ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်

chapter 73

Chapter 73 sister in law
Chapter 73November 30, 2023
(လက်ကောက်ဝတ်ဒဏ်ရာ)

စုမုန့် သည် ထိုသူနှင့်အတူရှိစဉ်က သူမ နှလုံးသားထဲမှနေ၍ စိတ်ပါလက်ပါ ရယ်မောခဲ့ဖူးသည်။ နှစ်ယောက်စလုံး တစ်ယောက်ကို တစ်ယောက် နောက်ပြောင်ကျီစယ်ကာ နေကြသည် ။  သို့သော် စုမုန့် သည် ထိုလူ့အပေါ် ရိုးသားသောအပြုံးကိုသာ ပြုံးခဲ့သည်။ သူ့ကိုတော့ သူမ တစ်ကယ် မုန်းခဲ့တာ ဖြစ်မလား…

စုမုန့် စာကိုဖတ်ပြီးသည်နှင့် ဖုန်းဘက်ထရီကုန်တော့မှန်း သိလိုက်ရသည်။ဤအရေးကြီးသည့်အခိုက်အတန့်မှာ ဖုန်းကို ပိတ်ထား၍ မဖြစ်ပေ။ကံကောင်းစွာပင်၊ သူမ ပါဝါဘန့် ယူလာခဲ့သဖြင့် အိတ်ထဲသို့ လျှောက်ရှာကြည့်ရာ အိတ်ထဲတွင် ပစ္စည်းများစွာ ယူလာသောကြောင့် ရှာရအလွန်ခက်ခဲသည်။အချိန်အတော်ကြာ ရှာဖွေပြီးနောက် နောက်ဆုံးတွင် ပါဝါဘန့်ကို အောက်ခြေတွင် တွေ့ရှိခဲ့သည်။  သူမသည် လက်ဖြင့် ကိုင်ကာဆွဲထုတ်မည်ပြုစဉ် လွယ်အိတ်ထဲတွင် ဓားသေးသေးလေးတစ်ချောင်းရှိနေသည်ကို မေ့သွားခဲ့သည်။ ဓားကို ပလတ်စတစ်အပိတ်ဖြင့် ပိတ်ကာ သိမ်းဆည်းထားသော်လည်း ဓားအဖျားက ကျွတ်ထွက်နေသည်။ သူမ အားသုံးကာ မွှေနှောက်လိုက်သဖြင့် ဓားဖျားက သူမ၏ လက်ကောက်ဝတ်ကို ဖြတ်လိုက်သလိုမျိုး အနာတရဖြစ်သွားသည်။သို့သော် ဝေ့ထင် အနားမှာရှိနေတာကြောင့် နာကျင်သော်လည်း သူမ မငိုခဲ့ပေ။သူမ မျက်မှောင်ကြုတ်ပြီး လက်ကို ညင်သာစွာ ဖယ်လိုက်၏။

စတီယာရင်ကို ကိုင်ထားသည့် ဝေ့ထင် လက်ကလည်း ဆစ်ကနဲနာကျင်သွားသည်။ သူ ကားကို လမ်းဘေးချပြီး ရပ်လိုက်ပြီး စုမုန့် အနီးသို့ တိုးလာကာ ဒဏ်ရာရနေသော သူမ၏ လက်ကို ဆုပ်ကိုင်လိုက်သည်။

စုမုန့် သည် ဒဏ်ရာကြောင့် နာကျင်နေသော်လည်း ဝေ့ထင်၏ နောက်ပြောင်ခြင်းကို မခံချင်သောကြောင့် သည်းခံပြီး ဘာမှပြန်မပြောတော့ပေ။  အဆုံးမှာတော့ ဝေ့ထင် က သူမ လက်ကို ဖမ်းကိုင်လိုက်သဖြင့် ပို၍ပင် နာကျင်လာတာကြောင့် သူမ ညည်းသံတစ်ချက်ထွက်လိုက်မိ၏။

"ဘာလုပ်တာလဲ!" 

သူမသည် သူ၏ လုပ်ရပ်ကြောင့် ထိတ်လန့်သွားပြီး သူ့ကို စိတ်မရှည်စွာ မေးခွန်းထုတ်သည်။ တစ်ချိန်တည်းမှာပင် သူမလက်ကို အတင်းရုန်းပစ်၏။