Unicode
ဆရာ၀န်ခေါ်လိုက်ပြီဖြစ်တဲ့ ပါးနဲ့မားကိုကြည့်ကာ ခြည် လည်ပင်းနင်သွားရသည်။
"ပါး ၊မား ခြည် အဆင်ပြေပါတယ်လို့၊ ဆရာကြီးကို အားနာစရာ၊ ဟိုလေ ဖုန်းဆက်ပြီး ဆရာကြီးကိုမလာတော့ဖို့ ပြောပေးပါလားဟင်"
"အို မရပါဘူး ဘေဘီရယ်၊ ဒေါက်တာကြီးနဲ့ပြကြည့်မှကိုရမယ်၊ မားစိတ်ချချင်လို့ပါကွယ်"
"ဟုတ်တယ် ပါးရဲ့ ဘေဘီလေးက လိမ္မာပါတယ်ကွာနော်၊ ဘာမှမဖြစ်ဘူး၊ ဆရာကြီးကဒီနားက ဆေးရုံမှာရှိနေတာမို့ အခုဆို ရောက်ခါတောင်နီးရော့မယ်"
ခြည် ချွေးပျံသွားရပြန်သည်။
ဒုက္ခပါပဲ။ပြဿနာတွေတက်ကုန်မှဖြင့်။
ဒေါက်တာကျော်၀င်းဆိုတာက လက်ရှိမှာ ကျန်းမာရေးဌာန ညွှန်ချုပ်ဖြစ်နေတဲ့ အထူးကုပါမောက္ခသမားတော်ကြီးဖြစ်ပြီး ခြည် တို့မိသားစုရဲ့ ပင်တိုင် မိသားစုဆရာ၀န်ဆိုရင်လည်းမမှား။
ဆရာကြီး ဒေါက်တာကျော်၀င်း ယခုလိုရာထူးအဆင့်အဆင့်မတိုးခင်ကတည်းက ပါးနဲ့မားတို့ကို ကုသပေးနေကြ၊ အိမ်သားတွေ တစ်ခုခုဖြစ်တိုင်း အိမ်ကိုလာပြီးကုသပေးနေကြမလို့ ယခု ရာထူးကြီးကြီးနဲ့ အရာရှိဖြစ်နေတာကိုပဲ ခြည်တို့ ရိုးရာမိသားစုကလိုအပ်တိုင်း ရောက်လာမြဲဖြစ်သည်။
ဆရာကြီးက ဆေးပညာထူးချွန်ပြီး ပင်ကိုထက်မြတ်တဲ့ဆရာ၀န်ကြီးဖြစ်တာမို့ ကိုယ်၀န်ကိုသာသိသွားခဲ့ရင် .... မတွေးဝံ့စရာပါပဲ။
ခြည် အိပ်ယာမှဖြည်းဖြည်းချင်းထလိုက်သည်။
"ဘာလိုလို့လဲဘေဘီ၊ပါးယူပေးမယ်"
"ခြည် ရှူးပေါက်ချင်လို့ "
"ပါး လိုက်ပို့ပေးမယ်"
ခြည့်ပခုံးကနေထိန်းမကာ တစ်ကယ်ကြီး တွဲမပေးတော့မယ့် ပါပါးကို ကြည့်ပြီး ခြည်ငိုချင်သွားရသည်။ ပါးရေ ခြည်က ကလေးပိစိလေးမဟုတ်တော့ပါဘူးလို့။ အရမ်းချစ်တတ်တဲ့ ပါပါးကိုခြည်က ပိုင်ဆိုင်ထားရတာပဲနော့။
"ရပါတယ် ပါပါးရဲ့၊ ခြည်ဘာမှမဖြစ်ဘူး၊ နည်းနည်းအန်လိုက်ရုံပဲလေ၊ ခုကသက်သာနေပါပြီ၊ ခြည် လျှောက်နိုင်ပါသေးတယ်နော် "
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
