Unicode
ခြည်ပြန်လည်မွေးဖွားပြီးတဲ့နောက် ပထမဆုံးလုပ်တာက ဆေးရုံက ချက်ချင်းဆင်းပြီး သူ့ရဲ့မိဘနှစ်ပါးကို ခပ်မြန်မြန်လေးသွားတွေ့တာပါ။ခြည်အရင်ဘ၀က တက္ကသိုလ်စတက်တာနဲ့ အိမ်မှာမနေတော့ဘဲ ကျောင်းကအဆောင်မှာသာနေဖြစ်ခဲ့တယ်။အဲ့တာကလည်း သူ့ရဲ့ crush ကို ဇွဲကြီးကြီးနဲ့ လိုက်ဖို့အကြောင်းပြချက်နဲ့ပဲဖြစ်တယ်။တုံးလိုက်လေခြင်း ညီညာရိုးခြည် ရယ်လို့သာ အော်ဟစ်ပစ်လိုက်ချင်မိတော့တာပါပဲ။
ခြည်ရဲ့မိဘတွေမှာ သားသမီးက ခြည်တစ်ယောက်တည်းသာ။အတိတ်ဘ၀မှာ ခြည်ဟာ အသုံးမ၀င်တဲ့ ချစ်ခြင်းအတွက်နဲ့ အရာအားလုံးကိုလဲလှယ်ခဲ့ရတယ်။ဒါပေမယ့်လည်း သူ့အတွက်ဘာပြန်ရခဲ့သလဲ၊သူငယ်ချင်းနဲ့ရည်းစားရဲ့ ဖောက်ပြန်မှူတဲ့လား။ မတန်ပါ။လုံး၀မတန်ပါ။
ခြည်အိမ်တံခါးကနေအထဲကိုဖြည်းဖြည်းချင်း၀င်လာလိုက်တယ်။
ဧည့်ခန်းထဲမှာ ပါပါးနဲ့မာမားက လုပ်ငန်းကိစ္စအချို့နဲ့ ရှုပ်နေပုံရသည်။စာရွက်စာတမ်းကိုယ်စီဖြင့် ပါပါးကလည်းဖုန်းဆက်ကာ မျက်နှာတည်တင်းနေသည်။သူတို့က ခြည်ခြည့်အတွက် လိုလေသေးမရှိသော အမွေဥစ္စာများထားခဲ့ပေးချင်ကြသည်။တစ်ဦးတည်းသော သားလေးဖြစ်သော်ညား မိမိတို့ မိသားစုစီးပွားရေးကို စိတ်၀င်စားပုံမရလှသည်မို့ သူတို့ခေါင်းခဲရပါသော်လည်း ဤကလေးကို ဒုက္ခမပေးချင်သောကြောင့် သူတို့မရှိလျှင်အဆင်ပြေဖို့ရန်သာအားထုတ်ကြရတော့သည်။
"ပါပါး...မာမား"
ခြည်တောက်လျှောက် တမ်းတနေခဲ့မိသည့် အခေါ်အဝေါ်နှစ်ခု။အတိတ်မှာခြည်သေဆုံးသွားစဉ်က ရင်ကွဲမတတ်ငိုကျွေးကာသတိလစ်သွားခဲ့သည့်မာမားနှင့် လက်သီးကိုဆုပ်လိုက် ၊အံကိုကြိတ်လိုက်နှင့် ၀မ်းနည်းမှုကို ထိန်းချုပ်ထားခဲ့သည့်ပါပါး။ မိဘနှစ်ပါး၏ကြေကွဲမှုကို သူလုံး၀မမေ့။
"ခြည်ခြည် ၊ဘေဘီ ဘာလိုချင်လို့လဲပြောလေ"
ပါပါးနှင့်မာမားကဤသို့မိဘများပင်။သူတို့သားလေးဘာလိုအပ်လိုအပ်အစွမ်းကုန်ဖြည့်ဆည်းပေးမည်ဖြစ်ပြီး လိုလေသေးမရှိဟူသောစကားလုံးကိုဖော်ဆောင်နေကြသူများဖြစ်သည်။
YOU ARE READING
သတိရလာပြီးနောက်သူဌေးကြီးရဲ့ဒုတိယရင်သွေးကိုကိုယ်၀န်လွယ်ထားရတယ်
Romance🎶" If you break my heart , I'll go date your father. You gonna be my son, You go call me your mother"🎶 အမျိုးအစား - Rebirth, Revenge, Male-Preg, Comedy
