الجــزء الرابع و الثلاثين 🦋
✍️ بقلم ملاك 🦋
وصل اسلام لسبيطار وراح يجري يسقسي وين يلقاه ماقدرش حتى يهدر لسانو ثقال ولا يجري برك في سبيطار ويحوس كي مهبول وفكرة متنحاتش من بالو كون يموت يعني هو سبابو . حبستو فرملية ولا يهدر برك __ صاحبي دار اكسيدي وينو مالقيتوش وين نلقاه ماعرف وينو __ ميسيو معليش تعطيني اسمو __ اسمو ماعلاباليش معرف جابوه درك في لومبيلونس اسمو اسلام هيه اسلام __ راهو لهينا مزالو ما خلصناش معاه راهي حالتو دونجي بزاف . جملة لخرا خلات يوسف يزيد خوف تاعو كثر وتوتر ومالقاش واش يدير من الفشلة طاح على ركايبو في البلاصة قدام باب كومة بقا على هذيك الحالة وبالو راح ليامات لي كانو مع بعضاهم وكيفاه كان ينصح فيه كيفاه ماعياش وهو ينصح فيه وماتعبش من الهدرة معاه حتى وصل لواش دارلو وواش قالو والاحراج لي دارهولو حاكم دموعو ولا يخبط في راسو شاف طبيب خارج ناض يجري ليه __ واش حوالو طمني عليه ربي يعيشك __ لي قدرنا عليه درناه درك يبقا كومة تحت مراقبة عليكم وعلى دعاء راه عندو زيف في راسو وكسر في جمجة تع راسو عندو كسر في ضلوع تع صدرو جهة اليمنى . كمل هدرتو وحط يدو على كتف يوسف ومشا وخلاه ، بقا واقف يشوف لباب ماعلابالوش واش يدير درك جبد ثليفونو وعيط لباباه هذا واش جاه في بالو بصح كي شاف ساعة تردظ راهي طناش تع ليل بصح ماعندوش حل اوخر عيطلو صوتو يرجف __ السلام عليكم __ وعليكم السلام واش كاين يوسف __ بابا اني في سبيطار اسلام دار اكسيدو وحالتو دونجي وانا ماعلاباليش واش ندير __ وينا سبيطار درك نجيك __ سبيطار تع ******* . كوبا باها وناض يجري يلبس في حوايجو تفطن عليه مرتو __ واش كاين السعيد وين رايح الوقت هذا __ عيطلي يوسف اسلام دار اكسيدو بصح عندك تهدري لسديم حتى نشوفو ونعيطلك ونقولك…وخرج يجري خكم طنوبيل ديراكث لسبيطار وخلاها تبكي وتدعي ربي ينجيه . تخطف من بلاصتو بعد ماحط باباه يدو على كتفو __ طمني اولدي هو وين درك؟ رما روحو حضن باباه __ انا سبابو انا السبة لي وصلتو هنا __ بالعقل وفهمني واش صرا ونتفاهمو . تازا على باباه وبدا يحكيلو من واش صرا في دار فادي حتى كي عيطلو __ نت عبد ولا بطلت هذيك هدرة يهدروها ناس لصحابهم وكتاش حتكبر وتتعلم تحكم لسانك هذاك . هبط يوسف راسو ومردش __ اقعد هنا نروح نعيط لراجل ختو لازم يعرفو . مشا وخلا يوسف يلوم روحو كثر من لول ... عيط باباه لمحمد وخبرو باسلام ، زرب نوض ايمان وجاو لسبيطار طيارة وايمان كانت شغل مش فاهمة حطتو واحد من لافامي تاعو كي وصلو لسبيطار لقا يوسف ووباباه قاعدين ولا راح جيهتهم وايمان وراه حكملها يديها وباسهم وخبرها بلي خوها دار اكسيدو ناضت تبكي وتحضن في راجلعا كيفاش وماتبكيش وخوها هو لي عوضها على حنان الاب لي فقدتو في صغرها شوي هك وتكالمات وقاتلو لازم نروح نخبر ماما بالعقل
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
