ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်

Chapter 11
(စုမုန့်အအော်ခံရခြင်း)

အိမ်တော်ထိန်းကျိုး ၏ တုံ့ပြန်မှုကို မစောင့်ဘဲ စုမုန့် ဆက်ပြောသည်။

"နောက်တစ်နည်းက ချီလင်းတောင်နဲ့ ပင်လယ်မြို့ကို ရှာပြီး ချိတ်ထားဖို့ပါပဲ.... ချီလင်းဆိုတာ လူနေအိမ်တွေအတွက်တော့ နတ်သားရဲတစ်မျိုးပဲ...စည်းစိမ်ဥစ္စာကို ဆွဲဆောင်နိုင်ပြီး မကောင်းမှုကို ပယ်ရှားနိုင်တယ်...  အချိန်အတော်ကြာအောင် ကြိုးနဲ့ ချိတ်ထားမယ်ဆိုရင် ဝိညာဉ်ရေးအရ ပိုင်ရှင်ကို ကာကွယ်ပေးမှာပါ...ဒါဆို  ရှင်တို့လင်မယားနှစ်ယောက်မှာ ပြသနာမရှိနိုင်တော့ဘူး”

သူမ ပြတ်ပြတ်သားသား ကျိုးကြောင်းဆီလျော်စွာ ပြောလိုက်သည်။ အိမ်တော်ထိန်းကျိုး သည် သူ့စိတ်ထဲတွင် သံသယများရှိနေသော်လည်း 50%ကျော် ယုံကြည်နေမိသဖြင့် သူမအား ထပ်ခါတလဲလဲ ကျေးဇူးတင်ကြောင်းပြောလိုက်၏။

"ကျေးဇူးတင်ပါတယ်သခင်မလေး…သခင်မလေး ကျွန်တော့်ကို အရမ်းကူညီခဲ့တာပဲ... ဘယ်လို ကျေးဇူးတင်ရမှန်းကို မသိဘူး" 

အသုံးဝင်သည်ဖြစ်စေ၊ မဝင်သည်ဖြစ်စေ သူ့အပေါ်ထားရှိသော ကြင်နာမှုများအတွက် အလွန်ပင် ကျေးဇူးတင်ရှိနေပြီဖြစ်သည်။

စုမုန့် လက်ကာ၍ တားလိုက်ရင်း စိတ်လှုပ်ရှားသံဖြင့် ပြောလေသည်။

  “ကျွန်မရဲ့ အသက်မွေးဝမ်းကြောင်း လုပ်ငန်းကို ပြန်လုပ်ရတာ အရမ်းကောင်းတယ်... နောက်ဆို ရှင့်သူငယ်ချင်းတွေကိုလည်း ဒီလိုပြဿနာမျိုး ကြုံလာရင် ကျွန်မကို လာရှာဖို့ပြောလိုက်ပါ...ဒါဆို ဈေးလျှော့ပေးလိုက်မယ်…နောက်ထပ်ဖောက်သည်တွေကို ကျွန်မဆီ ရောက်အောင် ရှာပေးနိုင်ရင် ဒီအလုပ်ကို ကျွန်မ ပိုက်ဆံမတောင်းတော့ဘူး"

အရာအားလုံးကို ဖြေရှင်းပြီးနောက်၊  အိမ်တော်ထိန်းကျိုး က သူမအား ဝေ့မိသားစုထံပြန်လိုက်လာဖို့ ပြောသည်ကို ငြင်းဆိုခဲ့သည်။ယခု သူမ အိမ်ပြန်ဖို့ မတွေးချင်သေးပေ။

စုမုန့် ထွက်သွားပြီးနောက် အိမ်တော်ထိန်းကျိုး သည် သူမ သူ့အိမ်တွင်ရှိနေသည့်အချိန်ပိုင်း ဗီဒီယိုဖိုင်ကို ကော်ပီကူး၍ ဝေ့ထင် ထံသို့ ပေးပို့ခဲ့သည်။သူမသည် ထိုကဲ့သို့လုပ်ထုံးလုပ်နည်းများကို ဂရုမစိုက်သော်လည်း အိမ်တော်ထိန်းတစ်ဦးအနေဖြင့် သံသယမဖြစ်စေရန် သူက လုပ်မှဖြစ်ပေမည်။