الجــزء الخامس و الخمسين 🦋🥀
بقلم ملاك مارو 🦋🥀
حس كلي سمع هذا اسم من قبل وزيد وجهو كلي شايفو من قبل __ وانا يوسف __ انا حبيت طفلة عالفايس وصرات بينا شوي هدرات والموضوع زاد على حدو كل مرة نقول ما نزيدش نهدر معاها نرجع انا عييت علابالي اني نضيع لكن نحاول نقرب من ربي .. تفكر يوسف كيفاش سترو ربي وانو من قبل كان هكذا تتواصل __ علابالك واش صرا معاك صرا مع واحد صاحبي العام لي فات وراح لشيخ وقالو زي ما انت حكيتلي درك. ماحبش يهدر بلي هو لانو ربي ساترو وهو يستر روحو ومايجاهرش بمعصية __ صحا واش قالو يا شيخ؟ قالو واش قالو شيخ صلاح سمعلو صهيب مليح ولدت بيناتهم محبة تقول يعرفو بعضاهم من قبل تبادلو ارقام ثليفون وسجل معاه للاعتكاف .. تعدا الايام واجتمعو الشبان مع بعض للاعتكاف وحرص يوسف يمد واش عندو به يصلحلهم بيئة خلص الاعتكاف لي كان في 3 ايام رجعو للديارهم معاهم ليكادو .. وصل صهيب لدار مع ليكادو فرح بيهم عايلتو وبدا يحكيلهم على واش دار وحكالهم على يوسف حبو اب صهيب بلاما يشوفو ... نرجعو ليوسف لي دخل لدار هاز ليكادو قعل مع باباه يحكيلو على واش دار مع شباب __ تفكرت اولدي احمد كان هنا ودرنا لاداث تع العرس __ صح؟ الحمد لله صراحة انا كنت حنهدر معاه في هذا سيجي لانو طول شوي __ معليش اولي حنا ماشفنا منو غير الخير وحتى مايحبش يجي حتى نتحايل عليه ومتنساش الدكتورة شغلتو وأمور الزواج ربي يعينو حملو ثقيل __ صح ابابا ربي يعينو سديم صبرت وربي فرحها بواحد زي احمد __ عاقبة لك اولدي ونطمن عليك ونت ماكش ناوي؟ مقدرش يجاوب عليه لسانو تشكل لانو مزال قلبو متعلق بيها تنهد __ لي يشوفو ربي خير هذاك هو اسمحلي نروح نريح شوي عيان. وناض حس باباه بلي راه يتهرب من حاجة..دخل يوسف بيتو وتفكيرو كامل فيها تنعد وقال "اللهم إني أثق بما عندك فاجمعني بها" ورما روحو في سرير ودخل في سبات ومتمني يشوفها في منامو .
بعد ماتحدد لادات ولا كل واحد حاكم حاجة يوجدولو صونا ثليفون يوسف __ السلام عليكم و رحمة الله و بركاته __ وعليكم السلام و رحمة الله و بركاته شكرا على السحبة هذي يا سي يوسف مخلي خوك خرجو عينيه وباقيلو على عرسو ومباركتلوش حتى __ هههههنه ربي يسامحك دايما تضلمني عندي طريق نكملو برك ونجيك... تلقاو يوسف واحمد على موعد __ واش هذا ايوسف __ فتح وشوف. تفاجأ احمد بفواياج عمرة لزوج عباد شحال فرح يوسف كي شاف فرحة احمد __ جزاك الله خيرا بصح بزاااا عليك ايوسف بزاف واش دار بابا معايا وهكذا انا دخلت عليكم بخسارة. ماضو يضحكو في زوج وسعادة مافارقتش احمد .....
في اليوم المشهود ... دقدق في باب العروسة دخل يوسف وهو حشمان وعينيه في الارض حتى خرجو صحابات سديم قرب يوسف لختو باسها من جبهتها __ ماعلابالكش شحال راني فرحان بيك على قد ماني حزين على فراقك احمد ولد فامليا ويصونك ويحافظ عليك حابك تكوني الهيبة الليتة السهلة معاه بلا تخشان راس احتويه اسديم فهمتي؟ رمات روحها في حضن خوها تبكي على فراقها لخوها .. خرجت سديم من بيتها بلباسها الابيض لي خلاها زي القمر مع نقاب هذاك لي مخبي مفاتنها على ناس وخباتها لراجلها تلاقات بوالديها ودعتهم وداع الاحير مابقاتش هذيك الطفلة الصغيرة لي تدلل عليهم كيما قبل وصلو كامل لاصال دخلوا النسا لي جيهتهم ورجال لجيهتهم كان هذا نهار لي يهزوا فيه فاتحة مع عرس تمت الفاتحة وولات حلالو ولاو يباركولهم __ بارك الله لكما وبارك عليكم وجمع بينكما في خير. قدم يوسف يبارك لاحمد __ الف مبروك ياشيخنا __ الله يبارك فيك العاقبة لك __ مبروك اولدي ربي يباركلكم __ الله يبارك فيك اعمي ماتقلقش على سديم هي في قلبي وعيني __ ربي يحفظك راهي امانة عندك .. خلص العرس ورجع يوسف ووالديه لدار في طريق __ عاقبة ليك اولدي ونفرح بيك. هدرتها امو رد باباه __ صح ياولدي حابين نفرحو بيك __ خير يا بابا ربي يرزقني إن شاء الله. هدرها وفي داخلو صراع كبير ماقدرش ينساها وماقدرش يحبس من دعاء به يجمعها بيه... وصلو للدار ودخل يوسف لبيتو ورما روحو على سرير ويشوف من سطح وقال "اللهم كما جمعت يعقوب بابنه اجمعني بها يااارب قدّر لي الخير فيها وأجعلها أمّاً لأولادي مربية لأجيالي يااارب".. ناض قبل الفجر به يدير قيام كي عادته يدعي به يجمعو بيها، ولا ايمام ورا ماسافر احمد وسديم للعمرة خلص صلاة الفجر ورجع لدار يريقل امورو بع يروح يخدم __ هيا تفطر __ اني جاي ماما. في الفطور __ إن شاء الله اليوم ندو مشروع __ الحمد لله اولدي __ الحمد لله هذا تسهيل من ربي. ولا يخدم على شركة باباه به يطلعها، نهارو يعدي في صباح يخدم ورا العصر في مسجد.. تعاودت لقاءات بين يوسف والولاد مع صهيب، وصهيب والف بيه وحبو وحب كلامو ونصائحو وحتى يوسف حب صهيب يفكرو بروحو كيفاش كان مع شيخ صلاح وفي وحد نهار كي خلصو لقاءات كي خلص جلسة تفاجأ بسؤال صهيب ليه __علاش سديا شيخ مزالك ماتزوجتش لدرك؟
#كبسو_العدوات 🦋🥀
أنت تقرأ
ولنا في الحلال لقاء
Romansaتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
