ولنا في الحلال لقاء

__ جزء 12 __

Part  12
#بقلم_ملاك
تتلاقا رتيل بإيمان أستاذة تعها تع القرآن __ السلام عليكم و رحمة الله و بركاته إيمي توحشتك __ وعليكم السلام و رحمة الله و بركاته حتى انا وكثر يا رتولة .. ويني سديم؟ __ عندها ضرف قاتلي قوليلها تسمحلي برك ماقدرتش نجي __ معليش ربي يفرج عليها __ آمين . قعدت رتيل مع إيمان يتوانسو ويتناقشو لكن مرة هذي إيمان حست أنو رتيل مش في حالتها طبيعية شوي كاين حاجة شاغلة تفكيرها __ شبيك رتيل؟ حاسة بيك حاجة __ هههه لالا مكاين والو حبيبتي ، وحد موضوع برك هكذا . وابتسمت في وجها __ معليش حبي كاشما قلقك اني هنا __ تعيشي . سكتو مدة هكذا وتنطق رتيل __ علابالك مهما حاولت نخبي وحاولت نبدل وجهة نضري ماقدرتش نخبي الحقيقة .. هبطت دمعة من خدها __ علاه مالكي واش صرا بلاك نقدر نعاونك __ علابالك حبيت واحد مانعرفو مايعرفني تلاقينا مرة كي تغاشات سديم هو خوها وعلابالك ماهوش ملتزم نهائيا كيما كنت نتمنى لكن قلبي خيرو هو وحبيتو علابالك والله مافيه حتى صفة لي كنت نحلمها تكون في راجلي ، وزيد شفتو زوج خطرات ودقايق يتحسبو في صباع يد وحدة وزيد ختو ديما تشكي منو ، والله ماعلابالي . وكملت تبكي ، حضنتها إيمان تمسحلها على ضهرها __ اتكلماي زين. .. اكيد ربي دارها لحكمة ما ونتي ماعلابالكش الخير وين في هذي ، وزيد علابالك بلي قلوبنا راها بيد ربي سبحانو وهو يقلبها منى شاء ، ماتعرفيش ارتولة بلاك ربي يهديه ويجعلو من الصالحين .. هزت رتيل راسها لإيمان __ آمين ، و صح عندك الحق __ اهيه درك ما عندك وين تهربي سمعيني الورد تع اليوم __ ههههه ماعندي وين نهرب درك نسمعك . بدات تقرالها في وردها كي خلصت __ جزاك الله كل خير على تسميع هذا ، تفكرت احبوبتي عرسي سمانة جاية راكي معروضة ونزيد نعرض ماماك وعندكم ماتجوش مكاين حتى عذر .. وماتنسايش سديم جيبيها معاك __ ياااا والله فرحتيني ربي يهنيك عينيا ويكملك ، باينة نجي ههههه . كملو هدرتها وكل واحد رجع لدار ، رجعت رتيل لدار وقعدت في بيتها تفكر في قلبها لي خانها وحب واحد قطع تفكيرها ثليفونها لي صونا __ السلام عليكم رتولة واش حوالك __ وعليكم السلام.. الحمد لله يا سديم لاباس الحمد لله سوال عليك لي ماجيتيش اليوم __ معليش رتولة عييت اليوم ومقدرتش نخرج __ الف سلامة عليك ياك صفا برك؟ __ لاباس الحمد لله اني وليت غاية ، واش درتو اليوم مع إيمان ؟ __ الحمد لله ، والله سقسات عليك وقلتلها عندها ضروف ياك نورمال؟ __ ههه نورمال واش فيها ياك ماقالت والو __ نن ماهدرت والو بالعكس وصاتني نديك معايا للعرس تعها السمانة الجاية وعرضتك حابتنا نحضرو معاها __ صح؟ خلي الحمد لله ربي يكملها العاقبة ليك ونفرحوا بيك  اكيد نروحلها ونردولها الجميل تع الحفظ تعها وتعب تعها معانا __ ههه تعيشي نزوجك نتي سع ومن بعد انا __ هههه مانقولش لالا ، مهم رتولة انا درك نخليك __ هيا اك زينة اتهلاي في روحك __ مام نتي في أمان الله. كوباو نزلت مريم لصالو لثات ماماها تحكي في ثليفون __ ربي يكملك ويهنيك .. ايه بربي إن شاء الله نجيو . عرفت بلي إيمان تعرض في ماماها كوبات ماماها __ ماما مكاش حاجة تتاكل؟ __ درك يجي باباك ونحط الغذا __ هيا اك خلي درك نوجد طابلة . راحت للكوزينة وجدت الطابلة ، جا باباها وخاوتها وتلمو يتغذاو في جماعة كسر صمت هذا أم رتيل __ اليوم عيطتلي إيمان صحبة رتيل عرضتني للعرس __ مليح تعجبني الطفلة هذيك في أخلاقها انا ماعنديش مشكل روحولها هيه لكن انا مانقدرش نجي عندي خدمة ، نطق خويا صهيب منهيه __ بابا انا مانيش حاب نروح مانحبش العراس تع ملتزمين __ لازم تروح راك نت هو راجل وراي ولا تحب نبعثهم وحدهم __ معليش نروح هيه بصح والله مانحب عراسهم