ولنا في الحلال لقاء

__ جزء 67 __

جـــزء سابع و الستين 🦋🥀

تعدا على زواجهم كثر من عام ونص ومزال مرزقهمش ربي بطفل يهز ثمرة حبهم..زاد قلق رتيل يوم ورا يوم شتاقت بش يرزقها ربي بطفل يهز ملامح يوسف حب قلبها...في ليلة من ليلات تتقلب رتيل على سريرها بصح كي تفقدت بلاصة يوسف لقاته مكانش ناضت تحوس عليه لقاتو يصلي ويبكي ويتضرع ويدعي...رجعت لبيتها وهي تبكي وواجعتها لانها حست بالعجز لانها مارفدتش حتى لدرك فكل أم تشتاق للحضة هذي __ رتيل...تفاجئت بصوت يوسف يعيطلها حست بيه يقرب منها وتفاجأت يمسحلها في دموعها __ علابالي بيك فاطنة..عدلت قعدتها __ كيفاش عرفت؟ __ نسيتي ريحة البارفا تاعك؟وزيد علاش البكا هذا كامل __ نبكي لاني مانيش عارفة نحقق حلمك نبكي لاني عاجزة باش نخليك فرحان علابالي بيك حاب نجيبو طفل ونضت تدعي ربي...تبسم يوسف ليها بمحبة وحكملها يديها وباسهم __ اولا انا ماشكيتش وقلت حاجة ومأمن بلي هذا قدر مقدر من عند ربي وماعندكوحتى سيطرة عليه ثانيا وهذا الاهم اني نمت منامة مش مليحة شفتك تبعدي عليا وسمحتي فيا نضت ندعي ربي يحفظك ليا __ صح؟ يعني نت مش زعفان مني لاني ماحملتش؟ __ علاش نزعف منك؟ نتي تهزي بمزاجك وكيما تحبي حنا رانا مؤمنين بقضاء ربي وخو لي ينفخ الارواح...هدأ قلب رتيل لانها تغير عليه بزاااف....تسمع في مدح الناس ليه وزادت غيرتها حتى تشوكات من وحدة قالت__ والله كون جات عندي طفلة اوخرى نزوجهالو...هدرتها وهي مش عارفة بلي رتيل مرتو..زاد قلق رتيل على يوسف وبدا شيطان يلعب براسها بانو درك يتزوج عليها التانية به تجيبلو لولاد قطع شرودها صوت يوسف __ رتيل وين رحتي وانا نهدر معاك؟ __ اني هنا اسمحلي واشنو كنت تهدر؟ __ كنت نقولك واش رايك نروحو لداركم عندنا مدة مارحنالهمش ومارحناش عند اهلي __ ايه والله فكرة توحشت سديم بزاف __ خلاص مالا درك نريڨل وقتي وندي كونجي __ يوسف ممكن سؤال؟ __ تفضلي __ واش رايك في تعدد؟..سكت شوي (انه فخ ياجورج😂)__ والله ياعمري الحكاية راهي بيدك نتي مش بيدي....وحكم ضحكتو(خلات عليه والله)__ شوف علابالي بلي شرع ربي مأمنة بيه بصح رايك يهمني __ شوفي احبي غريزتنا تتبدل هذي ربي حطهالنا في رجال يحب يبدل وهنا كاين نوعين واحد ملتزم كي يخمم في الحكاية يروح يتزوجها على سنة الله ورسوله واما نوع تاني تلقايه راح طريق عوجة ربي يهديهم وفي كلتا الحالتين الزوجة هي سبب كون تكون فحلة تتغلب على نقطة هذي __ وكيفاش تتغلب على نقطة هذي؟..حس يوسف من صوتها بريبة وشك فضل مايجاوبش وهذا قلق رتيل بقات تحاول فيه به يجاوب __ يعني ارتيل تهتم بروحها ومعاملتها مع ىاجلها بدلالها لازم تكون ذكية وتلعب على نقطة هذي متخشنش راسها معاه وماتقولوش وين رايح ومنين جيت ولي زي هدرات هذو....حست رتيل انو يوسف يقصدها بهدرتو __ وانا ندير هكذا معاك؟ (ويايما خلات اليوم😂 حصل حصلة تع كلاب) __ انا مقلتش راكب ديري هكذا معاي..حس بلي توترت الحالة __ انا معايا ملكة وسط داري معمرتلي حياتي وحاس روحي معرفتش نفرحها..محستش بكلماتو لي قالهملها من قلبو غيرتها كثر من حبها وزيد شكها اقوى.....في دار تع اهل رتيل __ نورتنا ابني وشنو الغيبة هذي؟__ معليش اعمي الخدمة راك علابالك __ ربي يعينك...قعدت رتيل مع امها في بيتها تشكيلها بواش تحس __ مانيش عارفة اماما اني شاكة فيه يرجع روار للدار ومايتغذاش في دار ساعات يقولي معتكف في مسجد حنهبل...ناضت تبكي رتيل وحضنت مها بلاك تتكالما شوي __ اتكالماي ابنتي يوسف يحبك محال يتزوج عليك ولا التخمام لي فراسك __ معرف اماما مانيس قادرة نكذب احساسي...خلص نهار وفي طريق العودة __ شبيك ارتولة من رحنا وني ماكيش تهدري __ لا والو...لاحظ ردها مادرلوش اهمية دخلو لبيتهم فكر يجيبلها كادو وشوي ورد به تقولو واشبيها بصح تشوكا من ردة فعلها __ اني خرج دقيقة درك نجي __ يادرا حتبات عندها ولا عندي؟ __ شكون هذي؟ __ مدام جديدة تاعك __ مدام؟ تاعي؟ __ ايه حاطني راقدة على وذنيةروح اودي اشبع بيها اصلا نت تبقا طول عمرك هكذا صح لي قالو لي فيه نڨة ما يتنڨا تحب العلاقات عمرك ماتتبدل من جامعة ونت هكذا.... بقا يشوف معاها ومصدوم من واش سمع تقلق وتنارفا ومعرفش واش يدير هز ڤاز (مزهرية) لي كان قدامو ورماه للحيط وخرج وخلاها ..... تعدات 3 سوايع ورجع يوسف لدار ومالقاش رتيل تسنا فيه به تطلب سماح وبصح علواه؟ على كسرة قلبو؟ ولا على كلماتها لي يسممو وعايرتو بماضيه؟ دخل للبيت تانية وخلاها وحدها بقات تبكي طول ليل (لبنات عندك ولا تعايري واحد بماضيه تافه ولا تاب وترجعيه للماضي شحااال توجع بلاكم) بقات تبكي ليل كامل ونوم مجاش.....في صباح ناضت حطت الفطور ليه كعادتها بصح هو خرج بلا كلمة وبلاما يبوسلها راسها ككل صباح حست وكأنها خسرت يوس

خلولي جام 👍