Unicode
"ဥက္ကဌကလေ အကို... ဟိုလေ ..."
အတွင်းရေးမှူးကောင်မလေးက သူမကြောင့် တစ်ခုခုပေါ်သွားမှာကိုကြောက်နေပုံရသည်။ ခြည့်ကို မဝံ့မရဲနဲ့ကြည့်ကာ စကားကိုရှေ့မဆက်နိုင်။
"သူရုံးခန်းထဲမှာ မရှိဘူးလား၊ ဖယ်နေ ငါ၀င်သွားလိုက်တော့မယ်"
ခြည် အခြေအနေတစ်ခုကို ရိပ်စားမိတာမို့ ဒေါသတကြီးနဲ့ အတွင်းရေးမှူးမကိုတွန်းဖယ်ကာ ရုံးခန်းတံခါးကို ဆွဲဖွင့်လိုက်သည်။
"အကိုလေး ခဏလေးပါ ..."
အတွင်းရေးမှူးမက တားပေမယ့် ခြည်ကပိုလက်မြန်သည်။
ရုံးခန်းက တိတ်ဆိတ်နေပြီး တစ်ဦးတစ်ယောက်မှမရှိ။ ခြည် ဥက္ကဌရုံးစားပွဲကိုသွားစစ်လိုက်တော့ ရုံးစာရင်းနဲ့ ကွန်ပျူတာက အရာမယွင်း။
"သူဘယ်မှာလဲ "
"အဲ့တာကလေ အကိုလေး၊ ကျမလည်း မသိလို့ပါ၊ ကျမ..."
"အလုပ်ထွက်စာတင်ထားလိုက်တော့ "
ခြည် အတွင်းရေးမှူးမကို စိုက်ကြည့်တော့ အတွင်းရေးမှူးမက တုန်ရီသွားကာ ...
"မထွက်ပါရစေနဲ့အကိုလေးရယ် ၊ ဥက္ကဌက Glamorous မှာပါ အကိုလေး "
တောက် !!
ခြည် လက်ထဲက ထမင်းချိုင့်ခြင်းကို ကြမ်းပြင်ပေါ်ပစ်ပေါက်ချလိုက်ပြီး အခန်းထဲမှ ဒေါသတကြီးထွက်လာခဲ့လိုက်သည်။
"သူ့ကိုလှမ်းအကြောင်းကြားကြည့် မင်းကိုပါတရားစွဲပစ်မယ်၊"
အတွင်းရေးမှူးမကို လှမ်းပြီး သတိပေးခဲ့လိုက်သည်။
Glamorous မှာတဲ့လား။
အိမ်ကမထွက်ခင်မှာပြောသွားခဲ့တာကျတော့တစ်မျိုးပါ။
"အကို ဒီနေ့ ပိတ်ရက်ကြီးကို ရုံးသွားရဦးမှာလား"
ခြည် မီးဖိုချောင်ထဲမှာ မနက်စာ ပြင်ဆင်နေရင်း ဖိုသီဖတ်သီနဲ့ အမြန်ထွက်လာခဲ့သည်။
အကိုကပိတ်ရက်မှာတောင် သားသားနားနား၀တ်စုံပြည့်နဲ့ အလုပ်အိတ်ကို ကိုင်လို့ အပြင်ထွက်ဖို့ပြင်နေသည်။
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
