[ Recommend Song For This Part - Go Away Go Away ]
Unicode
ခြည့်ရဲ့ပန်းရောင်အိပ်ခန်းလေးနဲ့တူညီစွာပင် နူးညံ့ရဲ့ အိပ်ခန်းကလည်း အစိမ်းဖျော့ရောင်များဖြင့်တစ်ခန်းလုံးကိုဖြည့်တင်းထားသည်။ကျွန်းကုတင်ကြီးပေါ်မှာ မွှေ့ယာအစိမ်း၊ နံရံကပ်စက္ကူအစိမ်း၊လိုက်ကာအစိမ်း၊စာကြည့်စားပွဲ ၊ဝိုး အကုန်အစိမ်းပဲ။
"မင်းက Green Lover လေးအခုထိဖြစ်နေတုန်းပဲနော် နူးညံ့"
"မင်းလည်း Pink Lover လေးပဲမဟုတ်လား"
"ဟုတ်သားပဲ ဟီး"
ငယ်ငယ်ကတည်းက ခြည်ကပန်းရောင် crazy ဖြစ်ပြီး နူးညံ့က အစိမ်းရောင် crazy ဖြစ်သည်။ပန်းရောင်ကို လိမ္မော်ရောင်နဲ့မှားပြောတဲ့သူတွေရှိရင် ခြည်ကစိတ်ဆိုးသလို သူမြတ်နိုးတဲ့အစိမ်းဖျော့ရောင်ကို အစိမ်းပုပ်ကြီးနဲ့လာလာမှားရင်လည်း နူးညံ့ကစိတ်ဆိုးသည်။မတူတဲ့အချက်က ခြည်ခြည်စိတ်ဆိုးရင် အကုန်လုံးသိအောင်ဖော်ပြတတ်ပြီး နူးညံ့စိတ်ဆိုးရင်တော့ တစ်ယောက်တည်းကြိတ်ကာ စိတ်ဆိုးနေခြင်းပင်။တစ်ခါတစ်ရံသည်းမခံနိုင်တော့သောအခါမှသာ နူးညံ့က ပေါက်ကွဲလေသည်။
"အရင်ဆုံးရေချိုးခန်းထဲမှာ ပေနေတာတွေကို သန့်ရှင်းလုပ်လိုက် ခြည်ခြည်၊ အထဲမှာ bathrobe တစ်ထည်ရှိတယ်၊ငါ မင်းအတွက်ပုဆိုးတစ်ထည်ရွေးထားလိုက်မယ်၊ နေဦး မင်း အင်္ကျီရော လဲဖို့လိုအပ်လား"
"မလိုဘူး၊ မလိုဘူး၊ အင်္ကျီကမပေဘူး ပုဆိုးတင်ပဲ၊ ဒါပေမယ့် ငါ့ဖိနပ် "
သူ့ဖိနပ်က ကတ္တီပါဖိနပ်မလို့ ရေတွေစိုသွားတဲ့အခါမှာ လုံး၀စီးလို့မကောင်းတော့ပေ။ဆက်ပြီးစီးလိုက် ရင် ဖြေဖဝါးကနေအအေးပတ်မှာကြောက်ရပြီး လမ်းလျှောက်တဲ့အခါ စိုနေတဲ့ ရေကြောင့် သဲတွေ ဖုန်တွေ ပေဖို့ရာခိုင်နှုန်းပိုများလေတယ်။
"စိတ်မပူနဲ့၊ မင်းနဲ့ငါကဘောင်းဘီ၊ အင်္ကျီ ဆိုဒ်တွေတင်မကဘဲ ဖိနပ်ဆိုဒ်ပါတူနေတာကံကောင်းတယ်ပြောရမယ်၊ ငါ့ဖိနပ်တွေထဲက မင်းကြိုက်ရာ တစ်ခုယူစီးလိုက်"
"အိုကေ"
ခြည်,နူးညံ့ရဲ့ ဖိနပ်ထားတဲ့နေရာကနေ မြန်မာ၀တ်စုံနဲ့လိုက်မယ့် ကတ္တီပါဖိနပ်အနက်ကလေးကိုယူလိုက်တယ်။ခြည်ရောနူးညံ့ရောဖိနပ်ဆိုဒ်က ငယ်ငယ်ကတည်းကတူလာကြတာ အခုအသက်အရွယ်အထိလည်းတူနေဆဲပါရယ်။
VOUS LISEZ
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
