Recommended Song For This Part
အချစ် သို့မဟုတ် ရှုံးနိမ့်ခြင်း
By Sai Sai Kham Leng, Nge Nge
Unicode
"နေ့လည်ကပြောတဲ့ အဘိုးကြီးဆိုတာသူလား"
"မဟုတ်ပါဘူး"
မသိနားမလည်တဲ့ကောင်လေးဆိုပြီးနှပ်ချလို့ရတဲ့အထဲမှာ နူးညံ့ထူးနိုင်မပါ။အရိပ်အကဲနဲ့တင် ဆက်စပ်တွေးခေါ်တတ်နေပြီဖြစ်တဲ့ နူးညံ့ရယ်ပါ။
"ကြည့်စမ်း ကြည့်စမ်း၊ ချက်ချင်းငြင်း နေတာဆိုတော့ အဲ့ဒီအဘိုးကြီးပဲဖြစ်ရမယ်၊ညီညာရိုးခြည် ပြောစမ်း အခုချက်ချင်း၊ ဘယ်ဂျောင်းကြိုဂျောင်ကြားက ဘိုးကြီးအိုက ဘိုးဘွားရိပ်ကိုမသွားဘဲ ငါ့သူငယ်ချင်း ..."
ခြည်လက်တစ်ဖက်ဖြင့်နူးညံ့ ပါးစပ်ကိုအမြန်ပိတ်ကာ တစ်ဖက်ကလည်း တိတ်တိတ်နေဖို့အမူအယာပြလိုက်ရသည်။ရှေ့မှာ ဦးနိုင်တစ်ယောက်လုံးရှိနေတာဖြစ်လို့ တစ်ခုခုဆို ပါးနဲ့မားဆီရောက်သွားနိုင်သည်။ပြဿနာကြုံခဲ့ရဖူးပြီမလို့ ပါးနဲ့မား ကခြည့်ကို သိပ်စိတ်ပူကြသည်။ဖြစ်နိုင်ရင် အပြင်ကိုတောင်မလွှတ်ချင်ဘဲ အိမ်ထဲမှာပဲ ထားချင်သည်ဟု မားကဖွင့်ဟဖူးသည်။
"မားမှာ သားသမီးဆိုလို့ ခြည်ခြည်ပဲရှိတာ၊ ဘေဘီသာတစ်ခုခုဖြစ်သွားရင် မားတော့ဘယ်လိုလုပ်လို့မှ ဖြေဆည်နိုင်မှာမဟုတ်ဘူး၊ ခြည် ဘေဘီလေး ကိုယ့်ကိုယ်တိုင်အတွက်ရော မားတို့အတွက်ရော ဂရုစိုက်ရမယ်နော်"
မာမားရဲ့မျက်၀န်းတို့ကမျက်ရည်ကြည်တွေဝေ့ဝဲလို့ နှာခေါင်းတရှုံ့ရှုံ့ဖြစ်နေခဲ့သည်။ မားရဲ့ ပူဆွေးသောကရောက်နေရှာတဲ့ ငိုမလို မျက်နှာလှလှလေးကိုမြင်တွေ့လိုက်တဲ့ခဏ ခြည့်ရင်တွေအောင့်ခနဲဖြစ်ရပါသည်။ ပြန်မမွေးဖွားခင် ခြည့်အလောင်းကို မားတို့တွေ့ခဲ့ကြတုန်းက ပါးနဲ့မားရဲ့ ရူးမတတ်ကြေကွဲခံစားနေရတာတွေကို ခြည်မြင်ခဲ့ပြီး မိဘတွေကို မထိနိုင် မတွေ့နိုင် ဝိညာဉ်ဘ၀နဲ့ ခံစားခဲ့ရပြီးပြီ။ ယခုဘ၀မှာတော့ အဲ့ဒီလိုထပ်ပြီးအဖြစ်ခံမှာမဟုတ်တော့။
"ရှူး တိုးတိုးနေ၊"
ခြည် ကားမောင်းနေတဲ့ဦးနိုင်ဆီမေးငေါ့ပြရင်းသတိပေးလိုက်ရသည်။
YOU ARE READING
သတိရလာပြီးနောက်သူဌေးကြီးရဲ့ဒုတိယရင်သွေးကိုကိုယ်၀န်လွယ်ထားရတယ်
Romance🎶" If you break my heart , I'll go date your father. You gonna be my son, You go call me your mother"🎶 အမျိုးအစား - Rebirth, Revenge, Male-Preg, Comedy
