သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်

AFTER REBIRTH [ EPISODE 25 ]

Unicode

"ဦးစတီဗင် !! "

ခြည်ခြည် ဦးစတီဗင့် ခေါင်းကို ပန်းသီးစိတ်တင်ထားသည့် ပန်းကန်ပြား မိတ်ဆက်သွားတာကိုမြင်လိုက်ရသည်။

ထို့နောက် ပန်းကန်ပြားက ကြမ်းပြင်ပေါ်ကျကွဲသွားကာ ဦးစတီဗင်၏ နှဖူး က ကွဲပြီး မျက်မှန် တစ်ဖက်ပါ ကွဲကျေသွားလေသည်။

ဦးစတီဗင့်နှဖူးက သွေးတွေတစ်သွင်သွင် စီးကျလာခဲ့ပြီး မျက်နှာတစ်ပြင်လုံးနှင့် ရှပ်အင်္ကျီကိုပါ စိုရွှဲသွားစေသည်။

"သွေး သွေး ပါပါး သွေးတွေကျလာပြီ "

"သေပါစေ ခွေးသား"

ဦးရိုးရာက နှာမှုတ်ကာ လှည့်ကြည့်မလာ။

မာမားကမူ သွေးမြင်လိုက်ရတာကြောင့် စိတ်ထားပျော့သွားဟန်ဖြင့် တီတီမာလာ့ကို မျက်စပစ်ပြလေသည်။

တီတီမာလာက အစပိုင်းက လွတ်ကျသွားခဲ့သည့်
စတီးပန်းကန်ပြားကို ဆေးကြောဖို့ကိုင်ထားတာဖြစ်ပြီး မီးဖိုချောင်အ၀ကနေ ချောင်းကြည့်နေခဲ့တာဖြစ်သည်။

သူမက ဦးရိုးရာရဲ့ လက်သံကို အားမလိုအားမရဖြစ်နေခဲ့ပြီး သူမလက်ထဲက စတီး ပန်းကန်ပြားနှင့်ပါ အဆိုပါ အကောင်ကို တစ်ချက်လောက်အုပ်ချင်နေခဲ့သည်။

တီတီမာလာက အင်တင်တင်ဖြင့် အ၀တ်စတစ်ခုကို စတီဗင်ဟိန်းဆီပေးလိုက်သည်။ ထို့နောက် ကြမ်းပြင်ပေါ်က ပန်းကန်ပြားအကွဲအစများကို သိမ်းဆည်းကာ သန့်ရှင်းရေး လုပ်ဖို့စတင်လုပ်ဆောင်တော့သည်။

ဦးစတီဗင်က အ၀တ်စနှင့် သွေးများကိုသုတ်ကာ ဒဏ်ရာနေရာတွင်ဖိထားလိုက်ပေမယ့် ဒူးထောက်ရာမှ ထမလာ။

ဘာပဲဖြစ်ဖြစ် သူကဒီ့ထက်ဆိုးရွားတဲ့ တုံ့ပြန်မှုတွေကိုတောင် မျှော်လင့်ထားတာဖြစ်သည်။

နှဖူးကွဲလောက်ကတော့ ‌မမှုဘူး။
အေးဆေးပဲဟျောင့်။

နောက်ဆုံး ခြည်ခြည်ပဲ မနေနိုင် မထိုင်နိုင်နဲ့ ဗီရိုပေါ်တင်ထားသည့် အရေးပေါ် ဆေးသေတ္တာကို ပြေးယူကာ ဆေးထည့်ပေးဖို့လုပ်ပေးရသည်။ပါးက စတီဗင်ဟိန်းကို မမြင်ချင်တာမို့ကျောပေးထားပြီး မားကမူ မျက်နှာလွှဲထားခဲ့သည်။