UNICODE
"သား မာမားသားလေး မားတော့ဘယ်လိုဖြေသိမ့်ရပါ့မလဲကွယ်၊မားကို ထကြည့်ပါဦး သားရဲ့ "
ဘေဘီမင်းခင် သားဖြစ်သူကို ကြည့်ကာ ရင်ထဲမချိ။
သားအကြိုက်ဆုံးပန်းရောင်ရှပ်အင်္ကျီနဲ့ကချင်ပုဆိုးလေးကို သူ့ပါပါးတို့က လဲထားပေးထားသည်။
ဒါကသားရဲ့ဒီဘ၀အတွက် နောက်ဆုံးခရီးကို ဘေဘီမင်းခင် လိုက်ပို့ရခြင်းဖြစ်သည်။သားအတွက် ကျောင်းသွားကျောင်းပြန်တောင် ဘေဘီမင်းခင် ခမျာ ကားလေးနဲ့ ၀အောင်မပို့လိုက်ရသေးခင် သားငယ်က သူမတို့ကိုထားသွားခဲ့ပြီ။
"မာမားရဲ့ သားလေး ၊ ခြည်ခြည်..... အခုမှ ငါ့သားလေးကအသက်ငယ်ငယ်လေးပဲရှိသေးတာလေ၊ငါ့သားလေးကို မခေါ်သွားကြပါနဲ့၊ သားနေရာမှာငါရှိနေရမှာပါ၊အို... သေမင်းရယ် ငါ့ကိုပဲခေါ်သွားလိုက်ပါတော့လား"
ဘေဘီမင်းခင် သားဖြစ်သူရဲ့အေးစက်နေတဲ့ လက်ကလေးတွေကို ဆုပ်ကိုင်လို့ အော်အော်ငိုသည်။
မဟာကျောင်းတာ၀န်ခံ၊ ဒုကျောင်းအုပ် တီချယ်နှင့် မဟာမှ ကျောင်းသားများလည်းရောက်နေကြပြီး အားလုံးက နှာခေါင်းတစ်ရှုံ့ရှုံ့ ခေါင်းတငုံ့ငုံ့နှင့်မည်သူမျှ မျက်နှာမကောင်းကြ။
ထို့နောက် မဟာကျောင်း ဘာသာပြ ဆရာမတစ်ယောက်က ရှေ့ကိုထွက်လာခဲ့ပြီး ခြည့်အလောင်းရဲ့ အနားမှနေ၍အမိန့်ပြန်တမ်းကိုထုတ်ပြန်ပေးသည်။
"ကျောင်းသား ညီညာရိုးခြည်သည် Xxxx နေ့ တွင် ကိုးဆယ့်ခြောက်ပါး ရောဂါဖြင့် ကွယ်လွန် အနိစ္စရောက်ခဲ့ပြီဖြစ်သဖြင့် သင်သည် မဟာ ကိုယ်ပိုင်တက္ကသိုလ်နှင့်လုံး၀မသက်ဆိုင်တော့ကြောင်းကြေငြာလိုက်သည်၊ယခုအချိန်မှစ၍ မဟာကျောင်းပရဝုဏ်ရှိအဆောင်များအားလုံးသို့သင့်အနေနှင့်လာစရာမလိုအပ်တော့ပါ။ သင်သွားလိုရာသွားနိုင်ပါပြီ"
ရိန်မိုးနှင့် ရိန်းတို့နှစ်ယောက်က အချင်းချင်းဖက်ကာငိုနေခဲ့ကြသည်။
၀ဿန်လုလင်မှာမူ လူအုပ်ကြားထဲမှနေ၍ ခြည်ခြည့်အလောင်းလေးကိုလှမ်းကြည့်ကာ ယုံတစ်၀က်မယုံတစ်၀က်ဖြစ်နေဆဲ။ ချစ်ရသူက မမြင်ရတဲ့လပိုင်းအတွင်းပိန်ကျသွားပေမယ့် သူ့မျက်လုံးထဲမှာတော့ယခင်အတိုင်း ချစ်စရာကောင်းနေဆဲပါ။ ဒါပေမယ့် ခြည်ခြည့်မျက်လုံးတို့ကပိတ်ကျနေခဲ့ပြီး လဲလျောင်းနေတဲ့ ခန္ဓာကိုယ်လေးက လှုပ်ရှားမှုတို့ နတ္ထိ။
ČTEŠ
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
