Unicode
ဒီရက်တွေမှာ ကောင်းကင်မြင့်မြတ်ဟိန်းရဲ့နေ့ရက်တွေက ပုံမှန်သာဖြစ်ပြီး မွေးနေ့ကဖြစ်ရပ်ကြောင့် ကျောင်းကသူတွေ သူ့အပေါ်မှာ အရင်လောက် အထူးတလည်မဆက်ဆံတော့တာသာရှိသည်။ဒါကလည်း သူတို့အနေနဲ့ မကျေနပ်မှုကို ပေါ်တင်ထုတ်မပြရဲကြဘဲ နောက်ကွယ်မှာသာ တီးတိုးတီးတိုးပြောရဲကြတာဖြစ်တာမို့ ကောင်းကင်အတွက်တော့ သိပ်ပြီးရင်ထဲထည့်စရာမဟုတ်ခဲ့။
တည်တံ့ချမ်းသာနဲ့ မီမီကျော်ခိုင်တို့သည်လည်း အဲ့ဒီနေ့ကဖြစ်ရပ်မှာ ကောင်ကင်နဲ့အတူတူ အချုပ်ထဲ ဆွဲထည့်ခံလိုက်ကြရသူများဖြစ်ကြပြီး အထဲမှာ နာရီပိုင်းမျှကုန်ဆုံးလိုက်ကြရသည်။ စိုးမိုးသီဟတစ်ယောက်သာလျှင် ကားပါကင်ရောက်နေတာမို့ လွတ်မြောက်ခဲ့လေသည်။
"စိုးမိုး မင်းတော်တော်ကံကောင်းတာပဲ၊ဘယ်လိုဖြစ်ပြီး အချိန်ကိုက်တောင် အပြင်ကိုရောက်သွားတာလဲ အဟက် "
တည်တံ့က စိုးမိုးကိုမကျေနပ်။
သူတို့လူတွေအကုန်လုံးအဖမ်းမခံရခင်မှာ သန့်စင်ခန်းသွားမယ်ဆိုပြီးထွက်သွားခဲ့တဲ့ စိုးမိုးက ကားပါကင်ကိုရောက်နေခဲ့သည်။ဆိုတော့ ဒါကြီးကယုံချင်စရာကောင်းမနေဘူးလေ။
"တည်တံ့ နင် စိုးမိုးကိုလျှောက်ပြောမနေနဲ့၊ သူအပြင်ကိုရောက်နေလို့ ငါတို့ကိုအာမခံပေးမယ့်အိမ်တွေကို အမြန်ဖုန်းဆက်နိုင်ခဲ့တာလေ၊မဟုတ်ရင် ဆေးမှုက လွယ်လွယ်နဲ့ ငါတို့ကိုလွတ်မြောက်စေမယ်လို့ထင်လား"
"ဟမ့် ကျေးဇူးတင်ခံချင်လို့နေမှာပေါ့"
"တည်တံ့ ! "
"တော်လောက်ပြီ၊ ငါသန့်စင်ခန်းကနေ ငါ့အကြောင်းပြချက်နဲ့ငါ ကားပါကင်ရောက်သွားတာ မင်းတို့ကိုရှင်းပြစရာမလိုအပ်ဘူး၊တမင်လုပ်ကြံဖို့လည်း ငါစိတ်မ၀င်စားဘူး"
"မင်းမရှင်းပြဘူးဆိုကတည်းကမင်းဘက်မှာ မရိုးသားလို့ပဲ"
"ထင်ချင်သလိုထင် "
စိုးမိုးက တည်တံ့ကိုတစ်ချက်မကြည့်ဘဲ စီးကရက်ကောက်ဖွာလိုက်သည်။
"စိုးမိုးကိုချည်းပဲ မဲမနေနဲ့၊ အဲ့ဒီနေ့ကညီညာရိုးခြည်ကရောဘယ်လိုဖြစ်ပြီးလွတ်သွားတာလဲ၊ ငါတို့ကတော့အချုပ်ထဲရောက်နေချိန် သူကတော့ အေးအေးဆေးဆေးပဲဖြစ်နေခဲ့တယ်၊ ဒီလိုချည်းဖြစ်နေတာ နှစ်ခါရှိနေပြီနော် တည်တံ့ "
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
