ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်

chapter 92

Chapter 92 sister in law
Chapter 92December 07, 2023
(ရွာသူကြီးက ထူးဆန်းနေတယ်...)

သူသည် စုမုန့် ၏ အရည်အချင်းကို သိသဖြင့် သူမအား ယုံကြည်သည်။ 

ဝေ့ထင် က သဘောတူသောအခါ၊ စုမုန့် စိတ်ထဲတွင် အဖြေတစ်ခုကို အမြန်စဉ်းစားမိတော့သည်။သူမ လမ်းကိုကြည့်ရန်ပင် မေ့သွားကာ ဝေ့ထင်ကပဲ ရှေ့မှဦးဆောင်သွားခဲ့သည်။

သူတို့နှစ်ယောက် ရွာကို လှည့်ပတ်သွားကြပြီး မကြာမီ ရွာအဝင်ဝကို ရောက်လာသည်။ ဝေ့ထင်က သူ့လက်အောက်ငယ်သားတွေကို ခဏလောက် အေးအေးဆေးဆေး စောင့်ခိုင်းထားဖို့ ကြိုတင်အကြောင်းကြားထားပြီးသားပင်။တစ်ချိန်တည်းမှာပဲ ရမ်ချီ၏ပစ္စည်းများကို ပြန်ယူဖို့ တစ်ယောက်ယောက်ကို စေလွှတ်လိုက်၏။

စုမုန့်သည် ရွာကို တစ်ခေါက်ရောက်ဖူးပြီး ရွာသူကြီးကိုယ်တိုင် အရေးပေးထားသူဖြစ်၍ ရွာသားတွေက သူမကို ပထမတစ်ခေါက် ရောက်လာတုန်းကထက် ပိုရင်းနှီးစွာ ဆက်ဆံကြ၏။

"ဆရာမ ဘာလာလုပ်တာလဲ…ရွာသူကြီးက လာခိုင်းတာလား"

“မဟုတ်ဘူး...အရင်တစ်ခါက ရွာသူကြီးကိုပြောဖို့ မေ့သွားတာကို သတိရမိလို့ သူ့ကို လာတွေ့တာ”

စုမုန့် ပြုံးပြီး ပြန်ဖြေသည်။

ရွာသားက နားလည်မှုရှိစွာ သူမကို ကြည့်ပြီး ဝေ့ထင်ကို ကြည့်လိုက်လျှင်... 

“ဆရာမ သူက မင်းရဲ့ခင်ပွန်းလား... သူက အရမ်းချောတယ်နော်...မင်းတို့ နှစ်ယောက်က အရမ်းလိုက်တာပဲ…  ချစ်ခြင်းမေတ္တာတွေ ရေရှည်တည်တံ့ပါစေလို့ ကျွန်တော် ဆုတောင်းပေးပါတယ်”

စုမုန့် ဆွံ့အသွားရ၏။ရွာသားပုံစံက စိတ်အားထက်သန်လွန်းနေ၍ သူမလည်း ဘာပြောရမှန်းပင်မသိတော့‌ေပ။အပြစ်တင်၍လည်းမဖြစ်ပေ။သူမ တစ်ခုခုပြောဖို့ ပြင်နေခိုက်မှာ ဝေ့ထင်က ရွာသားကို ယဉ်ကျေးစွာဖြင့်

“ကျေးဇူးတင်ပါတယ် ဦးလေး...ဦးလေး အလုပ်များနေမှာပေါ့...ကျွန်တော်တို့ သွားလိုက်ပါဦးမယ်"

“သွားပါ၊ ဆက်သွားပါ”

စုမုန့် က ဝေ့ထင် ကို အံ့သြစွာ ကြည့်လိုက်သည်။သူ ရူးများနေလားပင်မသိပေ။ပိုင်စိုးပိုင်နင်းနိုင်လှချေ၏။သူ့ကို အင်းစာရွက်နှင့်ကပ်ဖို့ တစ်ချက်တွေးမိသော်လည်း အမြန်ပင် အတွေးပြောင်းလိုက်၏။