Unicode
စတီဗင်ဟိန်း တစ်ယောက် ကုတင်ပေါ်က ချာတိတ်ကိုကြည့်ရင်းနဲ့ အမျိုးအမည်မသိတဲ့ခံစားချက်ကြီးက တစ်ကိုယ်လုံးသို့ပျံ့နှံ့သွားရသည်။ ဒေါက်တာ ကိုဗညားပြောသွားခဲ့တဲ့စကားအချို့က သူ လုံး၀မသိရှိခဲ့တဲ့ ဘက်ခြမ်းကို အလင်းဖွင့်လိုက်သလိုပင်။
"ကလေးက စိတ်ပိုင်းဆိုင်ရာပြင်းပြင်းထန်ထန်ထိုးနှက်ခံရတာ ဒါမှမဟုတ်၊ ထိတ်လန့်စရာတစ်ခုခုနဲ့ကြုံတွေ့ခဲ့ရတာကြောင့် သတိလစ်သွားခဲ့တာဗျ၊ အဲ့ဒါအတွက်တော့ စိုးရိမ်စရာမလိုပါဘူး၊ဒါပေမယ့် ကျွန်တော် အကြံပေးစရာလေးရှိတယ် ကိုစတီဗင်ဟိန်း။ "
ပရော်ဖက်ဆာ ဒေါက်တာကိုဗညားက ချာတိတ်ကိုစစ်ဆေးပြီးတဲ့နောက် သူ့ဘက်သို့လှည့်လာသည်။
"ဟုတ်ကဲ့ ကိုဗညားပြောပါဗျ"
"ကလေးက ကိုစတီဗင်ဟိန်းလည်းသိမှာပါ။သူ့ရဲ့ရုပ်ပိုင်းဆိုင်ရာ ကြီးထွားမှုနှုန်းက နှေးပြီး အရွယ်အစားက သေးလွန်းတယ်။အစားအသောက်ကိုဂရုတစိုက်နဲ့ကျွေးမွေးရင်တောင် အချိန်အတော်လေးပေးမှရမှာ"
"ဟုတ်တယ်ဗျ၊ ချာတိတ်က တစ်ကယ့်ကိုသေးကွေးလွန်းတယ်၊ ဒါပေမယ့် ကျွန်တော် ရှေ့မှာ ကြုံတွေ့ရသလောက်တော့ ချာတိတ်ကို အတော်လေးအဆင်ပြေတယ်ထင်နေတာ"
ချာတိတ်နဲ့ တွေ့တဲ့အချိန်တိုင်း ချာတိတ်ကအားအင်အပြည့်နဲ့ဖြစ်သလို သူ့ကိုလည်း ပက်ခနဲ ပက်ခနဲတုံ့ပြန်တတ်တဲ့ ကလေးလေးတစ်ယောက်။
"အာ အဲ့ဒါက ကိုစတီဗင်ဟိန်း အနေနဲ့ကလေ သေချာ သတိမထားမိလို့ပါ၊ ဒီကလေးက တစ်ကယ့်ကို သေးလွန်းတယ်၊ သေချာအချိန်ယူပြင်ဆင်ပြီးမှပဲ တချို့ကိစ္စတွေကိုလုပ်ဆောင်သင့်တယ်ဗျ"
"အခုပဲ ချာတိတ်ကို သွင်းပေးလို့မရဘူးလား ကိုဗညား၊ ကျွန်တော် အချိန်အကြာကြီးလည်း ဆွဲမထားချင်လို့"
"ဗျာ"
ကိုဗညားကအခက်တွေ့သလိုနဲ့ သူ့ကို ကြည့်လာတာမလို့ စတီဗင်ဟိန်းလည်း ချာတိတ်ကို ကြည့်ကာ မချင့်မရဲဖြစ်မိသည်။သနားစရာကောင်းတဲ့ rich kid ချာတိတ်လေးကို သူ့ဆီမှာ အချိန်အကြာကြီးထားလို့မရ။ခဏနေရင် ဒေါက်တာ စုံတွဲကလာခေါ်တော့မှာဖြစ်သည်။
YOU ARE READING
သတိရလာပြီးနောက်သူဌေးကြီးရဲ့ဒုတိယရင်သွေးကိုကိုယ်၀န်လွယ်ထားရတယ်
Romanceအမျိုးအစား - Rebirth,Revenge,Male-Preg, Comedy အဓိကဇာတ်ဆောင် - ဦးစတီဗင်ဟိန်း၊ညီညာရိုးခြည်
