Unicode
"ညီညာရိုးခြည်ကို မင်းဘာတွေကြံစည်ခဲ့တာလဲ၊ ကောင်းကင်မြင့်မြတ်ဟိန်း"
ကောင်းကင်မြင့်မြတ်ဟိန်း သူ့ဒယ်ဒီရဲ့ အမေးကြောင့် အံ့အားသင့်သွားရသည်။သူ့ဘေးနားကဒယ်ဒီကသူ့ကိုကြည့်မလာပဲ အရှေ့သို့တည့်တည့်လျှောက်နေသည်။ ကောင်းကင်မြင့်မြတ်ဟိန်းကသာ ဒီအတိုင်းတုန်လှုပ်ကာ ရပ်တန့်သွားခဲ့တာဖြစ်သည်။
စတီဗင်ဟိန်း လမ်းလျှောက်နေတာကို ရပ်လိုက်ကာ ကောင်းကင်မြင့်မြတ်ဟိန်းကိုလှည့်ကြည့်လိုက်သည်။
"မင်း ငါ့ကိုဖြေရှင်းချက်ပေးဖို့လိုအပ်တယ်"
"ကျွန်တော် မလုပ် ..."
"ငါ့ကိုလိမ်တာကိုအမုန်းဆုံးပဲဆိုတာ မင်းသိတယ်မဟုတ်လား သား"
ဒယ်ဒီ့မျက်နှာကအားလုံးကိုသိပြီးတဲ့ပုံပင်။
သိပြီးတာတောင်ဘာလို့မေးနေရတာလဲဒယ်ဒီရာ။
"ကျွန်တော်လုပ်ခဲ့တာမဟုတ်ဘူးဒယ်ဒီ၊တည်တံ့တို့လုပ်ခဲ့တာ၊ ကျွန်တော့်ကိုယုံပေးပါ"
ကောင်းကင်ကဖခင်ဖြစ်သူကိုအသနားခံကြည့်လိုက်သည်။ငယ်ငယ်ကတည်းကနေအခုအသက်အရွယ်အထိ ဒယ်ဒီ့ထက် မာမီနဲ့ပဲ ပိုပြီးအနေနီးခဲ့ရလို့ ဒယ်ဒီ့ကိုမာမီ့ထက်စာရင်ကောင်းကင်ကြောက်သည်။ဒါပေမယ့် ကောင်းကင်က ဒယ်ဒီ့ရဲ့တစ်ဦးတည်းသောသား ၊ဒယ်ဒီ့အမွေတွေအားလုံးကိုဆက်ခံရမယ့် သူပဲလေ။ ဒယ်ဒီက သူစိမ်းတစ်ယောက်အတွက်နဲ့ သူ့ကိုထွေထွေထူးထူး အပြစ်ယူမှာမဟုတ်ဘူးလို့ ကောင်းကင်ယုံကြည်သည်။ ဒယ်ဒီက သူ့ကို စိတ်ဓာတ်ကျန်းမာကြံ့ခိုင်ပြီး ဒီလိုဆေးကိစ္စနဲ့ ရုံးရောက်ဂတ်ရောက်တာမျိုးမဖြစ်စေချင်လို့သာဖြစ်ရမည်။
စတီဗင်ဟိန်းက ကောင်းကင်ကို စိုက်ကြည့်နေပြီး နှုတ်ခမ်းတို့က တည်တင်းနေသည်။၎င်းရဲ့အတွင်းစိတ်ကို ခန့်မှန်းဖို့ရာမည်သူမျှတတ်နိုင်မှာမဟုတ်ပေ။
စတီဗင်ဟိန်းလက်သီးဆုပ်ကာ စကားတစ်ခွန်းကိုမဖြစ်မနေပြောလိုက်သည်။
"ညီညာရိုးခြည်ကို အခုကစပြီးထိဖို့မကြိုးစားနဲ့တော့"
"ဘာဖြစ်လို့လဲ ဒယ်ဒီ၊ သူ့ကိုကျွန်တော်ကဘာဖြစ်လို့ ထိလို့မရ ရတာလဲ၊ ကျွန်တော် သူ့ကိုမုန်းတယ်ဒယ်ဒီ"
CZYTASZ
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romans𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
