Unicode
နေ့လည်ပိုင်းရောက်တော့ ပါးနဲ့မားတို့က အလုပ်ကိစ္စနဲ့ အပြင်သွားကြသည်။ ခြည်ကတော့ ပိတ်ရက်ဖြစ်တာမို့ အခန်းတွင်းအောင်းဖို့သာတွေးထားပြီး စာလုပ်ဖို့ရယ်၊ ပျင်းလာတဲ့အခါ နူးညံ့နဲ့ အပြင်သွားဖို့ရယ်ပဲ အစီအစဉ်ရှိသည်။
စေ့စပ်လိုက်တယ်ဆိုပေမယ့် အရင်တုန်းကဘ၀နဲ့ သိပ်ပြီးလည်း ကွာခြားမနေပါဘူး။
ခြည် စာဆက်လုပ်နေတုန်းမှာပဲ အခန်းတံခါးခေါက်သံကြားလိုက်ရသည်။
ခြည် လုပ်လက်စအလုပ်ကိုခဏရပ်ပြီး အခန်းတံခါးသွားဖွင့်ပေးလိုက်တော့ အခန်းရှေ့မှာရပ်နေတဲ့သူက ဦးစတီဗင်ဟိန်းဖြစ်နေသည်။
"ဦးစတီဗင် ဘာလိုချင်လို့လဲဟင်"
"ကိုယ့်ဘေဘီလေးကိုတွေ့ချင်လို့ "
"ကလေးကသိပ်မကြီးသေးဘူးလေ၊ ဘယ်လိုလုပ်ပြီးမြင်လို့ရမှာလဲဦးရဲ့"
ခြည်တံခါးကိုလူတစ်ကိုယ်စာဖွင့်ပေးပြီး ဦးစတီဗင်ကို၀င်ခွင့်ပေးလိုက်သည်။ ဦးစတီဗင်က အခန်းထဲ၀င်လာပြီးခြည့်ကိုပြုံးပြီးကြည့်ကာ...
"ကလေးကိုတော့မမြင်ရပေမယ့် ကိုယ့်ဘေဘီလေးကိုတော့ ကိုယ်မြင်နိုင်တယ်လေကွာ"
"ဗျာ "
"ဒီမှာလေ ကိုယ့်ဘေဘီလေး"
ဦးစတီဗင်က ခြည့်ခေါင်းကိုဖွဖွလေးပုတ်လိုက်သည်။အစပိုင်းမှာ ခြည် ချက်ချင်းသဘောမပေါက်ပေမယ့် ဒါက အဓိပ္ပာယ်နှစ်ခွနဲ့ သူ့ကို အီစီကလီရိုက်မှန်းသိသွားတာနဲ့ ခြည်တစ်ယောက် ငြိမ်ကျသွားတော့သည်။
စတီဗင်ဟိန်း ရှက်သွားတဲ့ ခြည်ခြည့်ကိုပခုံးကနေဆွဲဖက်လိုက်ကာ
"ရှက်နေတာလား ကိုယ့်ချာတိတ်က၊ မရှက်ပါနဲ့ကွာ "
"ဦး သွားတော့ ခြည် စာလုပ်ရဦးမှာ"
ခြည် သူ့ပခုံးပေါ်က ဦးစတီဗင့်လက်ကို ဆွဲခွာပြီး ဦးစတီဗင်ကို အခန်းတံခါးဘက်ကိုတွန်းလိုက်သည်။
စတီဗင်ဟိန်း သူ့ကိုတွန်းထုတ်လာတဲ့ လက်ဖ၀ါးနုနုလေးကို ဆုပ်ကိုင်လို့ လက်ဖမိုးလေးကို ရွှတ်ခနဲ အနမ်းပေးလိုက်သည်။ ကလေးသေးသေးလေးတွေမှာသာ ရတတ်တဲ့ baby mild ရနံ့လေးကို ချာတိတ်ရဲ့ ဘယ်နေရာအစိတ်အပိုင်းမှာမဆိုရနိုင်သည်။
ESTÁS LEYENDO
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
