သတိရလာပြီးနောက်သူဌေးကြီးရဲ့ဒုတိယရင်သွေးကိုကိုယ်၀န်လွယ်ထားရတယ်

AFTER REBIRTH [ EPISODE 6 ]

( Recommend Song For This Part - It's Ok )

[ AN - EPISODE 6 အပိုင်းအကုန်ဖတ်ပြီးမှသီချင်းကိုနားထောင်ပေးပါ။ ]

Unicode

" ညီညာရိုးခြည်၊အဘ ဦးရိုးရာ
မွေးသက္ကရာဇ် xx xx 2004 "

ဦးရိုးရာဆိုတော့ တစ်ကယ်ပဲ YOE YAR GROUP က ဦးရိုးရာဖြစ်နေတာပဲ။ချာတိတ်ကသူ့ကိုမှတ်ပုံတင်လေးပြကာ အထက်တန်းကျောင်းသားမဟုတ်ကြောင်းအသဲအသန်ငြင်းခဲ့သည်။သူက မှတ်ပုံတင်မှာပါတဲ့ ဦးရိုးရာ ဆိုတာကို သေချာခေါင်းထဲမထည့်မိခဲ့ခြင်း။

ချာတိတ်တစ်‌ယောက် အထက်တန်းကျောင်းသားလေးတစ်ယောက်လို နူးညံ့ပြီး ညင်သာနေတာ အံ့ဩစရာမလိုတော့။တစ်ကယ်တော့ ချာတိတ်ကထိပ်တန်း ရွှေမင်းသားလေးဖြစ်နေတာပဲ။

စတီဗင်ဟိန်းကခပ်ရွဲ့ရွဲ့လေးပြုံးကာ စံဖြိုးသားကတော့ အပြုံးကြီးကြီးဖြင့် လေချိုသွေးသည်။

"ကိစ္စမရှိပါဘူးဗျာ၊ကိုရိုးရာရဲ့သားဆိုမှတော့ ကျွန်တော်တို့က ပိုလို့တောင်ဂရုစိုက်ပေးရဦးမှာပါ"

"ဟုတ်တယ် ဟုတ်တယ် ကိုရိုးရာနဲ့ အမခင် တို့ရဲ့သားလေးကို မမြင်ဖူးလို့ တွေ့ချင်နေကြတာ၊အခုလိုဖြစ်သွားတော့ကောင်းလိုက်တာ ကျွန်မတို့လည်း မြင်ဖူးသွားတာပေါ့"

"တစ်ကယ့်ကို အံ့ဩစရာပဲ၊ စီးပွားရေးလောကရဲ့ထိပ်တန်း အဖွဲ့အစည်းက ဆက်ခံသူတွေကို တစ်စုတစ်စည်းတည်းမြင်တွေ့ရတော့မယ်"

"ကြားဖူးတာက ကိုရိုးရာတို့ရဲ့သားလေးက Low-key နေတတ်တဲ့ကလေးတဲ့၊ အခုအသက်အရွယ်အထိဘာသတင်းမှလည်းမကြားဖူးသေးသလို၊ ဦးရိုးရာရဲ့လုပ်ငန်းတွေမှာလည်း ဆက်ခံတာကိုမမြင်ဖူးသေးဘူးရယ်"

"ဟယ် ဟုတ်ရဲ့လား နီနီရယ် ၊ဦးရိုးရာရဲ့လုပ်ငန်းတွေကအများသား၊ သူကိုယ်တိုင်မှမကူရင်ဘယ်သူကကူမှာတဲ့လဲ၊ သားလေးကလည်းတစ်ယောက်တည်းရှိတာကို"

ဟန်နီကျော်နိုင်က အမျိုးသားဖြစ်သူကိုမျက်ခုံးပင့်ပြလိုက်သည်။အစပိုင်းကတော့ ခြည်ခြည့်ရဲ့ profile ကိုမသိကြတဲ့သူတွေက ခြည့်ခြည့်ကို သာမန်ကလေးလို့သာထင်သွားကြပြီးအာရုံမစိုက်ကြ။အခုများကြတော့ ကြည့်လိုက်ပါဦး၊အာဘောင်အာရင်းသန်သန်နဲ့ အပြစ်ကင်းတဲ့ကလေးရဲ့အကြောင်းကိုရေပက်မ၀င်ပြောနေလိုက်ကြတာ။