Chapter 65 sister in law
Chapter 65November 25, 2023
( မြေခွေးကလေး)ကောယန် သည် One ၏ လုပ်ရပ်ကို မြင်သောအခါ ချက်ချင်း သတိရှိလာသည်။ သူ့လက်ကို ခါးပေါ်တင်ပြီး သေနတ်အား ဆွဲထုတ်ဖို့ ပြင်ဆင်လိုက်၏။သူ့နောက်က စစ်သားများမှာလည်း ကောယန်လိုပင် အသင့်အနေထား ဖြစ်သွားကြသည်။စစ်တပ်၏ စည်းမျဥ်းစည်းကမ်းအရ၊ သူတို့ပတ်ဝန်းကျင်မှာ ပုံမှန်မဟုတ်သည့် အရာတစ်ခုကို တွေ့ရှိပါက၊အရင်ဦးဆုံး အသံပေးရမည်ဖြစ်သည်။
One က ခဏစောင့်ကြည့်လိုက်သည်။မှောင်မိုက်နေသည့် ပတ်ဝန်းကျင်၌ နောက်မှာ ဘယ်သူရှိမှန်း မမြင်ရပေ။Oneက အဆင်ပြေကြောင်း လက်ဟန်ပြပြီး သူအရင် နောက်ပြန်ခေါက်လိုက်သည်။ထိုအခါ ကောယန်က ငှက်အော်သံလိုမျိုး လေချွန်ပြီး အဆင်ပြေကြောင်း အချက်ပေးလိုက်၏။
Oneက အုပ်စုအဆုံးကို လျှောက်သွားရာ စုမုန့် ပျောက်နေသည်ကို တွေ့လိုက်သည်။ထိုမျှမကသေး၊ သူ့တပ်သား သုံးယောက်လည်း ပျောက်နေသည်။ ထို့ကြောင့် သူသည် အုပ်စု၏အဆုံးတွင် စစ်သားနှစ်ယောက်ကို အသံတိုးတိုးဖြင့်
“နောက်ကလူတွေ ဘယ်မှာလဲ”
"စောစောကလေးတင် နောက်မှာရှိပါသေးတယ်"
အမေးခံရသည့် စစ်သားလည်း စိတ်ရှုပ်သွားရ၏။
" စောစောကတင် နောက်မှာရှိနေသေးပါတယ်... ဒီလိုအချိန်တိုလေးအတွင်းမှာ ဘယ်လိုပျောက်သွားတာလဲ…"
Oneက ဓာတ်မီးကိုဖွင့်ပြီး သဲလွန်စရှာဖို့ ထိုင်ချလိုက်သည်။ ကောယန် လည်း အပြေးအလွှား လာပြီး အခြားစစ်သားများကို အမိန့်စောင့်ခိုင်းသည်။ သူလည်း စုမုန့် ကိုရှာဖို့ One နှင့်လိုက်သွား၏။တစ်ချိန်တည်းမှာပဲ သူ့ကိုယ်သူ အပြစ်တင်နေမိတော့သည်။သူက စုမုန့် ကို စခေါ်လာသူဖြစ်ပြီး တာဝန်ယူထားရသူပင်။ သူမ ပျောက်သွားလိမ့်မည်ဟု သူ မမျှော်လင့်ထားပေ။စုမုန့်၏ ကိုယ်လုံးကိုယ်ပေါက်က ယောက်ျားတစ်ယောက်လောက် သက်လုံမကောင်းမှန်း သိလျက်နှင့် သူမ အနားမှာ နေသင့်သည်။သူမ တစ်ခုခုဖြစ်ခဲ့ပါက၊ အဘိုးလုမှာ သူ့ကို တွေ့ခွင့်ပေးမှာတောင်မဟုတ်တော့ေပ။
![](https://img.wattpad.com/cover/355426118-288-k286270.jpg)
YOU ARE READING
ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်
Historical FictionAfter being reborn I tortured the vicious sister in law