوب الخلوات فهي تأكل الحسنات كما تأكل الدابة المنسأة نحكيلك الحكاية هذي "" أحد الصالحين ذهب إلى الإمام أحمد بن حنبل وقال: سمعت خطيب مسجد يقول تلك الأبيات، فما رأيك يا
إمام؟......فقال: وماهي - يرحمك االله - ؟.
فقال الرجل: ...
إذاما خلوتَ الدهر يوماً فلا تقل .... خلوتُ ولكن قل عليا رقيبُ
ولاتحسبن االله يغفل ساعة ...... ولا أن ماتخفيه عنه يغيبُ
الذي يراك حين تقوم وتقلبك في الساجدين...فلماذا تجعل االله أهون الناظرين إليك
فدخل الإمام أحمد غرفته وأغلق على نفسه وظل يكرر تلك الأبيات و يبكي بكاء ً شديداً ."" شفت كيفاش كانو تجبدلهم على ذنوب برك يبكيو وين عادت حالتنا درك . هبطو دموع يوسف حضنو ايمام __ انا رجعت لربي خلاص والله تبت ليه . خلصت جلسة يوسف مع الإيمام أحمد خرج من مسجد وخلا وراه أحمد لي كان يدعيلي وقال __ ماعلابالكش ايوسف بكا ودموع تاعك أعظم عند ربي من تسبيح المسبحين الله ثبثه يارب .
رجع يوسف لدار لقا باباه يستنا فيه راح حكم يد باباها وباسهالو __ سامحني اباب على واش درت فيك كامل اسمحلي انا درك تبدلت ماتزعفش مني __ الحمد لله ياولدي ماتصورش قدماه فرحتي اليوم ربي يغفرنا جميعا اهم حاجة درك اولدس ماتديرش كيما مرة لي فاتت وترجع لنفس غلطتك __ لالا ابابا ماتخافش مرة هذي صح رجعت مو إسلام ربي يرحمو فطني بزاااف . تدخل ماماه هازو في يدها فنجال قهوة تع راجلها __ الحمد لله ياربيي استجبت لدعائي الحمد لله ياربي . ناض يوسف باسلها راسها ويدها وطلب منها سماح
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
