Chapter 80 sister in law
Chapter 80December 02, 2023
(မိန်းမလူလိမ်...)လင်းအိုက်၏ အပြစ်ကင်းသော မျက်လုံးများကို ကြည့်ရင်း စုမုန့် ခေါင်းညိတ် သဘောတူလိုက်သည်။
“ဆရာကလည်း ညီမကို တွေ့ချင်နေမှာပါ"
စုမုန့်သည် ယာဉ်မောင်းလိုင်စင်ရရှိပြီးဖြစ်ကာ အခု ကားအသစ်လည်း ရသွား၍ ချက်ချင်းပဲ မောင်းထွက်သွားလိုက်၏။သူတို့ သုံးယောက် ကားထဲသို့ ဝင်ခါနီးတွင် ဖက်တီးသည် ဇိမ်ခံကားအသစ်အား မောင်းလာပြီး ကားပြတင်းပေါက်ကို ချ၍ လေတစ်ချက်ချွန်ကာ ပြောသည်။
"အလှလေး မင်း ဖုန်းနံပါတ် ကိုယ့်ကို မပေးချင်ဘူးလား"
ထိုအခါ ခရီးသည်ထိုင်ခုံတွင်ထိုင်နေသော မိန်းမချောသည် စုမုန့်ကို စိုက်ကြည့်နေသည်။
"မင်းက ဘယ်သူလဲ...ဖုန်းနံပါတ် ပေးစရာလား"
ရှန့်ကျန်းက ရှေ့မှာလာရပ်၍ သူမကိုယ်စား ငြင်းလိုက်သည်။ဖက်တီး၏မျက်လုံးများထဲတွင် တပ်မက်မှုများ ပြည့်နေ၏။သူကလည်း ယောက်ျားတစ်ယောက်ဖြစ်၍ ဖက်တီး၏ အကြည့်ကို ကောင်းကောင်းနားလည်သည်။ဖက်တီးက စုမုန့်ကို လိုက်ချင်နေသည်ပင်။
သို့သော် စုမုန့်သည် ဖက်တီးကို ဂရုမစိုက်ဘဲ ရှန့်ကျန်းကို ရှောင်ကာ ကတ်ပေးလိုက်သည်။
"ဒါက ကျွန်မရဲ့ လိပ်စာကတ်ပဲ...ရှင့်မှာ အဆင်မပြေတာရှိရင် အချိန်မရွေး ဖုန်းဆက်နိုင်ပါတယ်”
"အစ်ကိုချမ်"
အလှလေးမှာ ဖက်တီး၏ အပြုအမူကို မကျေမနပ်ဖြစ်သွားကာ
“တတိယအစ်ကိုနဲ့ တခြားသူတွေက ကျွန်မတို့ကို စောင့်နေတာပဲ ..နောက်ကျလိမ့်မယ်... သွားကြစို့"
ဖက်တီးက သူမကို ဂရုမစိုက်ပေ။ထို့နောက် စုမုန့်၏လိပ်စာကတ်ကို ကြည့်ကာမျက်လုံးပြူးသွား၏။စုမုန့်ကို တစ်လှည့်၊ကတ်ကိုတစ်လှည့်ကြည့်ပြီး
"ဒါဆို မင်းက လူလိမ်လား...မိန်းမ လူလိမ်လား"
ယခုတော့ သူမက စိတ်ဝင်စားစရာမကောင်းတော့သလို ထင်ရသည်။အစက သူမ၏အလှကိုမြင်ပြီး သာမာန်မိန်းမတစ်ယောက်ဟုသာ သူ ထင်ခဲ့မိသည်။ သူမက လူလိမ်မ ဖြစ်နေမည်ဟု မမျှော်လင့်ခဲ့ပေ။သို့ဖြစ်၍၊သူ သူမကို ကြည့်ပင်မကြည့်ချင်တော့။ သူ တစ်ချက်စိတ်ပျက်သွားသော်လည်း ကတ်ကို ယူထားလိုက်၏။ထို့နောက် ဘာမှမပြောဘဲ လီဗာကိုနင်းကာ အမြန်ထွက်သွားခဲ့သည်။
YOU ARE READING
ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်
Historical FictionAfter being reborn I tortured the vicious sister in law