Unicode
"အများကြီးလွမ်းနေခဲ့တာ သိရဲ့လား၊ ငါမင်းနောက်ကိုလိုက်ဖို့တောင်စိတ်ကူးနေခဲ့တာ သူငယ်ချင်းရဲ့၊ ဖေနဲ့မေသာအနားမှာ မရှိခဲ့ရင် ငါတစ်ကယ် လိုက်လာခဲ့မိတော့မှာ "
နူးညံ့က မျက်ရည်အဝိုင်းသားဖြင့် ခြည့်ကို ဖက်ပြီးငိုသည်။ဒီလ တွေမှာ နူးညံ့ တောင့်ခံခဲ့ပေမယ့် " သေသောသူ ကြာရင်မေ့ " ဟူသည့်အတန်းအစားထဲတွင် ခြည်ခြည် မပါခဲ့ပေ။နူးညံ့ နေ့စဉ်ရက်ဆက် ခြည့်ကိုသာ လွမ်းဆွတ်နေခဲ့ရသည်။
အတက် ရောဂါ ကြောင့် စိတ်ကိုမနည်းထိန်းကာ ရပ်တည်ခဲ့ရပေမယ့် ခြည်ခြည် ဟူသည် နူးညံ့ဘ၀အပေါ် အများဆုံး လွှမ်းမိုးခဲ့သည့် သူငယ်ချင်းမဟုတ်ပါသလား။
ခြည်နဲ့အတူစားခဲ့တဲ့နေရာ၊ ခြည်နဲ့ အတူသွားခဲ့တဲ့နေရာ၊ ခြည်နဲ့အတူသွားခဲ့ကြတဲ့အချိန် စသည်ဖြင့် ခြည်ကို တမ်းတစရာတွေကများပြားလှသည်။
နူးညံ့ ထူးနိုင်ရဲ့ဘ၀မှာ ညီညာရိုးခြည်ဟာ ဘယ်လိုလုပ်ပြီးလွယ်လွယ်ကူကူ မေ့ပျောက်လို့ရနိုင်ပါ့မလဲ။
"နူးညံ့ရယ် မငိုပါနဲ့နော်၊ ငါအခုပြန်လာပြီလေ၊ ကျန်းကျန်းမာမာနဲ့ ငါတို့တွေ အကြာကြီး အကြာကြီး ရှေ့ဆက်ပြီး အတူရှိသွားကြမယ်လေနော် ..."
"အင်း တစ်ဘ၀လုံးအတွက်အချစ်ဆုံး သူငယ်ချင်းနော် "
"ကတိပေးတယ်၊ တစ်ဘ၀လုံး အတွက် အချစ်ဆုံးသူငယ်ချင်း "
ခြည် နူးညံ့ကို တင်းတင်းကြပ်ကြပ် ပွေ့ဖက်ပစ်ခဲ့သည်။ နှစ်ဘ၀လုံးမှာ နူးညံ့ထူးနိုင်ဟာ ခြည့်အတွက် အကောင်းဆုံး သူငယ်ချင်းကောင်းဖြစ်နေဆဲပါပဲ။ခြည် တန်ဖိုးထားရမှာပေါ့။
ကိုယ် ဒုက္ခရောက်နေတဲ့ အချိန်မှာ မိတ်ဆွေ အတုအစစ်ကို ပိုပြီး ခွဲခြားရလွယ်ပါသတဲ့။ ခြည် ဒုက္ခရောက်ချိန်မှာ အသက်နဲ့လဲပြီး ကူညီပေးခဲ့တဲ့ နူးညံ့ကိုမှ ခြည် တန်ဖိုးမထားရင်ဘယ်သူငယ်ချင်းကို တန်ဖိုးထားရပါ့မလဲနော်။
"ပြောပြရဦးမယ် သိလား၊ ငါ့ကလေးလေး ကလေ ငါ့အသံလည်း ကြားရော အထူးရဲ့ ဗိုက်ထဲကနေ ကန်ပြနေတာရော် ၊ တစ်ကယ်ကြီး မိုက်တာနော် !!"
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
