Unicode
"အဖေနဲ့ အဖေက ချာတိတ်ကိုဘာနဲ့တင်တောင်းပေးမှာလဲ"
"Secret "
စတီဗင်ဟိန်းအတွက် ထိုစကားလုံးတစ်လုံးသာအဖြေပြန်ရခဲ့သည်။တစ်ကယ်တော့ ချာတိတ်အတွက်က သူတစ်ယောက်တည်းရဲ့ ပိုင်ဆိုင်မှုနဲ့တင် လိုလေသေးမရှိ၊ သူ့ပါပါးနဲ့ မာမား ထက်မလျော့သော ဂရုစိုက်မှု နဲ့ ထားပေးနိုင်ပါသည်။
သို့ပေမယ့် စေ့စပ်ကြောင်းလမ်းရာမှာ တင်တောင်းခြင်းဟူသည် တစ်ဖက်ကချာတိတ်အပေါ် သူ့ရဲ့ တန်ဖိုးထားမှု နဲ့ သူ့မိဘတွေရဲ့ အလေးထားမှုကိုပါထင်ဟပ်စေတာမို့ ဘယ်လိုပဲ ချာတိတ်အပေါ် ငွေကြေးပစ္စည်းနဲ့ တန်ဖိုးဖြတ်မရဘူးလို့ဆိုနေပါစေ အများတကာ လေးစားအားကျကြလို့ ချာတိတ်ကို မျက်နှာမငယ်စေချင်ပါ။
သူ့အနေနဲ့ ကတော့ချာတိတ်အတွက် ၂၀ ကာရက် စေ့စပ်လက်စွပ်တစ်ကွင်းပြင်ဆင်ထားခဲ့ပြီးဖြစ်သည်။၎င်းက နိုင်ငံအတွင်းမှာသာမက တစ်ကမ္ဘာလုံးမှာပါ လက်တစ်ဆုပ်စာခန့်သော လူအနည်းငယ်သာ လက်၀ယ်ပိုင်ဆိုင်ထားကြတာဖြစ်ပြီး ဒီနိုင်ငံအတွင်းမှာတော့ ချာတိတ်ကသာ ၎င်း တန်ကြေးရှိ
သည့်လက်စွပ်ကို ပထမဦးဆုံးနှင့် တစ်ဦးတည်းသော ပိုင်ဆိုင်ခွင့်ရရှိသည့်လူသားလေးဖြစ်လိမ့်မည်။
စတီဗင်ဟိန်း ကားနောက်ခန်းကိုလှည့်ကြည့်လိုက်တော့ အဖေနဲ့ အမေက အတော်လေးကိုကျေနပ်ပီတိဖြစ်နေကြပုံပေါ်သည်။ အထူးသဖြင့် အမေက တပြုံးပြုံးနဲ့ သူ့လက်ထဲက ကတ္တီပါဘူး အနီလေးကို ကျစ်ကျစ်ပါအောင်ဆုပ်ကိုင်ထားလေသည်။
"ကျွန်တော် စေ့စပ်ပြီးရင် ချာတိတ်နဲ့အတူ ယောက္ခအိမ်မှာနေမလို့ "
"နေလေ၊ ကလေးကငယ်သေးတာ အိမ်နဲ့ခွဲပြီး မင်းလိုအလုပ်သရဲနဲ့အတူနေရမှာကိုတွေးပြီး ဒီကလေးကို ငါ့မှာသနားနေတာ "
စတီဗင်ဟိန်း " ........."
ဟုတ်ပါပြီ ဒီလူအတွက်ကလက်ထပ်ပြီးတာနဲ့ ပထမဦးစားပေးနေရာက ချာတိတ်ဖြစ်လာပြီး အလုပ်က ဒုတိယနေရာ မဟုတ်သေးပါဘူး တတိယနေရာဖြစ်သွားတော့မှာပါ။
"တစ်ခါတစ်လေ ကျွန်တော်စဉ်းစားမိတယ်၊ ကျွန်တော်က အမေတို့ရဲ့သားအရင်းရောဟုတ်ရဲ့လားလို့၊ အမေတို့က ကျွန်တော့်ကို ဘလိမ်းရတာ အတော်လေး သဘောတွေ့ကြတာပဲ "
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
