Chapter 63 sister in law
Chapter 63November 24, 2023
(အရာရှိရောက်လာသည်)
ကောယန် က သူပြောမည့်စကားကို သေချာ စဉ်းစားရင်း
“မစ္စတာ ရှန့်ကျန်း…ဒီအခန်းကနေ ခဏထွက်ပေးပါ.... နောက်မှ လုပ်စရာတစ်ခုခု ရှိရင် ပြန်လာခဲ့ပါ...အခု တခြားအခန်းကို အရင်သွားလိုက်ပါ…မစ္စစုကို အရာရှိဆီကို ခေါ်သွားပေးရပါမယ်”
“အိုး အဆင်ပြေပါတယ်"
ထို့နောက် ရှန့်ကျန်း သည် ကောယန် နောက်သို့ လိုက်သွားခဲ့သည်။ ရှန့်ကျန်း ကို အပြင်လွှတ်လိုက်ပြီးနောက် ကောယန် က One ကိုတစ်ဖန်သွားတွေ့ရပြန်သည်။
"ဆရာ မစ္စစုက သဲလွန်စနည်းနည်းပဲရှိတော့ ရှာလို့မတွေ့ဘူးလို့ ဆိုပါတယ်....သူမက ရာဇ၀တ်ကောင်ကို သွားကြည့်ချင်တယ်တဲ့...ဒါပေမယ့် သူမက ရာဇ၀တ်ကောင်ရဲ့မျက်နှာကိုမကြည့်ဘဲ သူ့လက်တွေကို ကြည့်ဖို့ပဲလိုတယ်လို့ ပြောတယ်”
One ခဏလောက် စဉ်းစားပြီး အသံသြကြီးနှင့်ပြောလိုက်သည်။
"ကောင်းပြီ ငါလည်း လိုက်မယ်”
“ဆရာ...ကျွန်တော်တစ်ယောက်တည်း ဒီကိစ္စကို ကိုင်တွယ်ဖြေရှင်းနိုင်ပါတယ်...ဆရာ ကိုယ်တိုင်လုပ်စရာမလိုဘူး"
ကောယန် က စုမုန့် ကို မယုံကြည်ချင်ကြောင်း ကောယန် ထင်မိသောကြောင့် အမြန်ကတိပေးလိုက်သည်။
“သူမကို ခေါ်လာခဲ့”
ကောယန် သည် One ၏ လျစ်လျူရှုသောအကြည့်ကိုမြင်ပြီး စုမုန့် ကြောက်နေမည်ဟု တွေးမိသည်။One၏ တည်ကြည်ခန့်ငြားပြီး အေးစက်စက်ပုံက စစ်တပ်ထဲမှာရှိသည့် ရဲဘော်အနည်းငယ်သာ ခံနိုင်ရည်ရှိကြ၏။
စုမုန့်သည် တံခါးဝတွင် ကောယန် ၏ အဖြေကို စောင့်ဆိုင်းနေစဉ် ရှန့်ကျန်း မှာ တစ်ဖက်အခန်းမှ နံရံကို မျက်နှာချင်းဆိုင်လျက် ရပ်နေသည်ကို တွေ့လိုက်ရသည်။
"ရှန့်ကျန်း ဒီမှာဘာလုပ်နေတာလဲ... အရာရှိကော က ရှင့်ကို တစ်ခုခုခါ်ခိုင်းတာမဟုတ်ဘူးလား"
ထိုအခါ ရှန့်ကျန်းက ပါးစပ်ရှေ့မှာ လက်ညိုး တစ်ချောင်းထောင်ပြကာ ရှူးဆိုသည့် အမူအရာလုပ်ပြရင်း တိုးတိုးလေးပြောသည်။
YOU ARE READING
ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်
Historical FictionAfter being reborn I tortured the vicious sister in law
