Unicode
"ခွေးကောင်သေစမ်း" ကနေစလို့ "ခင်...မလုပ်နဲ့" အထိအဖြစ်အပျက်များက မျက်တောင်တစ်ခတ်အတွင်း လျင်မြန်စွာဖြစ်ပျက်သွားခဲ့သည်။
ရလဒ်အနေနှင့် ဦးစတီဗင်ဟိန်းတစ်ယောက်
တံမြက်စည်းဖြင့် ကြောပြင်မှာဗျောတင်ခံလိုက်ရကာ နာကျင်ခံမှုကို ကော့နေအောင် အတိုင်းသား အရသာခံလိုက်ရသည်။
ခြည်ခြည့်ခမျာ မျက်လဲဆန်ပြာဖြင့် ဦးကို စိုးရိမ်စွာ ဘေးကို တွန်းလွှတ်လို့ မားကို တားရသည်။ ဒါပေမယ့် ခြည် မတားခင်မှာတင် မားက မေ့လဲသွားခဲ့သည်။
ဦးရိုးရာကြီးက မူးမေ့လဲကျသွားသည့်မိန်းမဖြစ်သူကိုကြမ်းပြင်ပေါ် တိုက်ရိုက်မကျစေရန် ဒူးဖြင့်ရှောတိုက်ကာ သူ့ကိုယ်ကြီးဖြင့်အောက်ကနေခံပေးလိုက်သည်။
"ခင်ရေ ကိုကိုလာပြီ"
ခြည်မားကိုပြေးထူမလို့အလုပ်မှာ ဘေးဘက်ကဝုန်းခနဲ လဲပြိုကျသံထွက်ပေါ်လာလေသည်။ ခြည်လှည့်ကြည့်လိုက်တော့ သူတွန်းလွှတ်လိုက်တဲ့ ဦးက ၀ရံတာက ရေအိုးစင်ပေါ်လက်ထောက်ကျကာ ရေအိုးရော လူပါ လဲကျသွားခဲ့သည်။
မာမားကို ပါပါးကဂရုစိုက်ပေးနေပြီမို့ ခြည် ဦးဖက်ကိုအမြန်သွားလိုက်သည်။
ရေအိုးခြမ်းပဲ့ကဦးရဲ့မျက်နှာကိုဖုံးနေသည်။ရေတွေကလည်း ဦးတစ်ကိုယ်လုံးကိုရွှဲရွှဲစိုလို့နေသည်။ ခြည်တွန်းလိုက်တာက အားသိပ်မပါပေမယ့် မားရဲ့ တံမြက်စည်းကြောင့် နာကျင်ကာ သတိလက်လွတ်ဖြစ်နေသည့် ဦးက လဲကျသွားတာဖြစ်ရမည်။
ခြည် ဦးရဲ့ မျက်နှာပေါ်က အိုးခြမ်းပဲ့ အကြီးကြီးကို ဖယ်ပေးဖို့ အနားတိုးကာ ကြမ်းပေါ်လက်ထောက်လို့ဖယ်ပေးလိုက်သည်။
ရေတွေနဲ့ချော်မှာစိုးရိမ်လို့ ဂရုတစိုက်နဲ့လုပ်ပေးနေတုန်း ဦးကထအော်သည်။
"အားးးးး"
နာနာကျင်ကျင်အော်လိုက်တာမို့ ခြည်လည်း လန့်ဖြန့်ပြီး အိုးခြမ်းပဲ့ကို ဦးရဲ့ မျက်နှာပေါ်နေရာမပျက် ဖတ်ခနဲပြန်တင်ပေးလိုက်သည်။
"အာ့ ...အွတ်... ခြည်ကလေး ကိုယ့်ကလေးလေး ..."
ဦးက ဖျစ်ညှစ်ကာ သူ့ကို ခေါ်သည်။
VOUS LISEZ
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Roman d'amour𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
