﷽
الشيهانة والعاصوف
بقلمي ياسمين ح65
مرحبا والسلام عليكم اجمعين.. وشكد مشتاقتلكم يشهد ربي عليه اعتز بيكم متابعيني ومفتخرة لطولة بالكم وسؤالكم وخوفكم عليه كلش ممنونة منكم ان شاء الله احاول ماتاخر عليكم بالختام رغم عشقي للتفاصيل البيها
عندي طلب يمكم لمتابعة وكاتبة قمة بالادب والاخلاق اتشرف اكون من قراء قصصها
shams-AlIraqiya
اتمنى تدعموها وتجربون تقرون قصصها بنكهة جميلة وسرد وطرح اكثر من رائع اكون ممنونة منكم جدا وكلش
للمعلومة.. البارت سلس
تحضير لاحداث البارت الجاية✨
٠
٠
٠
بلسان الحارث
امس شفت الحمام ع الصگور تحوم
وحفل عدها وتهوس ديرة الغربــــان
وشفت الذيب عينه مشابكة الـــــنوم
ومن دبچ الغنم متروس تـــــــــــربان
وأسراب الجراد مغطية الــــــــــــورود
وبيوت الفراش فطور حيطـــــــــــــان
بأحبال الاعدام الطيب مـــــــــــــگيود
وبچفوف اللفاحة الخير نعـــــــــــسان
عرفت الحكم صاير بيد نمـــــــــــــرود
ورجع يضحك شمر وحسين عـــطشان
لرحمة لشهدائنا اجمعين 💔
٠
٠
٠
كيناز...
_ اكثم عيني جاي توجعني والله
_ نطيني مجال يابة اشوفها الج
مسحها بالگطن تمددت على ظهري وخلى قطرات بيها كتله
_ اكثم راح يجي عمي من العمرة واني هذا شكلي شگول للنسوان اذا سالني بلة
_ من سوالفج غير.... تستاهليها..
دفعت ايده بخفة معترضة كلامه
_ هااا اكثم اشوو انته گالب عليه. لعد ماتشوفها هية شتسوي بيه
طرحني عالمخدة يقطر العلاج بعيوني وحجى
_ بت عمج مؤذية ومستعدة كلشي تسوي حتى تطفي قهرها من الحارث.. لهيج ارفض توصلين صوبها علما نحصل عنوان اهلها ويرجعها الهم
طفرت اريد اكعد محتجة دفعني من صدري بخفة انام كتله عيني بالسگف محترگة من العلاج
_ هاا..... واني ابقى متلوعة علما تحصلون بيت عمي وتشمروها عليهم... خوو دزوها لبيت خالاتها وخلصونا
_ ماترهم وصيري حباابة لاتمرمين گلبي كيناااز ترة اني دافنها الج واحاسبج عليها بعدين مو تكولين مابلغتج
_ فهمت والله فهمت مااوصل صوبها بعد بس والنبي محمد اذا وصلت صوبي ماسكتلها بعد
_ عوفيها رجلها يأدبها
