Unicode
ကိုကောင်းတိုးစံရဲ့ မွေးနေ့မတိုင်မီညက ကောင်းကင်မြင့်မြတ်ဟိန်းတစ်ယောက် ဖုန်းအစိမ်းတစ်လုံးနဲ့ ခြည်ခြည့်ဆီကိုဖုန်းခေါ်လာသည်။
ခြည် ကောင်းကင်မြင့်မြတ်ဟိန်းရဲ့ ဖုန်းနံပါတ်၊ social acc တွေအပြင် Telegram အကောင့်တွေအကုန်လုံးကိုပါဘလော့ထားခဲ့ပြီးတာကြာတောင်ကြာနေပြီ။ ကြည့်ရတာ ကောင်းကင်မြင့်မြတ်ဟိန်းက သူဘလော့ခံထားရတာကိုသိသွားတာနဲ့ ဖုန်းနံပါတ်အစိမ်းတစ်ခုနဲ့ ခေါ်တဲ့ပုံပင်။
ခြည်လည်းဘယ်သူမှန်းမသိတာနဲ့ကိုင်မိလိုက်တာဖြစ်ပြီး တစ်ကယ်လို့ ကောင်းကင်မြင့်မြတ်ဟိန်းမှန်းသာသိခဲ့ရင် ဖုန်းကိုင်ဖြစ်မှာမဟုတ်ပါ။
"ညီညာရိုးခြည် ငါပါ ကောင်းကင်မြင့်မြတ်ဟိန်း"
"ဘာပြောစရာရှိလို့လဲ၊"
"မင်း နိုရာ့ကိုတစ်ကယ်ပဲခွင့်မလွှတ်ပေးတော့ဘူးလား"
"ငါဖုန်းချလိုက်တော့မယ်"
မတိုင်ခင်နေ့မှာ အဆဲခံနေခဲ့ရတာက ညီညာရိုးခြည်ဖြစ်ပြီး လုပ်ကြံခံရတဲ့အမှုကတောင် ဖုံးဖိခံရဖို့ဖြစ်နေခဲ့တာ။ အဲ့ဒါတွေကိုတော့ မမြင်နိုင်ဘဲနဲ့ နိုရာ့ကို ခွင့်လွှတ်ဖို့အကြောင်းလာပြောနေတဲ့ ကောင်းကင်မြင့်မြတ်ဟိန်းက အရင်ဘ၀ကလိုပဲ အံ့ဩစရာကောင်းလောက်အောင် ကို ဦးနှောက်မပါတဲ့အကောင်ပင်။
"နေပါဦး၊ မင်းမဖြေချင်လည်းထားပါ၊ ငါမင်းကို ငါ့မွေးနေ့ပွဲကိုလာစေချင်တယ်၊ တနင်္လာနေ့ည၇နာရီခွဲမှာစမှာ။မင်းဘက်ကစိတ်ရှင်းရှင်းနဲ့လာလို့ရတယ်။ ငါ... မင်းနဲ့ငါ့ကြားထဲကပြဿနာတွေကို သင်ပုန်းချေချင်တယ်၊ ငါ့ကိုမုန်းမနေစေချင်ဘူး"
မုန်းမနေစေချင်ဘူး၊ သင်ပုန်းချေချင်တယ်။ဟုတ်လား။ငါ့ဘ၀တစ်ခုလုံးကိုမင်းတို့နှစ်ယောက် စုတ်ပြတ်သတ်နေအောင်ချနင်းခဲ့ပြီး အသေသတ်ခဲ့တာကို ငါကခွင့်လွှတ်ပေးရမယ်ပေါ့လေ။
ဆုတောင်းလိုက် !
ဗုဒ္ဓမြတ်စွာတောင် သည်းမခံနိုင်လို့ နိဗ္ဗာန်ကိုစောစောကြွသွားဖို့ရှိမယ်။ မင်းကိုခွင့်လွှတ်ဖို့ကတော့ ဒီဘ၀မှာ လုံး၀ မရှိစေရ။
VOUS LISEZ
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
