သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်

| Steven Hein |

Unicode

Since 11.4.1982 ,
Today is His Birthday.

၁၉၈၂ ခုနစ် ဧပြီလ ၁၁ ရက်နေ့ရဲ့ ညချမ်းချိန်ခါ ၊ ဗဟိုစစ်ဆေးရုံကြီး ၊ ပင်မဆောင် ခွဲခန်းအတွင်းမှာ မိခင်ဖြစ်သူ ဗိုလ်မှူးချုပ် နမ့်ခမ်းဟွမ် မှ သားရတနာ တစ်ဦး ဖွားမြင်ခဲ့ပါတယ်။

ကလေးလေးသည် မွေးဖွားစဉ်က ကိုးပေါင်ခန့်ရှိပြီး အတော်လေးထွားကာ ကျန်းမာကြံ့ခိုင်လှသည်။ ၎င်း၏ ငိုသံက ကျယ်လောင်လှသဖြင့် ခွဲခန်းအပြင်မှ ဖခင် ဗိုလ်ချုပ်ကြီး စတီဗင် နှင့် စစ်အရာရှိတစ်သိုက် တို့ကို ပါအံ့ဩသွားစေခဲ့သည်။

ထိုစဉ်က ဗိုလ်ချုပ်ကြီးက ၀မ်းသာအားရဖြင့်

"ငါ့သားငိုသံက ဟိန်းနေတာပဲ၊ ဒီကောင် အတော်ထွန်းပေါက်မယ့်ကောင်ကွ၊" ဟုဘေးမှ အပေါင်းအပါများကို ဆိုခဲ့သေးသည်။

နာမည်ပေးရာ၌ ဇနီးမောင်နှံနှစ်ဦးစလုံးက "စတီဗင်ဟိန်း" ဟူသည့် နာမည်ကို သဘောတူနှစ်ခြိုက်လို့ အမည်ပေးမည်ဆုံးဖြတ်ခဲ့ကြသည်။

စတီဗင်ရဲ့ သားက စတီဗင်ဟိန်း ဖြစ်ရမပေါ့ ရယ် လို့တွေးဆထားခဲ့ကြပေမယ့် အခြေအနေတစ်ရပ်ကရှိနေပြန်သည်။

နမ့်ခမ်းဟွမ် ၏ မိဘများဖြစ်သည့် စိုင်း၀င်းအောင် နှင့် နမ့်နှင်းမူ တို့က သူမတို့၏ မြေးဦးကို နာမည်အပြီးစလွယ်မပေးနိုင်။ သူမတို့သေချာတွက်ချက်ပေးမည်ဟုဆိုကာ "အဲဗရီးသင်း ဋီကာဟိန်း" ဟူသည့် ရှည်လျားထွေပြားသည့် ခုနစ်လုံးတွဲ နာမည်ကြီးကို ပေးသွားခဲ့ကြသည်။

ကလေးဖြစ်သူမှာ အထက်တန်းပြီးဆုံးသည်အထိ အနှီ လေကုန်အာညောင်းဖွယ်ရာ နာမည်ကြီးဖြင့် နေခဲ့ရပါသော်လည်း ဘိုးတော်နှင့် ဘွားတော် ရှေ့ဆင့်နောက်ဆင့် ဆုံးပါးသွားပြီးချိန် တစ်နှစ်ကျော်အကြာတွင် "စတီဗင်ဟိန်း" ဟူသည့် မွေးသမိခင် မွေးသဖခင် တို့ ပေးထားသည့် နာမည်ကို ကျေကျေနပ်နပ်ပြီးပြန်ပြောင်းခဲ့ပါတော့သည်။