Unicode
"အကို... နိုရာတို့ဘယ်လိုလုပ်ကြမလဲဟင်၊ ခြည် ... သူသေသွားပြီဆိုတော့ သူ့ပိုင်ဆိုင်မှူတွေက..."
နိုရာ မျက်စိပျက်မျက်နှာပျက်ဖြင့် အနောက်ကိုဆုတ်ကာ ကောင်းကင် လက်ကို လည်း အထိတ်တလန့်ဖြင့် ဆုပ်ကိုင်ထားသည်။
"အင်း ဟုတ်တယ်၊ ညီညာရိုးခြည် ကသေသွားပြီ၊ သူ့ကိုဘယ်သူမှ ရှာတွေ့မှာမဟုတ်သလို ဘယ်သူကမှလည်း သူ့ကိုသတိရမှာမဟုတ်ဘူး နိုရာ ၊ အကိုပြောတာကို သဘောပေါက်လား၊ သူသေသွားပြီဒါပေမယ့် နိုရာ့စိတ်ထဲမှာပဲထားပါ၊ သူ့ပိုင်ဆိုင်မှူတွေ အကို့လက်ထဲ မလွှဲပြောင်းခင်အထိပေါ့"
"အကို ..."
"ဒီကမ္ဘာမှာ ညီညာရိုးခြည် ကို အမှတ်တရရှိတဲ့သူက သူ့အဖေ၊အမေ နဲ့ နူးညံ့ ထူးနိုင် ဆိုတဲ့ ကောင်လေးကလွဲပြီး မရှိဘူး၊ သူ့အဖေနဲ့ အမေ ကို အကိုတို့ မကြာခင် အဆုံးသတ်လိုက်နိုင်တော့မှာ၊ နူးညံ့ထူးနိုင် ဆိုတဲ့ဟာလေးကိုတော့ ကောင်းတိုးစံက ကာကွယ်ပေးထားပေမယ့် မကြာခင်မှာ ဖြေရှင်းနိုင်သွားမှာပါ"
"ဒါဆိုရင် အကို... နိုရာတို့ ညီညာရိုးခြည် ကို ရော သူနဲ့ပတ်သက်ရာ ပတ်သက်ကြောင်းတွေကိုပါ ဒီလောကကြီးကနေ ဖယ်ရှားပစ်နိုင်တော့မှာပေါ့နော် အကို !!"
နိုရာ မျက်ရည်တွေကို သုတ်လို့ ကောင်းကင်မြင့်မြတ်ဟိန်း ကို ဖက်လိုက်သည်။
"ဒါပေါ့ ၊ အဆုံးသတ်မှာ အရာရာဟာ အကိုတို့လက်ထဲကိုအကုန်ရောက်လာတော့မှာ"
"နိုရာတို့ အဲ့ဒီအခါကျ တရား၀င် လက်ထပ်လို့ ရပြီပေါ့နော် အကို"
"ရပြီပေါ့ နိုရာလေးရ "
ကောင်းကင် ဟွန်းခနဲရယ်ကာ လက်မှာ စင်နေတဲ့ သွေးတွေကို ဘောင်းဘီမှာ သုတ်လို့ ဘောင်းဘီ အိတ်ကပ်ထဲက စီးကရက်နဲ့ မီးခြစ်ကိုထုတ်ပြီး မီးညှိလိုက်သည်။
နှုတ်ခမ်းနားတေ့လို့ ဖွာလိုက်တဲ့ စီးကရက်ကနေ မှုတ်ထုတ်လိုက်တဲ့အခိုးအငွေ့ တွေက အခန်းထဲမှာ ဦးတည်ရာမဲ့ ပျံ့လွင့်နေပြီး နိုရာ က၎င်းအငွေ့ တွေကို ရစ်မူးစွာ ရှူရှိုက်လို့ ကောင်းကင်မြင့်မြတ်ဟိန်းရဲ့ လည်ပင်းကို ဖက်တွယ်ပစ်လိုက်သည်။
VOCÊ ESTÁ LENDO
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
