Unicode
"ကျွန်တော် အငှားကိုယ်၀န်ဆောင်ပေးမယ်"
ဦးရိုးရာနဲ့ ဒေါ်ဘေဘီမင်းခင်တို့ လှည့်ကြည့်လိုက်တော့ အထူးက လက်နှစ်ဖက်ကိုဆုပ်လို့ပြောလာသည်။ ကောင်မလေးက ရုတ်တရက်ပြောလိုက်တာမို့ နှစ်ဦးသားကြောင်အသွားကြသည်။ သို့ပေမယ့် ဒေါ်ဘေဘီမင်းခင်ကလျင်မြန်စွာငြင်းပယ်သည်။
"မဟုတ်တာ အထူးရယ်၊ သမီးက အပျိုလေးပဲရှိသေးတာ၊ မိုက်ရူးရဲဆန်လို့မဖြစ်ဘူး၊ ဒါကသမီးဘ၀တစ်ခုလုံးကိုပါထိခိုက်သွားစေနိုင်တယ်၊အန်တီတို့ ခွင့်မပြုနိုင်ဘူး"
"ကျွန်တော် မိုက်ရူးရဲဆန်တာမဟုတ်ပါဘူး အန်တီ၊ ကျွန်တော် တစ်ကယ်လုပ်ပေးဖို့ ဆန္ဒရှိလို့ပါ၊ဒီနည်းလမ်းကပဲ ခြည်ခြည့်သွေးသားလေးကိုအဖတ်တင်စေမှာလေ၊ရင်သွေးလေးက အန်ကယ်နဲ့ အန်တီတို့ မြေးလေးပါ "
"မရဘူး အထူး အန်ကယ်တို့လည်း အန်ကယ်တို့ မြေးလေးကို သိပ်ချစ်တာပေါ့။ တစ်ဦးတည်းသော သားရဲ့ သွေးသားပဲလေ၊ ဒါပေမယ့် အန်ကယ်တို့ အထူးဘ၀ကို လောင်းကြေးထပ်ပြီးစွန့်စားခိုင်းရလောက်အောင်အထိကိုယ်ချင်းစာတရားမကင်းမဲ့သေးဘူးကွယ် "
"မဟုတ်ဘူး အန်ကယ်၊ ကျွန်တော့်ဘာသာ စိတ်ဆန္ဒရှိလို့ကို ဒီအလုပ်ကို လုပ်ချင်တာပါ၊ ဒါက ကျွန်တော် ခြည်ခြည့် အပေါ်မှာ ထားတဲ့ချစ်ခြင်းမေတ္တာကို ဖော်ပြနိုင်မယ့်တစ်ခုတည်းသော အခွင့်အရေးပဲ"
"ကျွန်တော် အိမ်ထောင်မပြုချင်ဘူး အန်တီ၊ အထူးဆိုတဲ့ ကျွန်တော်က မိန်းကလေး ဆိုတဲ့ဖြစ်တည်မှုကိုလည်းမုန်းတယ်၊ ကျွန်တော့် ကိုယ်မှာပါလာတဲ့ အရာတွေကိုလည်း ကျွန်တော်မုန်းတယ်၊ ကျွန်တော်ယောကျာ်းလေးတစ်ယောက်ပဲဖြစ်ချင်တာ၊အနှေးနဲ့အမြန်ဖယ်ထုတ်ပစ်လိုက်တော့မယ့် ကျွန်တော် မုန်းတဲ့ သားအိမ်ထဲမှာ ကျွန်တော်ချစ်တဲ့ ခြည်ခြည့်ရဲ့ သွေးသားကိုထည့်ပြီး ကယ်တင်ပေးနိုင်မယ်ဆိုရင် ကျွန်တော့်ဖြစ်တည်မှု၊ ကျွန်တော့် ချစ်ခြင်း မေတ္တာ ဒါ တွေအားလုံးအတွက် အကြီးမားဆုံး ဂုဏ်ယူစရာပါပဲ၊ကျွန်တော့်ကို ကျေးဇူးပြုပြီး အငှားကိုယ်၀န်ဆောင် ခွင့်ပြုပေးပါအန်ကယ် နဲ့အန်တီ"
ŞİMDİ OKUDUĞUN
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romantizm𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
