Unicode
"ဒီလိုဆိုရင် ခြည်ခြည့်ကို ကံတရားကတော်တော်လေးမျက်နှာသာပေးခဲ့တာလို့ပြောရမယ်နော် "
ဒေါ်မာလာက အံ့သြတကြီးဆိုသည်။
သူမက ချဉ်ပေါင်ရွက်သင်နေတာဖြစ်ပြီး ဒေါ်ဘေဘီမင်းခင်က လက်ဖက်သုပ်လေးစား၊ အထူးက နွားနို့သောက်လို့ သုံးယောက်သား အဖွဲ့ကျ နေကြတာဖြစ်သည်။
"ဟုတ်တယ် မမာလာ၊ဖြစ်ပုံက ရယ်စရာကောင်းပေမယ့်ကိုယ့်သားကလေးဆိုတော့ရယ်လည်းမရယ်ရက်ပါဘူး"
"တစ်ကယ်ကိုတော်သေးတာပေါ့၊ ခြည်ခြည် ရောက်ရောက်ချင်းကျနော့်ကို စကားစပြောတော့ အန်တီ တို့တွေအားလုံး မျက်နှာတစ်မျိုးကြီးတွေဖြစ်ကုန်ကြတော့ ထူးဆန်းပါတယ်မှတ်နေတာ "
အထူးတစ်ယောက် နွားနို့တစ်ခွက်ကို နှာခေါင်းပိတ်သောက်ရင်း မှတ်ချက်ပြုလိုက်သည်။
သူတို့က ခြည်ခြည် စကားမပြောနိုင်ရာကနေ ဘယ်လိုဖြစ်ပြီး စကားပြောနိုင်သွားရတာလဲဆိုတာကို ဆွေးနွေးနေကြတာဖြစ်သည်။
"ဟုတ်တယ်၊ ခြည်ခြည့်မှာ စိုးရိမ်စိတ်ကြီးနေခဲ့တာရှိခဲ့တယ်လေ၊ သူ့ ကလေးလေးမွေးလာတဲ့အခါ သူကစကားမပြောနိုင်ဘဲ ကလေးကို မျက်နှာချင်းဆိုင်ရမှာ စိတ်အားငယ်နေရှာတာ"
"အမလေး ဘုရားမလို့ပေါ့ မခင်ရယ်၊နောက်ပြီး အဲဒီစတီဗင်ဟိန်းက စေ့စပ်ပွဲမတိုင်ခင်က အချိုးမပြေလောက်ဖူးလို့ထင်ထားခဲ့ပေမယ့် သူကခြည့်ကိုချစ်ပေးပြီး ဂရုစိုက်ပေးခဲ့တာ၊ ခြည်ဆေးရုံတက်တဲ့ကာလနဲ့ အခုတောက်လျှောက် ခြည်ကလေးမရှိတော့ဘူးလို့ ထင်ခဲ့တာတောင်မှ ဒီအိမ်ကို အလာမပျက်ခဲ့ဘူးလေ "
"အဲ့ဒါကတော့ ကျနော့်ဗိုက်ထဲမှာ သူ့ကလေးရှိနေတာကို တီတီရဲ့၊ သူ့သွေးသားရင်းကိုလက်မလွှတ်ချင်တာနေမှာပေါ့ "
အထူးက စတီဗင်ဟိန်းကို မုန်းတယ်တော့မဟုတ်ပေမယ့်ကြည့်လို့ရှူလို့ အဆင်ပြေနေတာမဟုတ်ပေ။ အမြင်ကပ်ရှိရင်းစွဲစိတ်ကိုဖျောက်ဖျက်လို့မရတာမို့ အထူးကတော့ ပိုပိုသာသာလေး ဖိပြောလိုက်သည်။
"ဖြစ်နိုင်တယ်၊ သူ့ပထမသားက အက်ဆီးဒန့် အကြီးအကျယ်ဖြစ်ပြီး ခြေထောက်မသန်တော့ဘူးတဲ့လေ "
VOCÊ ESTÁ LENDO
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
