Unicode
18+ Warning
"ငါမယုံနိုင်သေးဘူး၊ မင်းကခြည်ခြည်အစစ်လား"
"အင်း"
ခြည်ခြည် တုန်ရီစွာနဲ့ပဲ လှေကားအနားကိုခပ်မြန်မြန်လေးသွားလိုက်ကာ အထူးကိုတွဲကူပေးလိုက်သည်။
"ဖြည်ဖြည်းနော် အထူး ချော်လဲဦးမယ်၊ လှေကားတွေက အန္တရာယ်သိပ်များတယ်"
စိတ်ပူစွာသတိပေးရင်းနဲ့သူ့လက်သေးသေးလေးတွေက အထူးကို ဘေးကနေတွဲပေးသည်။
ဦးရိုးရာ၊ဒေါ်ဘေဘီမင်းခင်၊ စတီဗင်ဟိန်း နဲ့ ဒေါ်မာလာတို့အားလုံး နှလုံးသားတွေထဲ ကိုယ်စီ ခံစားချက်အသီးသီးကို ခံစားလိုက်ကြရသည်။
သူတို့ရဲ့ ခြည်ခြည်က အမှန်တစ်ကယ် ပြန်လာခဲ့ပြီ။
"အင်းပါ ခြည်ခြည်ရဲ့၊ ငါသတိထားပါတယ်၊ "
အထူးက ပါးနဲ့မားတို့နဲ့စာရင် အခြေအနေအရပ်ရပ်ကို ခပ်မြန်မြန်လေး သုံးသပ်လက်ခံနိုင်သူဖြစ်သည်။ မေးခွန်းများများစားစားမမေးဘဲနဲ့တောင် ခြည်ခြည့်ရဲ့ ပြန်လည်ရှင်သန်လာမှူကို လက်ခံနိုင်သွားပြီး ခပ်ပြုံးပြုံးနဲ့ ခြည့်ကိုစကားလက်ခံပြောသည်။
"ဘယ်လိုလဲ အပြည့်အ၀ သက်သာပြီလား၊ တခြား ကျန်းမာရေး စစ်ဆေးဖို့ရော လိုအပ်သေးလား၊ ပြီးရောပြီးပြီလား"
"ကျန်းမာရေးစစ်ဆေးတာတော့မပြီးသေးဘူး၊ ခဏနေရင် ဇီ၀မှာ သွားစစ်ဖို့တော့စီစဥ်ထားတယ်"
စတီဗင်ဟိန်းက ကိုယ်စားဖြေပေးသည်။
ခြည်ခြည် ပြုံးလိုက်ပြီး အထူးရဲ့ လက်တွေကို လှမ်းဆုပ်ကိုင်ကာ ကျေးဇူးတင်စကားဆိုသည်။
"ကျေးဇူးတင်ပါတယ် အထူး၊ တစ်ကယ့်ကို စိတ်ရင်းအမှန်နဲ့ ကျေးဇူးတင်ပါတယ် "
အထူးအတွက် အခုဆုံးဖြတ်ချက်ကဘယ်လောက်အထိခက်ခဲမလဲဆိုတာကို ခြည်ခြည် သိတာပေါ့။ သားအိမ် နဲ့ ရင်သားတွေဟာ အထူး တို့လို လူတွေအတွက်တစ်ကယ်တော့ စောစောဖယ်ထုတ်ပစ်နိုင်လေကောင်းလေပဲဆိုတဲ့ အရာတွေဖြစ်သည်။ အခုတော့ အဆိုပါ အရာတွေကို ခဏဘေးချိတ်ကာခြည့်ရင်သွေးလေးအတွက် အငှားကိုယ်၀န်ဆောင်ပင်လုပ်ပေးခဲ့သေးသည်။
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
