သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်

AFTER REBIRTH [ EPISODE 31 ]

Unicode

"ငါ့ကိုဘာကိစ္စလူမိုက်ငှားနေရတာလဲ၊နင်တို့ဘာသာလုပ်လိုက်ရင်လည်းရနေတာပဲမဟုတ်ဘူးလား၊ ဘာလဲ ငါကထောင်ထဲရောက်နေတယ်ဆိုပြီး မထူးဇာတ်ခင်း ဘ၀ပျက်ခံမယ်ထင်နေတာလား"

နိုရာမျဉ်းပြိုင်က ထောင်ဒဏ်တစ်နှစ်ကျနေရတာဖြစ်ပေမယ့် အကျဉ်းသား၀တ်စုံ၀တ်ထားတာကလွဲရင် သူ့ပုံစံက အရင်အတိုင်းပါပဲ။ အသားအရေလည်းကောင်းနေတယ်။မျက်နှာကလည်း စကင်းကဲတွေသုံးထားတဲ့အတိုင်း ကြည်လင်လို့။ သူကထောင်ကျနေတဲ့သူဟုတ်ရဲ့လားလို့တောင် မီမီကျော်ခိုင် သံသယ၀င်မိပါရဲ့။

"နင်ပြောချင်တာတွေလျှောက်ပြောမနေနဲ့၊ ဆရာကြီးပြောတဲ့လိုအပ်ချက်တွေနဲ့အကိုက်ညီဆုံးကနင်ပဲမလို့ နင့်ကို အကူအညီလာတောင်းတာ၊ နင်မကူညီချင်လည်းနေ၊ ရတယ်၊ လာ တည်တံ့၊ ပြန်ကြမယ်၊ ထောင်စော်နံလို့ ကံနိမ့်တယ်"

နိုရာကဘာမှပြန်မပြောဘဲ ဒီအတိုင်းသာ ထိုင်ခုံမှာ ရပ်ကြည့်နေသည်။ ဒီနှစ်ယောက်ကလူမိုက်ငှားပြီး သူ့လက်နဲ့ လူသတ်စေချင်တာအသိသာကြီး။ကိစ္စကအချွတ်အချော်ဖြစ်သွားတာနဲ့ သူ့ဘ၀ဟာ ဒီအထဲကနေကို ထွက်ရမှာမဟုတ်။ အဲ့ဒီနှစ်ယောက်ကရော သူ့ကိုကယ်တင်ပေးမတဲ့လား။ ဝေးသေး။

မီမီကျော်ခိုင်က ဇတ်တောက်ဇတ်တောက်နဲ့ အခန်းအပြင်ကို ထွက်သွားတော့သည်။ အစပိုင်းမှာ တည်တံ့လည်း မီမီနဲ့ အတူတူ လိုက်သွားမလို့ပေမယ့် တစ်ခုစဉ်းစားမိပြီးနောက် ပြန်ထိုင်ကာ နိုရာမျဉ်းပြိုင်ကို အကဲခတ်လိုက်သည်။

"သူက ကောင်းကင်ရဲ့ ပထွေး ဖြစ်လာရုံနဲ့ပြီးသွားမယ်ထင်နေတာဆိုရင်တော့ မှားသွားလိမ့်မယ်။ GW ,YOE YAR အစုအဖွဲ့ နှစ်ခုက တစ်ခုချင်းစီအင်အားကတောင် မသေးတာ သူက ကောင်းကင်ရဲ့အဖေကိုလက်ထပ်ပြီးတဲ့အခါ ကောင်းကင်ရော မင်းရော ကိုအလွတ်ပေးမယ်ထင်နေသလား"

တည်တံ့သူ့အိတ်ထဲမှာ ဝှက်ပြီးယူလာခဲ့တဲ့ စာရွက်ဖြူလေးကို နိုရာ့လက်ထဲကိုထည့်ပေးလိုက်သည်။

"သေချာစဉ်းစားပါ၊ ‌ဆုံးဖြတ်ချက် မမှားစေနဲ့၊"

တည်တံ့ရဲ့ စကားတွေကြောင့် နိုရာ့စိတ်အစဉ်ဟာ တုန်လှုပ်လို့သွားခဲ့ရသည်။နိုရာ ငယ်ငယ်ကတည်းအနေ အခုထက်ထိ ညီညာရိုးခြည်နဲ့ နူးညံ့ထူးနိုင်တို့အပေါ် လုံး၀သဘောမကျခဲ့ပေမယ့် အဲ့ဒီသဘောမကျမှုကို သိသာမြင်သာအောင် ထုတ်ပြတာမျိုးလုံး၀မလုပ်ခဲ့။ ဒါပေမယ့် ဘယ်သူကသိမှာလဲ နှစ်ရှည်လများ ဘူမသိကိုးမသိ ဖြစ်နေတဲ့ နှစ်ယောက်က သူ့ကို ဝိုင်းပြီး ချောက်ချခဲ့ကြတာ။