^Unicode^
သင်္ချိုင်းမြေ
အခန်း (၆၄) : သင်္ချိုင်းမြေ (အပိုင်း ၁၀)
လော်ကျန့် လဲကျရာကနေ ပြန်ထဖို့ ကျရှုံးခဲ့တယ်။
ကန်ထဲက ရေတွေက အတော်လေး အေးစက်နေသလို အဝတ်အစားတွေက ရေစိုကုန်တာကြောင့် သူ့ခန္ဓာကိုယ်က ခဲသတ္တုနဲ့ ပြုလုပ်ထားပုံပေါက်နေခဲ့တယ်။ သူ့ခြေလက်အင်္ဂါတွေကို ဘယ်လောက်ကြိုးစားပမ်းစား လှုပ်ကြည့်ပါစေ၊ ဦးခေါင်းထက်ရှိ ရေမျက်နှာပြင်က သူနဲ့ ပိုမိုဝေးကွာလာခဲ့တယ်။
ဒီအတိုင်းဆက်သွားနေရင်တော့ ငါရေနစ်တော့မှာဘဲ။
လော်ကျန့်စိတ်ထဲမှာ ဒီအတွေးတခုဘဲ ရှိတယ်။ ရေကန်က ဘယ်လောက်နက်သလဲ ဒါမှမဟုတ် ကန်အောက်ခြေမှာ တနေရာရာကို ရေလမ်းကြောင်း ပြောင်းဖို့အတွက် ရေလက်ကြားတခု ရှိ မရှိဆိုတာကို သူ မသိဘူး။ တကယ်လို့ ရှိခဲ့မယ်ဆိုရင်တောင် ရေလက်ကြားကနေ ဖြတ်ပြီး ရေကူးသွားဖို့က အတော့်ကို အန္တရာယ်ကြီးလွန်းတယ်။ လော်ကျန့်မှာ သူ့အသက်ကို အလောင်းအစား လုပ်နိုင်တဲ့ သတ္တိမရှိဘူး။ သို့သော် ဒီအချိန်မှာ သူ ဒါကို မလုပ်ချင်ရင်တောင်မှ စွန့်စားရတော့မှာဖြစ်တယ်။
ရေက တအားလေးတာကြောင့် လော်ကျန့်ခမျာ လုံးဝကို ရေပေါ်မပေါ်နိုင်ဘဲ ချက်ချင်း ပြန်မြုပ်သွားခဲ့တယ်။ ရေထဲမှာ ထူးဆန်းတဲ့ အနံ့တမျိုး ရှိတယ်။ လော်ကျန့် လန့်ဖျပ်သွားတယ်၊ ရေက အဆိပ်ရှိနေတာတော့ မဟုတ်ဘူးမလား?
လော်ကျန့် ရေထဲမှာ ရုန်းကန်နေရချိန်မှာ သူ့ကိုယ်ပေါ်မှာ သိမ်းထားတဲ့ မီးစုန်းက ပြုတ်ကျသွားတယ်။ ရေထဲမှာ ကျောက်တုံးရဲ့အလင်းက ပိုပြီးတောက်ပလာခဲ့တယ်။ ၎င်းရဲ့အလင်းရောင်က သူ့အနီးတဝိုက်ကို လင်းထိန်သွားစေပြီး ပတ်ပတ်လည်မှာ နက်ပြာရောင်အလင်းတွေ ဖြာထွက်နေတယ်။ အသက်ရှူကြပ်နေတဲ့ လော်ကျန့်ခမျာ သူ့လက်ကို ဆန့်ပြီး ကျောက်တုံးကို လှမ်းဆွဲလိုက်ပေမဲ့ ရေစီးနှုန်းကြောင့် ကျောက်တုံးက ဝေးသထက်ဝေးရာကို မျောသွားခဲ့တယ်။
အကြောင်းရင်းအချို့ကြောင့် လော်ကျန့် တွန်းအားတခု ထွက်ပေါ်လာတာကို ခံစားလိုက်ရတယ်။ သူ့အသက်ကို စွန့်စားပြီး ကျောက်တုံးမျောရာ လမ်းကြောင်းအတိုင်း ကူးခတ်သွားလိုက်တယ်။ တွေဝေမိန်းမောနေရင်း လော်ကျန့်တယောက် အလွန်ကျဉ်းမြောင်းတဲ့ ရေလက်ကြားဖြစ်တဲ့ ရေတွေပြည့်နေတဲ့ ဥမင်လိုဏ်ခေါင်းဆီကို ကူးခတ်နေသလိုမျိုး ခံစားလိုက်ရတယ်။ လော်ကျန့်က ရေတွေပြည့်နေတဲ့ ဥမင်လိုဏ်ခေါင်းထဲမှာ ရှေ့ကို ဆက်ကူးသွားဖို့ နံရံကို အမှီပြုထားရတယ်။ မီးစုန်းကလည်း ရေစီးအတိုင်း ပေါလောမျောနေတယ်။ လော်ကျန့် ထိုကျောက်တုံးကို ဖမ်းဖို့ ကြိုးစားခဲ့ပေမဲ့ သူဘယ်လောက်လုပ်လုပ် ကျောက်တုံးကို မဖမ်းဆုပ်နိုင်ခဲ့ဘူး။
YOU ARE READING
အနန္တဆောင်ခန်းများမှ လွတ်မြောက်ရာ [ မြန်မာဘာသာပြန် ]
HorrorTitle : Escape the Infinite Chambers Author : Zǐ Jiè (紫界) Total Chapters : 201 + 5 extras (206) Genre : Action, Fantasy, Horror, Mystery, Psychological, Romance, Sci-fi, Supernatural English Translator : Ch 1 to 36 : Taida Translations Ch 37 to 206...